102
VACİB QÜSLLƏR
Məsələ 375: İrtimasi qüsldən sonra bədənin bir miqdarına su
dəymədiyini bilərsə, istər onun yerini bilsin, istərsə də bilməsin,
yenidən qüsl etməlidir.
Məsələ 376: Əgər tərtibi qüsl etməyə vaxtı olmasa, irtimasi
qüsl üçün vaxtı varsa, irtimasi qüsl etməlidir.
Məsələ 377: Vacib oruc tutan, yaxud Həcc və ya Ömrə üçün
ehram bağlayan bir şəxs irtimasi qüsl edə bilməz. Amma
unutqanlığ üzündən irtimasi qüsl etsə səhihdir.
QÜSLÜN HÖKMLƏRİ
Məsələ 378: İrtimasi və ya tərtibi qüsldə, bədənin qüsldən
qabaq tamamilə pak olması lazım deyil, qüsl niyyəti ilə suya
batmaqla, yaxud axar suyu bədənə tökməklə bədən pak olsa, qüsl
gerçəkləşmiş olur.
Məsələ 379: Haramla cünub olmuş şəxs isti su ilə qüsl etsə,
hətta tərləsə belə, onun qüslü səhihdir. Ehtiyat-müstəhəb budur
ki, soyuq su ilə qüsl etsin.
Məsələ 380: Qüsl edərkən bədəndə başın bir tükü qədər
yuyulmamış yer qalsa, qüsl batildir. Amma qulağın, burunun içi
kimi bədənin iç hissəsi sayılan yerin yuyulması vacib deyil.
Məsələ 381: Bədənin zahirindən və ya batinindən olmasında
şəkk edilən yer, ehtiyat-vacibə əsasən yuyulmalıdır.
Məsələ 382: Əgər sırğanın dəliyi və s. kimi yerlər çox geniş
olub daxili görünsə və bədənin zahiri hesab olunsa, gərək onu
yusun. Əks halda yuyulması lazım deyildir.
Məsələ 383: Suyun bədənə çatmasına mane olan şeylər gərək
aradan qaldırılsın. Əgər aradan qaldırılmasına yəqin hasil
etmədən qüsl etsə, qüslü batildir.
Məsələ 384: Əgər qüsl edən vaxt, bədənində suyun bədənə
çatmasına mane olan bir şeyin olub-olmamasında şəkk etsə, 299-
cu məsələdə qeyd olunduğu kimi, maneənin olmamasına əminlik
hasil etmək üçün, gərək axtarış aparsın.
İzahlı şəriət hökmləri
103
Məsələ 385: Qüsldə bədənin hissələrindən sayılan qısa tüklər
yuyulmalıdır,ehtiyat-vacibə əsasən uzun tüklər və onların dibini
də yumaq lazımdır.
Məsələ 386: Dəstəmazın səhih olmasında qeyd olunan şərtlər,
suyun pak olması, qəsbi olmaması və s. bütünlüklə qüslün də
səhih olması üçün şərtdir. Amma qüsldə bədənin yuxarıdan
aşağıya doğru yuyulması lazım deyil. Həmçinin tərtibi qüsldə,
bədənin bir hissəsini yuduqdan sonra, dərhal digər üzvü yumaq
lazım deyildir. Belə ki, baş və boyunu yuduqdan sonra bir
müddət səbr edərək sonra sağ tərəfi və bir müddət sonra sol
tərəfi yumağın eybi yoxdur. Amma sidik və ya ğaitinin
gəlməsinin qarşısını ala bilməyən şəxs, əgər qüsl edib, namaz
qıla biləcəyi bir müddət ərzində ondan ğait və ya sidik gəlməsə,
gərək dərhal qüsl etsin və qüsldən dərhal sonra namazı qılsın.
İstihazəli qadının hökmü də belədir, sonradan deyiləcək.
Məsələ 387: Hamamçının razı olub-olmadığını bilmədən
hamamda nisyə yuyunmaq niyyətində olan şəxsin qüslü,
sonradan hamamçını razı salsa belə, batildir.
Məsələ 388: Hamamçının pulun nisyə verilməsinə razı olduğu
təqdirdə, qüsl edən şəxsin məqsədi, onun pulunu ödəməmək və
ya haram puldan ödəmək olarsa, qüslü batildir.
Məsələ 389: Əgər xümsü verilməmiş pulu hamamçıya versə,
harama düşməsinə baxmayaraq, onun qüslü səhihdir və xümsə
müstəhəqqlərin haqqı onun boynunda qalır.
Məsələ 390: Əgər qaitin məxrəcini hamamın ambarının suyu
ilə paklayıb sonra, qüsldən qabaq hamamın suyundan pakladığı
üçün hamamçının onun qüsl etməsinə razı olub-olmamasında
şəkk etsə, onun qüslü batildir. Amma, qüsl almamışdan qabaq
hamamçını razı etsə, batil olmaz.
Məsələ 391: Qüsl edib-etmədiyində şəkk edən şəxs, qüsl
etməlidir. Amma qüsldən sonra etdiyi qüslün səhih olub-
olmadığında şəkk edərsə, yenidən qüsl etməsi lazım deyil.
104
VACİB QÜSLLƏR
Məsələ 392: Əgər qüsl əsnasında kiçik hədəs baş versə,
məsələn, bövl etsə, ehtiyat-vacib budur ki, qüslü tamamlayıb
yenidən qüsl etsin və dəstəmaz da alsın. Yaxud qüslü tərk etsin
yenidən qüsl edib dəstəmazda alsın.
Məsələ 393: Əgər qüsl və namaz üçün lazımi qədər vaxtın
olduğunu güman edib, namaz üçün qüsl etsə, əgər qüsldən sonra
bir rəkət ya çox vaxt qalsa qüslü səhihdir. Bundan başqa hallarda
da qüslün səhih olmasına hökm olunur.
Məsələ 394: Cünub olan şəxs qusl edib-etməməsi barədə şəkk
etsə,əgər ehtimal verə ki, namazın başlayan vaxt ona diqqət
edibsə, qıldığı namazlar səhihdir. Amma gərək sonrakı namazlar
üçün qusl alsın. Əgər namazdan sonra kiçik hədəs baş versə
dəstəmaz alması lazım deyil.
Məsələ 395: Boynunda bir neçə vacibi qüsl olan bir şəxs həm
onların hamısını niyyət edərək bir qüsl ala bilər, həm də onların
hər biri üçün ayrılıqda qüsl ala bilər.
Məsələ 396: Cünub olan bir şəxsin bədəninin müəyyən
yerində Quran ayəsi və ya Allah-təalanın adı yazılmış olsa,
ehtiyat-müstəhəbə görə onu aradan qaldırsın, əgər mümkün
olmasa qüsl və dəstəmazı irtimasi yerinə yetirsin. Əgər qüsl və
dəstəmazı tərtibi yerinə yetirmək istəsə gərək suyu bədənə elə
töksün ki, əli yazılara dəyməsin.
Məsələ 397: Cənabət qüslü edən şəxs gərək namaz üçün
dəstəmaz almasın. Digər vacib qüsüllər və hökmləri 651-ci
məsələdə deyiləcək müstəhəb qüsüllər ilə də dəstəmazsız namaz
qılmaq olar. Amma daha yaxşı olar dəstəmazda alınsın.
QADINLARA MƏXSUS OLAN QÜSÜLLƏR
İSTİHAZƏ
Qadından xaric olan qanlardan biri də istihazə qanıdır.
İstihazə qanı görən qadına müstəhazə deyilir.
Dostları ilə paylaş: |