Rüfət Göyüşov
müqaviləsi üzrə borcalan eynicinsli, eyni keyfiyyətli, eyni miqdarda
əşyalar şəklində qaytarmalı olduğu təqdirdə, əvəzsiz istifadə
müqaviləsində istifadəçi məhz verilmiş əşyanı qaytarmalıdır.
Borc müqaviləsinin predmeti kimi cinsən müəyyən edilən
əşyalar, tələb hüquqları, milli və xarici valyuta çıxış edə bilər.
Daşınmaz əşyalar, mülki dövriyyədən çıxarılmış və mülki dövriyyəsi
məhdudlaşdırılmış əşyalar borc müqaviləsinin predmeti kimi çıxış
edə" bilməzlər. AR MM-in 739.2-ci maddəsinə görə, borc
müqaviləsinin predmeti hər hansı pul məbləği olduqda, o, kredit
müqaviləsi adlandırılır.
Borc müqaviləsinin tərəfləri kimi borcverən və borcalan çıxış
edir. Həm borcverən, həm də borcalan qismində mülki dövriyyənin
istənilən iştirakçısı həm fiziki şəxslər, həm də hüquqi şəxslər çıxış edə
bilərlər.
Borc öhdəliklərinin aşağıdakı növləri vardır: veksel öhdəlikləri,
istiqrazların buraxılması ilə əlaqədar yaranan borc öhdəlikləri, dövlət
(bələdiyyə) borc öhdəlikləri.
1)
Veksellər orderli qiymətli kağızlardır, veksel verən onların
vasitəsilə müəyyən şəxsə müəyyən məbləğ ödəmək barəsində başqa
şəxsə (ödəyiciyə) göstəriş verir (köçürmə vekseli) və ya hər hansı
müəyyən şəxsə və ya bu şəxsin sərəncamına müəyyən məbləğ
ödəməyi öhdəsinə götürür (sadə veksel).
2)
İstiqraz şəklində borc öhdəliyi. İstiqraz, onun sahibinin onu
buraxmış şəxsdən istiqrazda nəzərdə tutulan müddətdə istiqrazın
nominal dəyərini və ya başqa əmlak ekvivalentini almaq hüququnu
təsdiqləyən qiymətli kağızdır. İstiqraz onun sahibinə, həmçinin
istiqrazın nominal dəyərindən faiz almaq hüququ və ya digər əşya
hüquqları verə bilər. Faiz ödənişlərini nəzərdə tutmayan istiqraz
faizsiz istiqraz hesab olunur.
3)
Dövlət (bələdiyyə) borcu - müqaviləsi üzrə borc alan qismində
ya bütövlükdə dövlət, ya da onun subyekti və yaxud bələdiyyələr
çıxış edir. Bu cür müqavilələr bağlanarkən dövlət
220
IX fəsil. Borc və kredit müqavilələri
şüurlu olaraq öz daxili borclanmasını artırır. Bu borcun son həddi
növbəti maliyyə ili ilə əlaqədar qəbul olunan büdcə qanunu ilə
məhdudlaşdırılır. Dövlətin daxili borcunun həcminə: dövlətin borc
qiymətli kağızlarının əsas nominal məbləği, dövlət tərəfindən alınan
kreditlər üzrə əsas borcun həcmi, dövlət tərəfindən digər büdcə
səviyyələrində alınmış büdcə kreditləri üzrə əsas borcun həcmi,
dövlət qarantiyaları üzrə öhdəliklərin ümumi həcmi aiddir.
Azərbaycan Respublikasının dövlət borcu dövlətin sərəncamında olan
bütün əmlakla təmin olunur. Dövlət borcu müqaviləsi qoşulma
müqaviləsi olmaqla dövlətin müəyyən etdiyi şərtlər daxilində
borcverənlər tərəfindən dövlətin buraxdığı istiqrazların və digər
qiymətli kağızların alınması ilə bağlanılır.
