suları da sistematik və dövri iştirak edir. Suvarma zamanı
torpaq məhlulu üçün ehtiyat mənbə kimi suvarma suları
da mühüm rol oynayır.
Atmosfer yağıntıları, səth suları, şehlər, qrunt suları
torpağa düşərək onun maye faza kateqoriyasına keçir,
torpağın bərk və qaz fazalarının, bitkilərin kök sistemi və
torpaqda məskən salmış heyvan orqanizmlərinin qarşılıqlı
təsiri nəticəsində öz tərkibini dəyişir. Əmələ gələn torpaq
məhlulu öz növbəsində torpağın dinamikasında, bitki və
mikroorqanizmlərin qidalanmasında çox mühüm rol
oynayır, eləcə də torpaqda mineral və üzvi birləşmələrin
dəyişməsi prosesində və onların profil boyu hərəkətində
fəal iştirak edir.
5.6. Torpaq məhlulunu ayırma üsulları
Torpaq məhlulunun tərkibini və xassəsini şəraitdən,
tədqiqat məqsədindən asılı olaraq öyrənmək üçün bir sıra
üsullardan istifadə edilir. Bütün bu üsullar xarici qüvvələr
(təzyiqetmə) tətbiqetməyə əsaslanır: 1) presləşdirilmə
üsulu – yəni torpaq xüsusi proses altında müvafiq təzyiqlə
sıxılaraq ondan məhlul ayrılır; 2) sentrifuqlama, yaxud
mərkəzdənqaçma üsulu – bu üsul o torpaqlarda
mümkündür ki, orda torpağın rütubəti tam rütubət
tutumuna yaxın olsun; 3) torpaq məhlulunun başqa maye
ilə sıxışdırılıb çıxarılması, əvəz edilməsi.
Bu məqsədlə torpaq məhlulunu çıxarmaq üçün
əvvəl təbii rütubətli torpaq müəyyən silindirvari qabda
yerləşdirilir. Üstdən üzərinə qovub çıxaran maye əlavə
edilir. Bu işdə ən yaxşısı etil spirtidir ki, onun qovduğu
torpaq məhlulu qəbul edicidə yığılır. Hərgah torpaq ağır
gillicəlidirsə, onda onun süzmə qabiliyyətini
yaxşılaşdırmaq üçün mütləq yuyulmuş qum qatılması
məsləhət görülür.
81
Torpaq məhlulunun öyrənilməsində lizimetr üsulu
da tətbiq edilir. Bu üsulla torpağın müəyyən qalınlığında
qatında yağış suyu və adi suyun sızması nəticəsində
qəbuledicidə torpaq məhlulu toplanır. Lizimetr üsulu
nöqsanlı olduğu üçün torpaq məhlulunun həm lizimetr,
həm də presləşdirmə üsulu ilə təyin etmək məsləhət
görülür.
Qeyd edək ki, torpaq məhlulunun tərkibi bəzən tam
dəqiq olmasa da su çəkimi (süzüntüsü) vasitəsiylə də
öyrənilir.
Torpaq məhlulunun reaksiyası (pH), onun
elektrikkeçirmə qabiliyyəti və oksidləşmə - bərpa
proseslərinin intensivliyi torpağın özündə, onun məhlulu
ayrılmadan da öyrənilə bilər.
5.7. Torpaq məhlulunun kimyəvi tərkibi
Torpaq məhlulunun əsas göstəriciləri onun kimyəvi
tərkibi, qatılığı, pH-ı, osmotik təzyiqi və oksidləşmə -
reduksiya xassələri hesab olunur.
Torpaq məhlulu daima torpağın bərk, maye və qaz
fazalarının, eyni zamanda bitkilərin kök sisteminin
qarşılıqlı təsirində olur. Ona görə də onun tərkibi və
qatılığı bioloji, fiziki–kimyəvi və fiziki proseslərin
nəticəsindən asılıdır. Torpaq məhlulunun qatılığı yüksək
olmur, adətən 1l bir neçə qram təşkil edir. Lakin bu
məsələdə şorakət və şoran torpaqlar müstəsnalıq təşkil
edir, belə ki, onların 1l məhlulunda bəzən 10–100 qrama
qədər maddə ola bilər.
Torpaq məhlulunda mineral, üzvi və üzvi – mineral
birləşmələr olur. Onlar molekulyar və həllolunan kolloidlər
formasında toplanır. Bundan başqa, torpaq məhlulunda
həll olmuş qazlar da (O
2
, CO
2
və s.) mövcuddur.
82
Torpaq məhlulunda mineral birləşmələrin
anionlarından HCO
3
, CO
3
, NO
3
, SO
4
, Cl, H
2
PO
4
,
kationlardan Ca, Mg, Na, NH
4
, K, H ola bilir. Şiddətli turş
torpaqlarda Al, Fe, bataqlı torpaqlarda isə Fe
2
olur.
Torpaq məhlulunda üzvi birləşmələrdən suda həll
olunan üzvi qalıqlar, onların çürümə məhsulları, bitki və
mikroorqanizmlərin həyat fəaliyyəti nəticəsində ayrılan
məhsuldar (üzvi turşular, şəkər, amin turşuları, spirtlər,
fermentlər, aşı maddələri və s.) həm də humus maddələri
ola bilir.
Üzvi–mineral birləşmələrdən müxtəlif üzvi
maddələrin kompleks birləşmələri (humus turşuları,
polifenollar, kiçik molekullar, üzvi turşular) vardır.
Torpaq məhlulunun komponentləri genetik qatlar
üzrə kəskin fərqlənir. Onların maksimum miqdarı humus
qatında olur. Lakin profil boyu dərinliyə getdikcə onların
minerallaşması ilə əlaqədar miqdarı maksimum azalır.
Qara, şabalıdı, boz və şorakət torpaqlarda dərinliyə
getdikcə məhlulun tərkibində mineral birləşmələrdən –
karbonatlar, gips, asan həll olunan duzların miqdarı artır.
Şoran torpaqların məhlulunda Cl, SO
4
, Ca, Mg və Na-nın
miqdarı yüksək olur. Bitkilərin qidalanmasında mühüm rol
oynayan ionlar, xüsusilə NO
3
, SO
4
, fosfat ionu məhlulda
nə qədər çox olarsa, bir o qədər aqronomik qiymətli
hesab olunur.
Ümumiyyətlə, torpağın mənşəinin öyrənilməsində,
onun münbitlik xassəsində torpaq məhlulu böyük
əhəmiyyət kəsb edir. Orqanizmlərdə üzvi – mineral
birləşmələrin yenidən əmələ gəlməsi, bitkilərin
qidalanması, böyüməsi, inkişafı və məhsuldarlığı yalnız
torpaq məhlulu ilə əlaqədardır.
83
Dostları ilə paylaş: |