AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
76
Saxlanma tarixi: 20 may 2012-ci il
İttiham: CM-in 167.2.2.1
(qabaqcadan əlbir olan bir qrup şəxs və ya mütəşəkkil dəst
ə tərəfindən müvafiq razılıq olmadan dini təyinatlı ədəbiyyatı, əşyaları və dini
məzmunlu başqa məlumat materiallarını istehsal etmə, satış və ya yayma məqsədi ilə
idxal etmə, satma və ya yayma), 234.4.1
(satış məqsədi olmadan qanunsuz olaraq
narkotik vasitələri və ya psixotrop maddələri şəxsi istehlak miqdarından artıq
miqdarda əldə etmə və ya saxlama, qabaqcadan əlbir olan bir qrup şəxs tərəfindən və
ya mütəşəkkil dəstə tərəfindən törədildikdə), 234.4.3
(satış məqsədi ilə qanunsuz
olaraq narkotik vasitələri və ya psixotrop maddələri əldə etmə və ya saxlama,
hazırlama, istehsal etmə, emal etmə, daşıma, göndərmə, yaxud qanunsuz olaraq
narkotik vasitələri və ya psixotrop maddələri satma, külli miqdarda törədildikdə),
281.2
(bir qrup şəxs tərəfindən hakimiyyətin zorla ələ keçirilməsinə, zorla
saxlanılmasına və ya Azərbaycan Respublikasının konstitusiya quruluşunun zorla
dəyişdirilməsinə və ya ərazi bütövlüyünün parçalanmasına yönələn açıq çağırışlar
etmə, habelə bu cür məzmunlu materialları yayma) və 283.2.3-cü
(mütəşəkkil dəstə
tərəfindən milli, irqi, sosial və ya dini nifrət və düşmənçiliyin salınmasına, milli
ləyaqətin alçaldılmasına, habelə milli, irqi və ya dini mənsubiyyətindən asılı olaraq
vətəndaşların hüquqlarının məhdudlaşdırılmasına və ya üstünlüklərinin müəyyən
edilməsinə yönələn hərəkətlər, aşkar surətdə və ya kütləvi informasiya vasitələrindən
istifadə olunmaqla törədildikdə) maddələri
Saxlandığı yer: 6 saylı Cəzaçəkmə Müəssisəsi
İş üzrə qısa arayış: Bakı Ağır Cinayətlər Məhkəməsinin 09 dekabr 2013-cü il tarixli
qərarı ilə
9 il müddətinə azadlıqdan məhrumetmə cəzasına məhkum edilib. Bakı
Apellyasiya Məhkəməsi 27 iyun 2014-cü ildə həmin hökmü dəyişdirmədən qüvvədə
saxlayıb.
(5) Azərbaycan İslam Partiyasının Sədri və onunla birlikdə tutulanlar
1991-ci ildə Bakıda təsis edilən Azərbaycan İslam Partiyası 1992-ci ildə dövlət
qeydiyyatına alınıb. 1995-ci ildə Ali Məhkəmə qurumun qeydiyyatını ləğv etsə də,
partiyan faktiki olaraq bu gün də qeydiyyatsız fəaliyyət göstərir. 2007-ci ildə keçirilən
qurultayda Hacı Mövsüm Səmədov partiyanın sədri seçilib və qeydiyyat üçün
Ədliyyə Nazirliyinə müraciət edilib, lakin Nazirlik qurumu qeydiyyata almayıb.
Partiya və M.Səmədov Azərbaycanda islam dininin tələblərinə riayət edilməli
olduğunu, Azərbaycan hakimiyyətinin islama qarşı yönələn siyasət apardığını, ABŞ
və İsraili işğalçı ölkə kimi tanıdığını bildirib. M.Səmədov 2009-cu ilin dekabrında
İran radiosuna müsahibəsində Azərbaycanda bir neçə məscidin sökülməsi ilə bağlı
qərara etirazını bildirib və dinlə bağlı bəzi qanunlara edilən dəyişiklikləri pisləyib.
2010-cu ilin aprelində M.Səmədov Prezident İlham Əliyevə müraciət göndərib və ona
prezident seçildikdən sonra Konstitusiya ilə yanaşı “Qurani-Kərim”ə də and içdiyini,
lakin bəzi əməllərinin həm Konstitusiyaya, həm də “Quran”a zidd olduğunu bildirib.
M.Səmədov həmin il Beynəlxalq Qüds Günündə İsrail səfirliyinin qarşısında keçirilən
dinc aksiyada iştirak edib və saxlanılıb, sonradan sərbəst buraxılıb. “Alma” qəzetində
Məhəmməd Peyğəmbərlə bağlı yazılara etiraz olaraq 2010-cu ilin noyabrında partiya
Qafqaz Müsəlmanları İdarəsi ilə birgə Mətbuat Şurasına müraciət edib. Daha bir
müraciət telekanallardan açıq-saçıq verilişlərin yığışdırılmasının zəruriliyi ilə bağlı
Milli Televiziya və Radio Şurasına edilib. Partiya və M.Səmədov 2010-cu ilin
AZƏRBAYCANDA SİYASİ MƏHBUSLARIN VAHİD SİYAHISI / HESABAT
Sənəd 28 avqust 2017-ci ilə qədər olan dövrü əhatə edir
77
noyabrında keçirilmiş parlament seçkilərində iştirak etsə də, mandat qazana bilməyib.
