Xabar ha'm jamiyet. Xabar, mag'luwmat ha'm bilim haqqında tusinik. Xabarlı protsesler. Xabardı su'wretlew, saqlaw, islew beriw ha'm jetkerip beriw. Xabardın' sıpat korsetkishileri. Ja'miyette xabar protsessleri

Audiokonferensiyalar.
Audiokonferensiyalar. Olar firmanin’ teritoriyaliq ta’repten uzaqta jaylasqan jumisshilari yamasa bo’linbeleri ortasinda kommunikatsiyalardi saqlap turiw ushin audiobaylanistan paydalanadi. Audiokonferensiyalardi o’tkiziwdin’ en’ a’piwayi texnika qurali so’ylesiwde ekiden ko’p qatnasiwshi qatnasiwin ta’miyinleytug‘in qosimsha qurilmalar menen jalg‘ang‘an telefon baylanisi esaplanadi. Audiokonferensiyalardi sho’lkemlestiriw kompyuter boliwin talap etpeydi, tek g‘ana onin’ qatnasiwshilari ortasinda eki ta’repleme audiobaylanistan paydalaniwdi ko’zde tutadi. Audiokonferensiyalardan paydalaniw qararlar qabil etiw protsessin jen’illestiredi, ol arzan ha’m qolay. To’mendegi sha’rtler orinlang‘anda audiokonferensiyalardin’ na’tiyjeligi asadi:
• audiokonferensiyani sho’lkemlestiriwshi kadr onda barliq ma’pdar shaxslardin’ qatnasiw imkaniyatin aldinan ta’miyinlep qoyiwi;
• qaralip atirg‘an mashqala a’trapinda tartisti saqlap turiw ushin konferensiya qatnasiwshilari sani ju’da’ ko’p bolmaslig‘i (a’dette alti kisiden ko’p emes);
• konferensiya programmasi onin’ qatnasiwshilarina aldinan, ma’selen, faksimil baylanis quralinan paydalanip, xabar qiling‘an boliwi;
• so’ylemesten aldin ha’r bir qatnasiwshi o’zin tanistiriwi;
• konferensiyanin’ jazip aliniwi ha’m onin’ saqlaniwi sho’lkemlestirilgen boliwi;
• konferensiya jaziwi baspa jag‘dayda shig‘ariliwi ha’m onin’ barliq qatnasiwshilarina jiberiliwi.
Videokonferensiyalar
Videokonferensiyalar. Olar da audiokonferensiyalar qanday maqsetlerge mo’lsherlengen bolsa, sonday maqsetlerge mo’lsherlengen, biraqta bunda videoapparatura qollaniladi. Olardi o’tkiziw de kompyuter boliwin talap etedi. Videokonferensiya protsesinde bir-birinen ju’da’ uzaq araliqta bolg‘an onin’ qatnasiwshilari televizor eraninda o’zlerin ha’m basqa qatnasiwshilardi ko’rip turadilar. Televizion ko’rinis penen bir waqitta dawis da estilip turadi. Videokonferensiyalar transport ha’m xizmet sapari qa’rejetlerin ju’da’ qisqarttiriw imkaniyatin berse de, ko’pshilik firmalar olardi tek g‘ana usi sebeplerge ko’re qollanbaydilar. Bul firmalar bunday konferensiyalarda mashqalani sheshiwge teritoriyaliq ta’repten ofisten ju’da’ uzaqta jaylasqan ko’p sanli menedjerlerdi ha’m basqa isshilerdi de ba’nt etiw imkaniyatin ko’rediler. Videokonferensiyalardi sho’lkemlestiriwdin’ u’sh konfiguratsiyasi en’ ken’ tarqalg‘an:
• bir ta’repleme video- ha’m audio baylanis. Bul jerde video- ha’m audio- signallar tek g‘ana bir bag‘darda, ma’selen, proekt baslig‘inan atqariwshilarg‘a bag‘darlang‘an boladi;
• bir ta’repleme video- ha’m eki ta’repleme audio baylanis. Eki ta’repleme audio baylanis video ko’rinislerdi qabil qilip alip atirg‘an konferensiya qatnasiwshilarina videosignallardi jiberip atirg‘an qatnasiwshi menen audioinformatsiya almasiw imkaniyatin beredi;
• eki ta’repleme video- ha’m audio baylanis. Bul ju’da’ qimbat baylanis tu’rinde konferensiyanin’ a’dette bir qiyli maqomga iye bolg‘an barliq qatnasiwshilari ortasinda eki ta’repleme video– ha’m audiobaylanistan paydalaniladi.
Faksimil baylanis. Bul baylanis kommutatsiya kanalinin’ bir ushindag‘i hu’jjetti oqiw ha’m onin’ ko’rinisin kommutatsiya kanalinin’ ekinshi ushinda qayta tiklep bere alatug‘in faks-apparatlarinan paydalaniwg‘a tiykarlang‘an. Faksimil baylanis belgili mashqalani sheship atirg‘an topar qatnasiwshilarina, olardin’ geografiyaliq jaylasiwinan qa’ttiy na’zer, hu’jjetlerdi tez ha’m an’sat jetkizip beriw esabina qararlar qabil etiwge o’z u’lesin qosip kelmekte.