58
əməkdaşlıq sisteminin formalaşdırılması, həmçinin münaqişələrə müəyyən
normativ baza verilməsi istiqamətində növbəti və daha ciddi addım atıldı.
Konfransın 22 aprel iclasında «Transqafqaz cümhuriyyətləri şurasının» əsasnaməsi
təsdiq edildi. Bu sənədə əsasən, «şuraya» olduqca geniş, o cümlədən mövcud ərazi
mübahisələrinin dinc həllinə yönəlmiş tədbirlər almaq səlahiyyətləri verilirdi.
Faktiki olaraq bu konfrans sovetləşməyə qədər mövcud siyasi-hüquqi
münasibətlər sistemi daxilində Cənubi Qafqaz regionunun inteqrasiya vektorunun
konturlarını cızırdı.
9. «Sənəd qalmaqalı» və «TəĢviqat müharibəsi».
Azərbaycan ictimai-siyasi Ģüurunda Zaqatalanın
simvolik önəmi
Qeyd etdiyimiz kimi, 1918-ci ildə xarici-siyasi faktorun təsiri ilə
Azərbaycan və Gürcüstan respublikaları arasında faktiki sərhədlər bərqərar
olmuşdu. Lakin həmin ilin sonlarina doğru türk qoşıınlarının Qafqazı tərk etməsi
gürcü siyasi yuxarıları qarşısında öz dövlət sərhədlərini irəli çəkmək və ərazi
cəhətdən genişlənmək baxımından müəyyən mənada şirnikləndirici perspektivlər
açmışdı və gürcü hökuməti də dərhal hərəkətə keçmişdi. Türk ordusu Qafqazı tərk
edər-etməz gürcü qoşunları tələsik Axalkələk, Axalsıx qəzalarını, Artvin dairəsini
işğal etdi.
146
Faktiki olaraq 1918-ci il 4 iyun gürcü-osmanlı sazişi qüvvədən
salınmış, Gürcüstan hakimiyyəti öz dövlətinin yeni siyasi məkanının formalaşması
prosesinə rəvac vermişdi. Bu nöqteyi-nəzərdən Azərbaycanla sərhədlərdə də
müəyyən dəyişikliklər ehtimal olunurdu.
1919-cu ilin yanvarın əvvəlində iki respublika arasında siyasi ixtilafa
çevriləcəyi ilə hədələyən diplomatik qalmaqal qopdu. Azərbaycan hökuməti gürcü
rəsmilərindən Zaqatala dairəsinə aid Tiflis şəhərindəki keçmiş Rusiya arxiv və
təsisatlarının sənədlərinin verilməsini xahiş etmişdi. Artıq qeyd etdiyimiz kimi, çar
Rusiyası dövründə Zaqatala dairəsinin bir sıra mülki ehtiyacları məhz Tiflis
quberniyasının müvafıq idarə və təsisatları tərəfindən təmin edilirdi. Ona görə də
mahala dair sənəd və materialların əksəriyyəti də həmin quberniyanın mərkəzində
yığılıb qalmışdı.
Gürcü hökuməti bu əsaslı xahişə «dairənin Gürcüstanın ayrılmaz ərazisi
olması» formulu ilə qəti şəkildə rədd cavabı verdi.
147
Gürcü hökumətinin bu qərarı milli-demokratların orqanı olan «Qruziya»
qəzetində geniş və təkəbbürlü şəkildə şərh olundu.
148
Məqalənin əsas leytmotivi
Zaqatala dairəsinin -«Saingilonun» Gürcüstana şəksiz mənsub olması haqqında
tezis idi. Yazının sonunda Azərbaycan açıq-aşkar müharibə ilə hədələnirdi:
«Gürcüstan hökuməti dairədəki mövcud status - kvoya razılıq verməklə böyük
güzəştə getmişdir (yəni məsələ hələ əvvəlcədən güc tətbiqi ilə həll edilə bilərdi -
59
Ş.R.). Ona görə də Azərbaycan hakimiyyət orqanları, həmçinin lazımi
ehtiyatlılığa və dövləti mərifətə riayət etməlidir ki, düşünülməmiş təklifləri
ilə gürcü xalqına arzuolunmaz nəticələr çıxarmağa bəhanə verməsin». Təhdidlərin
daha müdhiş olması üçün isə yaxın keçmişdəki gürcü-erməni savaşına eyham
edilirdi: «Məgər yaxın günlərin nümunəsi düşünülməmiş əməllərdən çəkinmək
üçün zəhmli xəbərdarlıq deyildirmi... Gürcü xalqı həyasız düşməni qaçmağa
məcbur etdi və o yeni macəraçılığı təkrarlamağa çətin ki, bir də cəhd edə».
