AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
82
icrası adı altında digər şəxslərin hüquqlarını pozmuş və bu hərəkətlərinə 2 nəfər
yetkinlik yaşına çatmayan şəxsi də cəlb etmişlər.
Qonşuların məzmunca eyni olan şiakyətinin eyni gündə yazılması, şikayətə iki
nazirliyin operativ və sərt reaksiya verməsi bu hadisənin hüquq-mühafizə orqanları
tərəfindən qabaqcadan hazırlanması və nəyin bahasına olursa olsun dindar şəxslərin
həbsinə yönəlmiş əməliyyat olmasını nümayiş etdirir. Halbuki bu qrupun məqsədi hər
hansı siyasi məqsəd güdmədən dinc surətdə İslam dininin sünni məzhəbindən olan
alim Səid Nursinin kitablarına əsaslanan, “Nurçuluq” adlandırılan təriqətin
“sunqurçular” cərəyanının təbliğ etmək olub. Təbliğatın dinc xarakterli olmasına,
ittiham olunan şəxslərin hər hansı zorakılığdan istifadəsi və Azərbaycan
Respublikasının qanunlarına zidd hərəkətlər etməsi ilə bağlı nəinki sübutların, hətta
ehtimalların belə mövcud olmadığına baxmayaraq, bu iş üzrə təqsirləndirilən şəxslər
haqqında ilk gündən həbs qətimkan tədbiri seçilib. Onlara istinad olunan AR CM–in
168.2-ci maddəsində cərimə və ya ən ağır cəza kimi 3 ilədək azadlıqdan məhrumetmə
sanksiyaları nəzərdə tutulduğu halda, təqsirləndirilən şəxslərin dərhal həbs edilməsi,
cinayət işinin materiallarında təqsirləndirilənlərin təqsirləndirilməsi üçün kifayət
qədər əsasların olmadığını məhkəmənin nəzərə almaması bu iş üzrə adı keçən
şəxslərin dini inanclarına görə məsuliyyətə cəlb olunduğunu deməyə əsas verir. Bu
şəxslərdən tapılmış ədəbiyyatın - İslam alimi Səid Nursinin külliyyatının rəsmi dini
ekspertizası bu iş üzrə təqsirləndirilən şəxslərin oxuduğu və yaydığı kitabların qanuna
zidd məzmunda olmadığını müəyyən edib. Sonradan 2014-cü ilin sentyabr ayında hər
üç təqsirləndirilən şəxs barəsində seçilmiş həbs qətimkan tədbiri ev dustaqlığı ilə əvəz
edilib.
2014-cü ilin aprel ayında Göyçay rayonunda da Səid Nursi tərəfdarlarına qarşı cinayət
təqibi başlanıb, onların Göyçay şəhərində yığışdığı məznildə baxış və götürmə
istintaq hərəkəti keçirilib, 2 şəxs - Şahin Həsənov və Zəkəriyyə Məmmədov
təqsirləndirlən şəxs qismində cəlb edilib, ancaq onların barəsində həbs qətimkan
tədbiri seçilməyib, polisin nəzarəti altına verilib.
Yasamal Rayon Məhkəməsi 2015-ci il oktyabrın 7-də təqsirləndirilən şəxslərin
müxtəlif müddətlərə azadlqıdan məhrum edilməsi ilə bağlı hökm çıxarıb və barəsində
həbslə bağlı olmayan qətimkan tədbiri seçilməyən şəxslər məhkəmə zalında həbsə
alınıblar. Lakin məhkəmə hökmündə bu məsələyə münasibət bildirilməyib, yalnız
oktyabrın 9-da məhkəmə yenidən proses keçirərək bu şəxslərin barəsində həbs
qətimkan tədbirinin seçilməsini qərara alıb. Bakı Apellyasiya Məhkəməsinin 19 aprel
2016-cı il tarixli qərarı ilə Zəkəriyyə Məmmədov və Şahin Həsənov şərti olaraq
azadlığa buraxılıblar, Rəvan Səbzəliyevin cəza müddəti azaldıldığı və faktiki olaraq
bu qərarla müəyyən edilən müddəti həbsdə keçirdiyindən məhkəmə zalından azadlığa
çıxmışdır. Digər 2 şəxsin - Eldəniz Hacıyev və İsmayıl Məmmədovun cəza müddəti 2
il 6 aya qədər endirilib. Ali Məhkəmə 2016-cı ilin oktyabrında bu qərarı olduğu kimi
qüvvədə saxlayıb. E.Hacıyev və İ.Məmmədov hazırda məntəqə tipli cəzaçəkmə
müəssisəsində cəza çəkirlər.
117.
Eldəniz Balamət oğlu
HACIYEV
Saxlanma tarixi: 12 aprel 2014-cü il