65
ermənilərin bu yerlərdə məskunlaşmasına imkan verməmişdi. Bu
məktəblərdəki şagirdlərdən 128 nəfəri kəndli, 42-si bəy, 26-sı ruha-
ni, 3 nəfəri şəhərli balaları idi və s. Təhsil sahəsində də çarizmin
milli müstəmləkə siyasəti özünü açıq şəkildə göstərirdi. Belə ki, bu
4 məktəbə çəkilən illik 4411 rubl 87 qəpiklik xərcin 1608 rubl 87
qəpiyi Gorus, 1082 rubl Arsevanik, 920 rubl Qarakilsə və 800 rublu
Qubadlı məktəbinin payına düşürdü: XX əsrin əvvəllərində qəzada
40-dək dünyəvi məktəb fəaliyyət göstərirdi [166, s.275]. Lakin
məktəbyaşlı uşaqların əksəriyyəti hələ də molla məktəblərində oxu-
yurdu.
Qəza əhalisinin yarısından çoxunu müsəlmanlar təşkil etdiyi
halda, xristian ibadətgahlarının sayı məscidlərin sayından az qala
2,5 dəfə çox idi: XIX əsrin 80-ci illərinin ortalarında qəzada 46 kil-
sə və daha 25 erməni-qriqorian ibadətgahı olduğu halda, cəmisi 26
məscid fəaliyyət göstərirdi. 1885-ci ilin məlumatlarına görə, qəza-
nın 161 xəzinə kəndi içərisində Qubadlı o qədər də böyük yaşayış
məskəni deyildi. Belə ki, əhalisi sırf Azərbaycan türklərindən ibarət
olan Qubadlıda cəmisi 90 ailə (həyət, təsərrüfat və ya tüstü) var idi.
Bu ailələrdəki 226 nəfər kişi və 198 nəfər qadının istifadəsində cə-
misi 10 des. həyətyanı, 150 desyatin suvarılan və 925 des. dəmyə
əkin sahəsi, 350 des. otlaq və yararsız torpaq - cəmisi 1485 desyatin
torpaq var idi. Qubadlı kəndnin təsərrüfatlarında 147 baş iş və 422
baş südlük qaramal, 974 baş xırdabuynuzlu mal-qara, 54 at, 62 ulaq
saxlanılırdı. Kəndin əhalisi hər il 412 rubl «tüstüpulu» - həyətbaşı
vergi, 485 rubl zemstvo vergisi, 13 rubl 25 qəpik «məktəb vergisi»
və 13,5 rubl ictimai (icma) vergi ödəyirdi [216, s.184].
Çarizmin mürtəce, müstəmləkəçi köçürmə siyasəti
nəticəsində
Zəngəzurun demoqrafik durumunda ciddi dəyişikliklər baş versə də,
XIX əsrin sonunda Zəngəzur qəzası əhalisi içərisində müsəlman
əhalisi mütləq üstünlüyü qoruyub saxlayırdı. Belə ki, qəzada məs-
kunlaşmış 70015 nəfər (36854 nəfər kişi və 33161 nəfər qadın) əha-
linin (10328 ailə – təsərrüfat) 38922 nəfəri müsəlmanların (6543 ai-
lə – təsərrüfat), cəmisi 30850 nəfəri (3722 ailə – təsərrüfat) erməni-
lərin və 443 nəfəri (63 ailə-təsərrüfat) rusların payına düşürdü. Yəni
66
müsəlmanlar qəza əhalisinin 55,59%-ni, ailə təsərrüfatının isə
63,35%-ni təşkil edirdilər [216, s.184].
O dövrün rusdilli qaynaqlarından biri qeyd edirdi ki, «Zəngə-
zur qəzasının bütün dağları tatar – Azərbaycan-türk adları daşıyır.
Qəzanın qərb sərhədlərində yerləşən İşıqlı ən yüksək zirvə sayılır.
İşıqlıdan üç verst uzaqda cənub-qərbə doğru ayrı-ayrı dayanmış zir-
vələr – Tərpənməz, Canqurtaran, Yağlıca, Yantəpə, Üçtəpə, Şiştəpə,
Daştəpə, Ölütəpə, Ziyarətdağ, Səngər, Hərtiz və b. uzanır» [216,
s.184]. Təbii ki, bu toponimlər həmin torpaqların tarixən kimə məx-
susluğunu bildirən ən təkzibedilməz sübutlardır.
Zəngəzur qəzasının ərazisindən axan ən iri çaylar Ağarlı, Za-
bux və Bərgüşad idi. İlk iki çay yazda elə daşırdı ki, bir neçə həftə
Zəngəzur qəzası ilə buraya hər cür tam faktura və qalantereya mal-
larının gətirildiyi Şuşa arasında əlaqələr kəsilirdi. Bunun nəticəsində
ayrı-ayrı əşyaların qiyməti adi vaxtlardakından üç-dörd dəfə bahala-
şırdı [216, s.184].
Əlverişli coğrafi-iqlim şəraiti əkinçiliyi Zəngəzur əhalisinin
başlıca qazanc mənbəyi etsə də, əmək qabiliyyətli işçi qüvvəsinin
çatışmaması əkinçilik məhsullarına olan tələbatın tam ödənilməsinə
imkan vermir, yerli sakinlər bəzən ərzaq məhsullarının müəyyən
hissəsini başqa bölgələrdən almalı olurdular. Əkinçilikdə başlıca ye-
ri
buğda və arpa tutsa da, mərcimək, kətan, darı
və vələmir də əkilir-
di.
Maldarlıq qəza kənd əhalisinin ikinci başlıca məşğuliyyətini
təşkil edirdi. O qədər də sərt olmayan qış, habelə yaylaqların bollu-
ğu bu sahənin geniş inkişafı üçün əlverişli şərait yaradırdı.
Bağçılıq ikinci dərəcəli rol oynayırdı. Meyvə bağları ilə yana-
şı, tut bağları (araqçəkmə və baramaçılıq üçün) geniş yayılmışdı.
Bostançılıq çayların sahillərində yaşayan əhali arasında xüsusən ge-
niş yayılmışdı. Çox yüksək keyfiyyətli balı ilə məşhur olan yerli arı-
çılıq zəif inkişaf edərək köməkçi təsərrüfat rolunu oynayırdı.
Zəngəzur qəzası Azərbaycanın məşhur sənətkarlıq bölgələrin-
dən biri idi. Burada xüsusən də ev sənətkarlığı geniş intişar tapmış-
dı. Kustar sənaye sahələrindən ən çox inkişaf edəni xalçaçılıq idi.