İqtibas edilən məqalənin ruhu - o çağın, yəni XIX əsrin sonu - XX əsrin
əvvəllərinin geosiyasi cərəyanları çərçivəsində
149
işlənib hazırlanmış bir sıra
ideyalar ilə üzvi surətdə səsləşirdi. Birincisi, dövrün geosiyasi ənənəsi siyasətin
başlıca hərəkərverici motivi kimi eqoistcəsinə anlaşılmış dövlət maraqlarının
toqquşmasını nəzərdən keçirirdi. İkincisi, bu ənənə ilk dəfə çox görkəmli alman
coğrafiyaşünası, müasir geosiyasi fikrin sələfi F.Ratselin (1844-1904) formulə
etdiyi kimi, çiçəklənən dövlətin tənəzzül edən dövlətdən fərqini dinamik ərazi
artımında görürdü.
Fəqət, F.Ratsel, habelə onun şagirdi İsveç alimi R.Çellenin qeyd olunan
geosiyasi ideyaları, ələlxüsus da dövlətlərin məkanca artıma canatmaları haqqında
tezisi, ilk növbədə qlobal təsir gücünə malik iri dövlətlərə şamil edilirdi. Halbuki
əvvəl alman, sonra ingilis hegemonluğu altında olmuş, süqutu ərəfəsində də böyük
Qərb dövlətlərinin birinin himayəsinə sığınmağa çalışan Gürcüstan kimi xırda və
formalaşmamış dövlətin siyasi qüvvəsinin dilində belə ekspasionist çağırışlar,
fikrimizcə, cılız və namünasib görünürdü.
Gürcüstan hökumətinin rədd cavabı və başlıcası isə «Qruziya» qəzetinin,
fikrimizcə, öz ölkəsinin siyasi yuxarılarının mübhəm niyyətlərini müəyyən mənada
açan şərhləri Azərbaycan ictimai-siyasi şüurunda Zaqatala mahalının identikliyi
məsələsini aktuallaşdırdı.
Yarırəsmi «Azərbaycan» qəzetində 1919-cu ilin ilk aylarında sözügedən
bölgəyə dair Azərbaycanın siyasi intellektualları kimi işarələdiyimiz zümrənin
(M.Ə.Rəsulzadə, B.N.Kiçikxanov, Ü.Hacıbəyli, İ.Qəbulov) bir sıra məqalələri dərc
edildi.
150
Bu
məqalələrdə
formalaşmaqda olan Azərbaycan milli-ərazi
identikliyində Zaqatala mahalına verilən yüksək simvolik önəm aydın sezilməkdə
idi: Zaqatala mahalı «Azərbaycanın zəngin hasilxiz (bərəkətli - Ş.R.), qəyyur (qey-
rətli - Ş.R.) və həmiyyətmənd (şərəfli, ləyaqətli - Ş.R.)», «hər bir nöqteyi-nəzərdən
ixtilaf götürməz» «bir qitəsi» (M.Ə.Rəsulzadə), «Azərbaycanın cüzi layənfəki,
ayrılmaz bir cüzi» (B.N.Kiçikxanov, Ü.Hacıbəyli) kimi qavranılırdı.
M.Ə.Rəsulzadəyə görə, Zaqatala vilayətinin Azərbaycana mənsubiyyətini
labüd edən «bariz sübutlar, cərh edilməz (yarılmaz; burada: inkar edilməz - Ş.R.)
dəlillər, söz götürməz bürhanlar (arqumentlər - Ş.R.) var ...» «Bürhan» məfhumu
daha çox dini arqumentasiyaya aid bir istilahdır və onun bu kontekstdə analoji
digər anlayışlar sırasında işlənilməsi, əslində oxucuda Zaqatalanın Azərbaycana
aidiyyatı təəssüratını və qavrayışını gücləndirmək məqsədi güdürdü.
Dostları ilə paylaş: |