2010-cu ilin dekabrında Təhsil Nazirliyinin məktəblərdə hicabı qadağan etməsi ilə
bağlı qərarının əleyhinə keçirilən ilk dinc etiraz aksiyasında partiya fəalları iştirak
ediblər.
2011-ci il yanvarın 2-də Partiyanın Baş Məclisində M.Səmədov çıxış edərək hicaba
qadağa ilə bağlı təhsil naziri Misir Mərdanovu, ölkədəki ictimai və sosial vəziyyətə
görə isə prezident İlham Əliyevi sərt tənqid edib.
60
Çıxışı zamanı M.Səmədov
Dubayda prezident İlham Əliyevə və oğluna məxsus olan villalar barədə bir müddət
əvvəl “Washington Post” və “New York Times” qəzetlərində dərc edilən məqalələrə
istinadla Azərbaycan xalqının və dövlətinin sərvətlərinin oğurlandığını, bu qədər
sərvətlərin olmasına baxmayaraq, Azərbaycan gənci üçün iş yerinin olmadığını,
ölkədə ədalətsizlik və rüşvətin tüğyan etdiyini, keçmiş Prezident Heydər Əliyevin
doğum günü keçirilən Gül Bayramına xərclənən pulların xalqdan oğurlandığını və
Heydər Əliyevə sitayiş etməklə ölkədə bütpərəstliliyin təbliğ edildiyini deyib.
M.Səmədov çıxışında bildirib ki, Azərbaycan xalqı bu məsələdə ayıq olmalı və ayağa
qalxmalı, hakimiyyəti dəyişməli və bu zülmün qarşısında durmalıdır. Mövsüm
Səmədovun bu çıxışı sosial şəbəkələrdə, xüsusən Youtube portalında geniş yayılıb və
müzakirələrə səbəb olub.
M.Səmədov bu çıxışından cəmi 5 gün sonra, yanvarın 7-də müavini Vaqif
Abdullayev, partiya üzvü Elçin Həsənov və sürücüsü Mirhüseyn Kazımovla birgə
həbs edilib. Adları çəkilən şəxslərin olduğu maşını Dövlət Yol Polisi əməkdaşları
saxlayıb. Polis sürücüdən sürücülük vəsiqəsini aldıqdan sonra yol polisi
avtomobilinin qarşısındakı qara rəngli maşından düşən bir neçə mülki geyimli şəxs
M.Səmədovu və onunla birgə olanları polisə müqavimət göstərməkdə ittiham edərək
saxlayıb. Nərimanov rayonu 19-cu Polis Bölməsinə gətirilən M.Səmədov və onunla
birgə olan şəxslər orada izahat verdikdən sonra Binəqədi Rayon Məhkəməsinə
aparılıblar və məhkəmə polisə müqavimət ittihamı ilə onların barəsində 10-15 gün
inzibati həbs qərarı verib (M.Səmədov 14 gün inzibati həbs alıb). M.Səmədovdan
başqa saxlanılanlar Binəqədi Müvəqqəti Saxlama Təcridxanasına aparılıblar.
M.Səmədovun harada saxlanması ilə bağlı bir neçə gün ərzində heç bir məlumat
verilməyib (sonradan onun Milli Təhlükəsizlik Nazirliyində saxlandığı məlum olub).
M.Səmədov inzibati qaydada həbs edildiyi gün Daxili İşlər Nazirliyi bu quruma daxil
olmuş məlumatlar əsasında Baş Mütəşəkkil Cinayətkarlıqla Mübarizə İdarəsinin
Qubada əməliyyat-axtarış tədbirləri keçirdiyi ilə bağlı açıqlama yayıb. Açıqlamada
bildirilir ki, Qubada yaşayan əmisi oğlu Dəyanət Səmədovla birgə iğtişaşlar törətmək,
ictimai təhlükəsizliyi pozmaq, insanları cihada təhrik etmək barədə M.Səmədov
tapşırıqlar verib. Dəyanət Səmədovun işlədiyi elektrik malları dükanından 3 ədəd əl
qumbarası və yaşadığı evdən 7 avtomat patronu tapılıb, faktla bağlı cinayət işi açılıb.
Partiyanın daha bir fəalı Rufulla Axundzadə, o sıradan M.Səmədovun əmisi oğlu
Dəyanət Səmədov və qaynı Firdovsi Məmmədrzayev, yanvarın 2-də keçirilmiş Baş
Məclisdə iştirak etmiş ruhanilər Fəramiz Abbasov və Zülfüqar Mikayılzadə
saxlanılıb, onların evindən silah-sursatın tapıldığı bildirilib. M.Səmədova və onunla
birgə həbs edilmiş şəxslərə qarşı partiya sədrinin məhz yanvarın 2-də etdiyi çıxışı
zamanı hakimiyyətin zorla ələ keçirilməsinə çağırış edilməsi ilə bağlı ittiham
və başqa
ittihamlar irəli sürülüb. İnzibati həbs müddəti bitdikdən sonra M.Səmədovun
60
http://bit.ly/1mb5txL