34
etnik lideri statusuna iddialı milli-demokratların bu şüarı onların öz siyasi talelərini
fərdi və ya sosial-sinfi yox, etnik kateqoriyalarda qəbul etmələrindən xəbər verirdi.
Gürcü sosial-demokratları və sosial-federalistlərindən fərqli olaraq, milli-
demokratlar Gürcüstanın siyasi perspektivi və ərazi ideologiyası məsələlərində
daha radikal xəttin tərəfdarları idilər. Sözügedən partiyanın mətbu orqanı - «Çveni
kvali» («Bizim şırım») qəzeti özünün 1917-ci il 26 iyun sayında yazırdı: «Sosial-
demokratların
və
sosial-federalistlərin
tələb
etdikləri
formada
gerçəkləşdirməkdənsə, Gürcüstanın muxtariyyətindən tamamilə imtina etmək daha
yaxşıdır».
59
Partiyanın 1917-ci ilin iyununda olmuş təsis qurultayı demokratik
respublika əsası üzərində Gürcüstanın siyasi muxtariyyəti tələbini irəli sürdü;
əslində gürcü millətçiləri üstüörtülü formada da olsa, müstəqil dövlət qurulmasını
ehtimal edirdilər. Məhz həmin qurultayda milli-demokratlar faktiki olaraq gələcək
gürcü respublikasının ərazi identikliyinin ideoloji əsaslarını təsbit etdilər: onların
hazırladıqları doktrinal səciyyəli «Gürcüstanın milli hüquqları» adlanan məram-
namədə Gürcüstanın bir qədər öncə söz açdığımız tarixi-coğrafi hüdudlarına dair
konsepsiya ideya-siyasi və funksional məna və əhəmiyyət kəsb etdi. Milli-
demokratların ərazi proqramı Gürcüstanın arzu olunan, ideal məkan obrazını
cızırdı: gürcü intellektual zümrəsinin romantik təsəvvürlərinə söykənən və o
dövrün siyasi dairələrində tez-tez səslənən «Çariça Tamaranın səltənətinin
bərpası» şüarında
60
öz tutumlu ifadəsini tapan bu ideal məkan nəinki gürcülərin o
zaman etnodemoqrafik planda əksəriyyət təşkil etdikləri əraziləri, həmçinin tarixi
keçmişdə nə vaxtsa Gürcüstan çarlığına daxil olan vilayətləri də əhatə etməli idi.
Milli-demokratların proqramında deyilirdi: «Gürcüstan ərazisi əyalətlərdən
ibarətdir: Kartli, Kaxeti, Samsxe-Saatabaqo, İmereti, Quriya, Minqreliya, Svaneti,
Acara və Abxaziya, özü də Gürcüstan tərkibinə, tarixən ona mənsub torpaqlar da
daxil olmalıdır: Zaqatala, Artaani (Ərdahan -Ş.R.) və Oltu dairələri (sonuncu iki
dairə Qars vilayətinə daxil idi-Ş.R.)».
61
Qeyd etməliyik ki, gürcü siyasi
partiyalarından məhz milli-demokratlar ilk dəfə olaraq Zaqatala dairəsinin
Gürcüstana ilhaqı məsələsini birmənalı və qəti şəkildə öz proqramlarına
salmışdılar.
Beləliklə, milli-demokratların bu proqramı doktrinal səviyyədə
Gürcüstanın tarixi coğrafiyasını, təbiri caizsə, siyasi coğrafiyaya konversiya etmək
cəhdini təqdim edirdi. Bu zaman, qeyd etdiyimiz kimi, tarixi keçmişə müraciət
praqmatik səciyyə daşıyırdı. Bir qədər öncə isnad etdiyimiz ingilis alimi K.Skinner
XVII əsr İngiltərə inqilabı dövründə parlament və kralın hüquqları ətrafında
gedən debatların timsalında göstərmişdir ki, insanlar tarixə, tarixi anlayışlara və
maksimalara apellyasiya edərkən, onları keçmişin səhih mənzərəsini bərpa
etməkdən daha çox siyasi mübarizədə əlavə arqumentlər əldə etmək istəyi hərəkətə
gətirir.
