80
M.M. İsmayılova
edib
və mənim o hünərim yoxdur ki, onu öldürəm. Gərək bu pulu qəbul edib,
gedib Aslanı öldürəsən, Mirzə oğlu pulu qəbul etməyib təvəqqesin qəbul edib. Yenə
gedib Aslanı öldürmüşdür. Çox belə işlər etdi, girə düşmədi. Sonra həmin Mirzə oğlu
Həsəni öz evində övrətilə yatdığı yerdə bir nəfər on yaşında uşaq öldürdü. Və o uşaq
ələ düşmədi, qaçıb
getdi o taya, İran tərəfinə. Belə ki, məsəl deyiblər:
Hər nə doğrarsan çomağına, o çıxacaq qaşığına” (5, 307).
Salnamə müəllifləri əxlaqi- mənəvi dəyərlərin biliciləri, etnik düşüncənin
qoruyucuları kimi çıxış edirlər.
Öyüd- hikmət yüklü atalar sözü və məsəllər tarixən Qarabağ folklor landşaftı
üçün səciyyəvidir. Görkəmli folklorşünas İ. Abbaslı bu haqda yazır: “... Burada bir janr
kimi atalar sözü və məsəllərin quruluş və funksiyalarında kənara çıxan, daha çox öyüd,
nəsihət,
hikmətli söz, frazeoloji və idiomatik birləşmə xarakteri daşıyan vahidlər də
özünə yer tapmışdır” (6, 28).
Salnamələrdə atalar sözləri və məsəlləri, aforizmlər ornomental finksiya daşıyır,
“uzun mətləblərə körpü salmaq üçündür”(7, 118).
Salnamə mətnlərində atalar sözləri, məsəllər, aforistik deyimlər etiket janrlarıdır,
“toplumun inanc enerjisi ilə yüklənmiş fraqmentlərdir- sitatlardır, etnik davranış
streotipləri və etnik- fəlsəfi normalardır, nüfuzlu sözlərdir” (3, 56).
Mətnlərdən göründüyü kimi, müəlliflər və personajlar nüfuzlu sözlərə inanırlar.
Atalar sözü salnamə mətnində həm də proqnostik funksiyanı yerinə yetirir.
Məsələn: İran ordusu Şuşanı işğal edərkən Vaqifi zindana salır
və orda onu təhqir
edirlər, ona mənəvi, fiziki əzab- əziyyət verirlər. Bu zaman Vaqif deyir: “Mən ki, indi
dustağam, şah dustağıyam, sən nakəssən ki, mənə təərüz və əziyyət edə biləsən. Məhz
bu günə ətvari- naqabil sənin nakəs və nanəcinliyinə dəlildir. Həqq- təala kərim və
rəhimdir. Məsəldir ki, mıxı mismar eyləyən vardır.
Qəzara iş söylər oldu ki, o gücə şahı
öldürdülər”. Doğrudan da, Vaqifin aforistik deyimi performativ gücə malik olur. Az
keçmir, Qacarın ölüm xəbəri şəhərə yayılır.
“Qızılbaşlar bunlara bir cür hücum etdilər ki. Göyə qalxan tozun çoxluğundan
işıq dünya qaranlıq oldu”( 2 , 68).
Mübaliğə folklorun xarakterik xüsusiyyətidir (qəhrəmanların xarici görünüşünü,
onların gücü, qəhrəmanlığı, ziyafət məclisinin və s. təsvirində) (КЛЭ, 1056).
Qarabağnamələrdə obrazların, hadisələrin mübaliğəli təsvirinə rast gəlirik. Xüsusən
Pənah xanın qüdrəti mübaliğəli şəkildə təqdim edilir, İbrahim xanın zənginliyi,
fiziki
gücü şişirdilir: “Xüsusi qoyun sürüləri, malı, camışı o qədər çox idi ki, saymaqla
qurtarmazdı” (8, 145).
“Zatının (Fətəli xan Əfşar- M.İ.) xəmrəsi ona (pənah xana) qarşı bəslədiyi gizli
ədavətin suyu ilə yoğrulmuşdu. O, mərhum xana qarşı hərb etmək məqsədi ilə yeddi
dəfə fitnə və fəsadı gözlərə qaldırdı.
Lakin hər dəfəsində, məqsədinə çatmadan, külli
tələfatla geri qayıtdı. Axırıncı dəfə ulduzlar qədər saysız qoşunla gəlib Ballıca çayı ilə
Xacə Əlili çayı arasında olan geniş bir səhrada düşdü...” (2, 44).
İbrahim xan atasına yazdığı məktubla qaçmaq üçün atının göndərilməsini xahiş
edir: “Belə məlum olur ki,Fətəli xan məni də özü ilə bərabər aparmaq fikrindədir.
Mənim Qaladakı kürən atımı təcili surətdə mənə göndərin. Bəlkə yeriyən və səba yeli
tək mənzil kəsən o atın köməyi ilə qaça bilim” (2, 46).
Salnamələrdə mübaliğə döyüş təsvirləri üçün səciyyəvidir. Əsgərlərin sayı qeyri-
adi səviyyədə mübaliğə edilir.
“Mərhum İbrahim xan padşah adlanmasa da, onun cah- calalı müasiri olan İran
padşahlarından daha çox idi” (2, 49).
“Şəhərin ətrafında fələklər qədər əzəmətli olan çadırlarını qurdular” (2, 47).
81
M.M. İsmayılova
“Ağa
Məhəmməd şah, sərdarın qayıtması xəbərini eşitdikcə, yenə Qarabağ
vilayətini almaq fikrinə düşdü. Bahar çağı yağış qətrələri və ağac yarpaqlarının sayından
artıq qoşunla Azərbaycan tərəfinə bayraq qaldırdı” (2, 57).
Ədəbiyyat
1.
Rzasoy S. “Oğuz mifi və Oğuznamə” eposu. Bakı: “Nurlan”, 2007
2.
Mirzə Adıgözəl bəy. Qarabağnamə // Qarabağnamələr. Birinci kitab. Bakı:
Yazıçı, 1980. 192 s
3.
Kamal R. “Kitabi- Dədə Qorqud”un kommunikativ məkanı: miforitual aspekt.
Bakı: “Elm və təhsil”, 2013, 204 s.
4.
Haqverdiyev Ə. Xortdanın cəhənnəm məktubları. Bakı: “Gənclik”, 1981
5.
Baharlı . Əhvalati- Qarabağı / Qarabağnamələr. II kitab. s. 270- 310
6.
Abbaslı İ. Azərbaycan folklor antologiyası. V kitab (Qarabağ folkloru). Bakı:
“Səda”, 2000
7.
Hacıyev T. Dədə Qorqud: dilimiz, düşüncəmiz. Bakı: Yani nəşrlər evi, Elm,
1999, 216 s.
8.
Mirzə Camal Cavanşir Qarabaği. Qarabağ tarixi // Qarabağnamələr. I kitab.
FOLKLOR MOTIFS IN “QARABAGNAME”
M.M. Ismayilova
SUMMARY
Garabagh narrative literature was widespread in Garabagh Khanlands dedicated
to its history. The texts described in the folklore are
given in the forms of proverbs,
sayings, narration. And all these were developed in Garabagh folklore.
ФОЛЬКЛОРНЫЕ МОТИВЫ В «КАРАБАХНАМЭ»
M.M.Исмайылова
РЕЗЮМЕ
«Карабахнамэ» хроника, посвященная истории Карабахскогого ханства. В
этих текстах помимо хроникального стиля, фольклорное слово занимает
доминантное место. Пословицы и предания, гиперболы определяют фольклорное
повествование хроник.