Borc müqaviləsi məqsədli və məqsədsiz ola bilər. Məqsədli borc
müqaviləsi dedikdə, alınmış vəsaitlərin müqavilədə nəzərdə tutulan
istiqamətlərdə istifadəsini nəzərdə tutan şərtlərlə bağlanılan borc
müqaviləsi başa düşülür. Kredit müqaviləsindən fərqli olaraq adi borc
müqaviləsi əksər hallarda məqsədsiz olaraq bağlanılır. Lakin
tərəflərin hüququ var ki, borc müqaviləsində vəsaitlərdən istifadə
məqsədlərini müəyyən edən şərtlər nəzərdə tutsunlar. Bu cür
müqavilələr əsasən kommersiya təşkilatları arasında bağlanılan borc
müqavilələrində rast gəlinir. Məsələn, kənd təsərrüfatı sahəsində
fəaliyyət göstərən təşkilatlarda biri digərinə şəxsi istehlak məqsədləri
üçün deyil, məhz təkrar istehsal, yəni əkin üçün müəyyən miqdarda
buğda verir və bu şərt müqavilədə mühüm şərt olaraq göstərilir.
Yaxud hər hansı müəssisə öz işçisinə yaşayış şəraitini yaxşılaşdırması
üçün müəyyən məbləğdə borc verir. Bu halda borcverən verilmiş
borcun hansı istiqamətlərdə xərclənməsinə nəzarəti həyata keçirmək
hüququ əldə edir. Alınmış borcun təyinatı üzrə istifadə edilməməsi
borcalanın əmlak vəziyyətinin pisləşməsindən xəbər verir ki, bu da
gələcəkdə onun qaytarılması təhlükəsini yaradır. Belə olduğu təqdirdə
isə AR MM-in 743-cü maddəsinə əsasən, borcverən borcun qayta-
221
Rüfət Göyüşov
nlmasmı tələb etmək hüququna malikdir. Belə ki, həmin normaya
əsasən, əgər borcalanm əmlak vəziyyəti əhəmiyyətli dərəcədə
pisləşərsə, bu isə borcun qaytarılması tələbi üçün təhlükə yaradarsa,
borcverən borcun dərhal qaytarılmasını tələb edə bilər. Bu hüquq,
həmçinin, borcalanm əmlak vəziyyəti müqavilə bağlan- mazdan
əvvəl pisləşdikdə, borcverənə isə bu yalnız borc müqaviləsi
bağlandıqdan sonra məlum olduqda da qüvvədədir.
Borc müqaviləsi həm şifahi, həm də yazılı formada bağlanıla
bilər. Bununla əlaqədar qayda AR MM-in 740-cı maddəsində
nəzərdə tutulmuşdur. Orada qeyd olunur ki, borc müqaviləsi şifahi
bağlanır. Tərəflərin razılaşması ilə yazılı formadan da istifadə edilə
bilər.
Borc müqaviləsinin hansı hallarda şifahi və hansı hallarda yazılı
olması ilə əlaqədar qanunverici hər hansı bir qayda müəyyən
etməmişdir' və bu məsələnin həllini tərəflərin ixtiyarına buraxır.
Hesab edirik ki, qeyd olunan məsələdə bizim qanunverici- nin
yanaşması daha mütərəqqidir və mülki hüquqi tənzimetmə- nin
tələblərinə cavab verir.
9.2.
Kredit müqaviləsinin anlayışı və əlamətləri
Kredit müqaviləsi AR MM-də ayrıca müqavilə növü kimi deyil,
ümumi borc müqaviləsi adı ilə əhatə olunur. Kredit müqaviləsinin
tənzimlənməsi ilə əlaqədar qaydalar AR MM-i ilə yanaşı, müvafiq
icra hakimiyyəti orqanlarının kreditlərin verilmə
' Bir sıra ölkələrin qanunvericiliklərində borc müqaviləsinin yazılı formada
bağlanılması və yalnız müəyyən şərtlər daxilində şifahi ola bilməsi qaydası nəzərdə
tutulmuşdur. Məsələn, Rusiya Federasiyası Mülki Məcəlləsinin 808.1-ci maddəsində
müəyyən olunmuş qaydaya görə yalnız vətəndaşlar arasında minimum əmək haqqı
məbləğinin on mislindən az olan məbləğdə bağlanılan borc müqavilələri şifahi
bağlanıla bilər. Qalan hallarda isə borc müqaviləsi yazılı bağlanılmalıdır.
222
Dostları ilə paylaş: |