NƏSİRƏDDİN TUSİNİN MÜDRİKLİK FƏLSƏFƏSİ
~ ~
161
salmaq üçün, qısa hekayətlər, sadə və tərbiyəvi şeirlər
öyrətmək və əzbərlətmək gərəkdir.
Tusi uşaqların tərbiyəsini lap körpə yaşlarından ver-
məyi, bu işlə ciddi məşğul olmağı, bütün ata-analara
məsləhət görmüşdür. O qeyd edir ki, elə hərəkət etmək la-
zımdır ki, uşaq dil açıb danışarkən bir kəlmə də olsun
bəd, pis və nalayiq söz eşitməsin və pis hərəkətlər gör-
məsin. Ona görə ki, uşaqların təbiətində pis, yaramaz söz
və əməllərə meyl çox güclü olur.
Müdrik alim yazırdı ki, «hər şeydən əvvəl uşağın bu
meylini qabaqlayıb, əxlaqını təmiz saxlamaq, yəni uşağın
zatında hansı müsbət keyfiyyət olduğunu öyrənib,
həmin meyl və qüvvətin təkamülünə çalışmaq zəruridir».
Tusi utancaqlıq və həya haqqında da düşünür və
qeyd edir ki, uşaqda ilk fərqlənən qüvvə deyə həya
özünü göstərir. Elə etmək lazımdır ki, həya və utancaqlıq
uşaqda əbədi olaraq mövcud olsun və uşaq başı aşağı
olub təkəbbür, dikbaş, lovğa böyüməsin.
Tusinin «Əxlaqi-Nasiri»dəki fikirlərindən məlum olur
ki, o öz psixologiyasını və ailəsinin verdiyi tərbiyəyə
incəliklərinə kimi bələd olmuşdur. Onun fikrincə, bəzən
uşağın etdiyi pis hərəkətləri, kobudluq və qabalıq göstər-
məsini onun üzünə vurmaq lazım deyildir. Bunu uşağa
başa salmaq və inandırmaq lazımdır deyirdi. Tusiyə görə,
«uşağın acığa düşməsi, üzə durması» və s. kimi amillər
valideynlərin uşağa yaxşı və pis, düzgün və qeyri düzgün
yanaşmasından çox asılıdır.
Valideyn uşağa necə tərbiyə verirsə, verdikləri barədə
də yaxşı düşünməli, nəyi öyrətmək, niyə öyrətmək və
necə hərəkət etməyi başa salmaq üçün tədbirlər aramalıdır.
Namiq Abbasov, Rəhim Həsənov
~ ~
162
Əgər uşaq valideynin sözündən çıxarsa, onu bu zaman
mütləq cəzalandırmaq lazımdır.
Tusiyə görə, «tərbiyə yalnız ailədə uşaq yaşlarında
verilməli, böyüklükdə də zəruridir. Tusiyə görə tərbiyə
insanla yaranmış, insanla davam edir və hər bir şəxs
öldükdə o da yekunlaşır».
Bu fikirlər XVIII əsr fransız filosof-materialisti
pedaqoq Klod Adrian Helvetsi (1715-1771) tərəfindən də
tərənnüm edilmədə Tusi bunu neçə-neçə əsr bundan əvvəl
söyləmişdir.
Tusi ailə tərbiyəsini uşağın ailədə inkişafını çox
incəliklə şərh etmişdir. Pedaqoji fikir tarixində bu məsələ
(ailə tərbiyəsi) İsveçrə pedaqoqu İohan Henrix Pestalotsi
(1746-1827) tərəfindən çox geniş təhlil edilmişdir.
Pestalotsinin fikirləri ilə çox həmahəngdir. Göründüyü
kimi Tusi ailə və uşaq tərbiyəsi haqqında 700 il əvvəl
daha geniş məlumat vermişdir. (55, səh.84).
Tusi ailədə uşağa sadə davranış normalarını öyrətməyi
də təklif edirdi. O, «xörək yemək qaydaları» barədə ge-
niş söhbət aparmış və nəticələrini müəyyənləşdirərək, öz
təkliflərini vermişdir. Tusiyə görə uşağa tərbiyəvi key-
fiyyətləri aşılamaq hələ kiçik yaşlarından başlayaraq hə-
yata keçirilməlidir. İlk növbədə uşağa yemək mədəniy-
yətini öyrətmək vacibdir.
Tusi bu məsələni hifz-səhhət ilə üzvi surətdə
bağlayırdı. Onun fikrincə, istər ata-ana, istərsə də müəllim
uşağa başa salmalıdır ki, xörək yeməkdə məqsəd bədəni
salamat saxlamaqdır, nəinki ləzzət çəkmək. Çünki, qida
həyat və sağlamlığı qorumaq üçün yeyilir. Qida aclıq və
susuzluğu dəf etmək üçün bir dərmandır.
NƏSİRƏDDİN TUSİNİN MÜDRİKLİK FƏLSƏFƏSİ
~ ~
163
Tusi pedaqoq-psixoloq kimi yeyilən qidanın qana, əsəb
sisteminə mənfi və ya müsbət təsirini də qeyd edir və
göstərir ki, təam daxilən və zahirən ya insanı məst,
həlim, yaxud da bədbin və ya qeyzli edir. Buna görə də
yeməyin qədir-qiymətini uşağın nəzərindən salmaq
lazımdır ki, o, qarınqulu olmasın, həddindən artıq
yeməyin uşağa pisləməli və eyni zamanda müxtəlif
xörəklər yeməkdən, onu çəkindirərək bir növ xörəklə
kifayətlənməyə öyrədilməlidir.
Tusi hifz-səhhət haqqında danışaraq adətlərin rolunu da
qiymətləndirirdi. Onun fikrincə müəllimə, ata-anaya
hörmət etmək adətlərdən, onların müəllim tərəfindən necə
öyrədildiyindən asılıdır. Tusiyə görə, uşaq öyrənə-öyrənə,
təkrarlaya-təkrarlaya adətlərə yiyələnir. Başa düşərək
hörmət və ehtiram saxlamağa alışırsa, bu çox yaxşıdır.
Bu adətləri uşaqlıq yaşlarından öyrətməyi təklif edirdi.
O uşaqlıq yaşları qurtardıqdan sonra, uşaq idrakının,
səhhətinin möhkəmlənməsi dövrünün başlandığını göstərir.
Bu münasibətlə o yazırdı: «Elə ki, uşaqlıq yaşları keçdi
xalqın arzu və istəklərini anlayır, xalq da onu yaxşı başa
düşür. Bu dəmdən uşaq anlayır ki, mal-dövlət, qoşun,
sürü, mal-qara, paltar, fərş və bütün dolanacaqlar bədəni
qorumaq və saxlamaqdan ibarətdir. Beləliklə, onun səhhəti
möhkəmlənər, müxtəlif xəstəliklərdən də iraq olur».
Tusi uşaq və yeniyetmələrin tərbiyəsinə xüsusi diqqət
yetirirdi. Onun fikrincə, «filosof Sokrat da bu fikirdə
imiş» ki, bu dövrdən tərbiyə verildikdə uşaqların əxlaqına
istənilən təsir göstərən mümkün bir hal olur».
Tusi qədim yunan filosofu Sokratdan (e.ə. 469-e.ə.399)
misal gətirərək yazırdı: «Filosof Sokratdan soruşurlar ki,
cavanların tərbiyəçisinə sən nə üçün bu qədər fikir
Dostları ilə paylaş: |