kalori ilə miqdarına torpağın istilik tutumu deyilir, çəki və
həcm ifadə olunduğuna görə torpağın çəki və həcmi istilik
tutumları fərqləndirilir.
Cədvəl 5.1. Bəzi torpaq, bitki və landşaft örtüyünün
albedosu
Məntəqə
A, %-lə
Məntəqə
A, %-lə
Quru qaratorpaq
14
Yazlıq buğda
10-25
Nəm qaratorpaq
8
İynəyarpaq meşə
14
Quru boz torpaq
25-30
Su səthi
10
Nəm qaratorpaq
10-22
Pambıq
20-22
Quru gil
23
Çəltik
12
Nəm gil
16
Kartof
19
Boz qum
9-18
Ot
19-26
Ağ qum
30-40
Quru səhra
30
Torpağın istilik tutumu torpağın mineroloji və
mexaniki tərkibləri, üzvi maddələrin miqdarı, rütubətliyi,
məsaməliyi və torpaq havasının miqdarından asılıdır.
Ümumiyyətlə, torpağın ayrı–ayrı tərkib hissələrinin
tutumları müxtəlif olur. Məsələn, suyun istilik tutumu ən
yüksək olduğu üçün vahid (1) götürülür. Çürüntününkü –
0,477, gilinki – 0,233, kvarsınki isə - 0,198 kalori təşkil
edir. İstilik tutumu kəmiyyətini nəzərə alaraq çox zaman
torpaqları soyuq və isti torpaqlara bölürlər. Məsələn,
rütubətli gilli torpaqlar çox ləng isindiyi üçün onlar soyuq
torpaqlar adlanır. Qumsal torpaqlar isə suyu tez itirir, tez
qızır və isti torpaq adlanır.
Torpağın istilik tutumunu yaxşılaşdırmaq üçün
onları üzvi maddələrlə zənginləşdirmək, yaxşı susızdırma
şəraiti yaratmaqla rütubətliyi azaltmaq və buxarlanmanı
zəiflətmək kimi tədbirlər həyata keçirilməlidir. Belə
tədbirlər əksərən pis strukturlu ağır torpaqlarda nəzərdə
tutulmalıdır.
3.Torpağın istilik keçirmə qabiliyyəti. En kəsiyi 1
sm
2
, qalınlığı 1 sm olan torpaqdan 1˚C temperaturda
75
saniyə ərzində keçən istiliyin kalorilərlə miqdarına
torpağın istilik keçirmə qabiliyyəti deyilir.
Torpağın istilik rejimi yalnız xarici meteoroloji
şəraitdən deyil, torpaqların özlərinin daxili xassələrindən
də asılıdır. Eyni iqlim şəraitində tünd rəngli, çürüntü ilə
zəngin, strukturalı, kifayət qədər havası olan, optimal su
xassələrinə malik torpaqların istilik şəraiti əlverişli olur.
Açıq rəngli, üzvi maddələri az, yaprıxmağa qabil olan,
özündə artıq rütubət saxlayan, hava işləməyən,
strukturasız torpaqlar isə soyuq olur, istilik rejimi pisdir və
bitkilərin inkişafı üçün az əlverişlidir.
Faktlar gəstərir ki, torpağın mineral hissəsinin
istilikeçirmə qabiliyyəti orta hesabla havadan (qaz
fazasından) 100, sudan 28 dəfə çoxdur. Həm də torpaq
nə qədər yaşdırsa, onun istilik keçirməkliyi bir o qədər
çox, nə qədər yumşaqdırsa bir o qədər az olur. Yayda
torpağın üst qatının quruması zamanı onun istilik
keçirməkliyi azalır və bunun nəticəsi olaraq istiliyin üst
qatlardan alt qatlara verilməsi də azalır. Quru torfun istilik
keçirməsi ən az, qumunku isə ən çox olur.
Torpaqda əlverişli istilik rejiminin yaradılması
aqronomik tədbirlərlə (üzvi gübrələmə, davamlı torpaq
strukturası, su və hava rejiminin yaxşılaşdırmaq və s.)
həyata keçirildikdə o əkinçilik təsərrüfatına böyük fayda
verir.
5.4. Torpağın hava rejimi və onun xassələri
Torpaq havası, yaxud onun qaz fazası – torpağın
mühüm tərkib hissəsi olub, onun bərk, maye və canlı
fazaları ilə sıx qarşılıqlı əlaqədədir.
Torpaq havası – torpağın sudan azad olan
məsamələrini dolduran qazlar və uçucu üzvi birləşmələrin
qarışığına deyilir.
76
Akademik V.İ.Vernadski torpaq havasını yüksək
qiymətləndirərək göstərmişdir ki, “qazsız götürülən
torpaq, torpaq deyildir”. Hava nəinki torpağın mineral
hissəsinin mühüm aşınma amilidir, eyni zamanda bioloji
proseslərin inkişafı üçün də zəruridir. Torpaq havasından
bitki kökləri özünün tənəffüsü üçün istifadə edir. Belə
sahələrdə bitkilərin boylarının qeyri–normal, rənglərinin
solğun–sarımtıl
olması,
torpaq
havasının
çatışmamasından, onun da təsirindən qida maddələrinin
az olmasından asılıdır.
Torpaq mikroorqanizmlərinin həyat fəaliyyəti üçün
də havanın böyük əhəmiyyəti vardır. Bunların böyük
əksəriyyəti aeorob mühitdə yaşadığı üçün torpağın
aerasiya qabiliyyətinə böyük müsbət təsir edir. Aerasiya
zəif olan torpaqlardan aeorob bakteriyalarının fəaliyyəti
də zəiflədiyi üçün qida maddələrinin dinamikasına əsaslı
təsir göstərir. Oksigenin çatışmaması nəticəsində
bitkilərdə tənəffüs, oksidləşmə və qida maddələrinin
əmələgəlmə prosesləri pozulur. Bunun nəticəsində
torpaqda anaerob şərait yaranır, bir sıra zərərli
birləşmələr toplanır və bitkiləri məhv edir.
Torpağın hava xassələrinə hava tutumu və hava
keçirmə qabiliyyəti aiddir. Torpağın özündə hər hansı bir
miqdarda hava saxlaması qabiliyyətinə hava tutumu
deyilir.
Torpağın hava tutumunun miqdarı torpağın
məsaməliliyindən və rütubətindən asılıdır. Rütubətlik
artdıqca torpağın hava tutumu azalır, çünki bu halda
məsamələrin bir hissəsinə su dolmuş olur. Ümumiyyətlə,
torpaqlarda havanın miqdarı torpağın həcminin 8-10%-
dən 35-40%-dək dəyişə bilər. Torpaq havasının tərkibi və
torpaqda qaz mübadiləsi – öz tərkibi etibarilə torpaq
havası, atmosfer havasından oksigenin az olması və
karbon qazının çox olması ilə fərqlənir.
77
Dostları ilə paylaş: |