62
Bizim nümunədə bu o deməkdir ki, gürcü millətçiləri istər daxili siyasi
(gürcü siyasi meydanında rəqibləri ilə qarşılıqlı təsir), istərsə də xarici-siyasi (başqa
35
etnik mühitdən olan və eyni ərazilərə iddiada bulunan siyasi aktorlarla qarşılıqlı
təsir) müstəvidə fəaliyyət göstərərkən mifolojiləşdirilmiş keçmişə istinadla öz
niyyət və əməllərini legitimləşdirməyə çalışırdılar.
Milli-demokratların proqramında diqqəti cəlb edən digər məqam,
orada öncə qeyd etdiyimiz kimi, ərazi-simvolların dəqiq işarələnməsi idi: bu qəbil
ərazilər sırasında Zaqatala dairəsi də xatırlanırdı. Moskva Dövlət Universitetinin
professoru A.İ.Solovyovun tərifinə görə, simvollar insanın siyasi məkanda ruhi
əsasını və identikləşməsini təskil edir, eyni zamanda sosial obyektlərə aktorların
ictimai ünsiyyəti üçün zəruri mənaları verən ideal formaları təmsil edir.
63
Yəni
Zaqatala rəmzi anlam kəsb etməklə gürcü milli-siyasi identikliyinin tərkib
hissəsinə çevrilirdi və ictimai kommunikasiya üçün zəruri məna əldə edirdi.
Gürcü siyasi spektrinin yuxarıda qeyd etdiyimiz üç qüvvəsi arasında milli
məsələyə dair uzlaşma əldə etmək məqsədi ilə hələ 1917-ci ilin aprelin
əvvəllərində və 16-da partiyalararası müşavirə çağırılmışdı.
64
Müşavirənin
Gürcüstanın ərazisi ilə bağlı coşqun mübahisə şəraitində çıxardığı qərar kom-
promiss xarakter daşıyırdı: mübahisəsiz ərazi kimi gürcülərin əksəriyyət təşkil
etdiyi ərazilər, mübahisəli kimi isə gürcülərin əksəriyyət təşkil etmədiyi ucqar
rayonlar hesab olundu.
Əsas müzakirə predmetlərindən olan gürcü milli ərazi vahidinin
səlahiyyətləri, onun qonşuları və Ümumrusiya mərkəzi ilə münasibətləri məsələsi
milli-demokratlarla sosial-demokratlar arasında o zaman hələ də dərin fikir
ayrılıqları mövcud olduğunu göstərdi: əgər birincilər Gürcüstana 1783-cü il
müqaviləsinə müvafiq qaydada geniş hüquqlar verilməsinə, yəni de-fakto
müstəqilliyə çağırırdılarsa, sosial-demokratlar N.Ramişvilinin dili ilə belə bir
perspektivi rədd edirdilər. Ramişvili iddia edirdi: «Burada (Qafqazda-Ş.R.) biz
digər xalqlarla razılaşma olmadan hərəkət edə bilmərik və qonşularla bu qarşılıqlı
münasibətlərə müvafiq forma vermək lazımdır. Ona görə də ümumi məsələlərin
həlli üçün... Zaqafqaziya seymi lazımdır... Mədəniyyət məsələlərinə gəldikdə isə,
onlar tamamilə milli vahidlərin səlahiyyətinə keçir».
65
Bu, menşeviklərin bir qədər
bəhs etdiyimiz mədəni-milli muxtariyyət konsepsiyasından nəşət edən nöqteyi-
nəzər idi.
Fəqət Ümumrusiya miqyasında siyasi böhran gücləndikcə və mərkəzlə
əyalətlər arasında əlaqə zəiflədikcə gürcü menşeviklərinin muxtariyyətə münasibəti
dəyişikliyə uğrayırdı. 1917-ci ilin sentyabrında olmuş Ümumrusiya demokratik
müşavirəsində A.Çxenkeli - gürcü sosial-demokratlarının millətçi ovqatlı
qanadının təmsilçisi bəyan etmişdi: «Gürcü xalqının siyasi partiyalarında milli
məsələyə dair artıq ümumi rəy mövcuddur. Onlar Gürcüstan üçün siyasi
muxtariyyət tələb edərək, bu məsələdə tarixi hüquqa və ali ədalətə istinad edirlər».
66
Beləliklə, 1917-ci ilin fevral-oktyabr kəsiyində gürcü siyasi partiyalarının
milli-ərazi proqramlarının ötəri nəzərdən keçirilməsi bizə söyləməyə əsas verir ki, o
dövrdə yalnız milli-demokratlar əvvəlki gürcü tarixi-intellektual ənənəsinə söykə-
Dostları ilə paylaş: |