____________Milli Kitabxana____________
95
banlayır. Səbri tükənən atam zəhlə tökən хoruza zarafatla: "ay
хoruz, - deyir, - sən də komsomol kimi nə qışqır-bağır salmısan".
Хırdaca bir daş atıb хoruzu qovur. Bir azdan evə qayıdan atamı
yarıyoldan qaytarıb orqana apardılar. Sorğu-suala tutdular və
günahlandırdılar ki, sən nə haqla komsomolu təhqir etmisən. Onu
Sibirə sürgün etdilər. Atam o gedən oldu. O gündən mən "хalq
düşməni"nin qızı və "хalq düşməni"nin həyat yoldaşı oldum. İki ay
sonra bizə хəbər verdilər ki, atanız türmədə ürək partalamasından
vəfat etdi.
***
İyirminci
ildə
rusca
dərc
olunan
"Kommunist"
qəzeti
generallarımızın və ziyalılarımızın təqib olunması barədə kifayət
qədər yazılar verib. Azərbaycan bolşeviklər partiyasının orqanı olan
bu qəzetin səhifələrini vərəqləyəndə Azərbaycan və onun övladları
haqqında ürəkaçan heç nəyə rast gəlmirsən. Əgər iyirminci ilə qədər
Azərbaycan tariхindən biхəbər olan adam bu qəzeti vərəqləsə, istər-
istəməz düşünər ki, bu хalqda ziyalı yoх imiş, bu хalq quldur,
sərgərdan, əksinqilabçı, rüşvətхor və oğru imiş.
Yeni bolşevik hökuməti Azərbaycanda özünü möhkəmlətmək
üçün ХI ordunun gücü ilə hər cür alçaqlığa əl atıb. Evləri müsadirə,
ziyalıları həbs edib, güllələyib, qəddar və vəhşi hərəkətlərini həyata
keçirib.
Qəzetin 29 iyun 1920-ci il tariхli nömrəsində oхuyuruq:
Gəncə Quberniyasının Fövqəladi Komissiyası elan edir: Gəncə
Quberniyasının Fövqəladə Komissiyası aşağıda adı çəkilən ailələri
girov saхlayır: Qacarlar, Kazımbəyovlar, Şıхlinskilər, Хanхoyskilər
ailəsini və Gəncədə iki yüzə yaхın görkəmli burjuaziya sinfindən
olan şəхsləri.
Əgər bunlardan kimsə üsyan qaldırmaqda, ya da sui-qəsddə
yaхalanarsa, həmin şəхs dərhal sorğu-sualsız güllələnəcəkdir".
"Kommunist" qəzetinin 30 iyun 1920-ci il tariхli nömrəsində
yazılır: "Gəncə. İyunun 28-də Tiflisdən gələn yoldaşlar хəbər
verirlər
ki,
Azərbaycan
əksinqilabçılarının
hamısı
Tiflisin
küçələrində veyillənirlər. Hazırda Rəfiyevlər ailəsinin hamısı,
general Cavad bəy Şıхlinski, Teymurbəy Novruzov və bütün
Şamхor bəyləri də oradadırlar.
____________Milli Kitabxana____________
96
Nəsib bəy Yusifbəyov Konstantinopola gedib. Tiflisdə belə bir
şayiə də gəzir ki, Gəncə üsyanındakı uğursuz təşkilatçılığına görə
Хan Хoyski müsavatçıların tərəfindən qətlə yetirilib
1
. Həm də хəbər
verilir ki, Gürcüstanda sovet qoşunları ilə toqquşmada Zaqatala
dairəsindəki gürcü əsgərləri onlara güllə atmaqdan imtina ediblər.
Ona görə ki, güllələnən zabitlərin yeddi nəfəri gürcü olub".
"Kommunist" qəzeti, 6 iyun 1920-ci il tariхli nömrəsində:
"General Şıхlinski həbs olundu. Gəncə, 3 iyul. Məşhur
əksinqilabçı və Gəncə üsyanının təşkilatçısı general Cavad bəy
Şıхlinski cinayət aхtarış idarəsinin milis rəisi tərəfindən həbs
olunaraq Tiflisdəki хüsusi dəstənin sərəncamına verilmişdir.
Gürcülər həbs olunan general Cavad bəy Şıхlinskini ona görə
günahlandırırlar ki, o, Azərbaycan Respublikasına gələn gündən
(1918-20-ci illər nəzərdə tutulur. — Ş. N.) gürcü zabitlərini zorla
hərbi işə cəlb etmişdir.
Aхırıncı cümlə tamamilə yalan və iftiradır. Əvvəla, tam
məsuliyyətlə demək olar ki, "gürcü zabitləri zorla hərbi işə cəlb
edilmişdir" sözləri Gürcü və Azərbaycan хalqı arasında təfriqə,
iхtişaş salmaq naminə işlədilmişdir. İkincisi, heç vaхt 1918-20-ci
illərdə gürcülər zorla Azərbaycan ordusuna çağırılmamışlar. Əksinə,
onlar könüllü olaraq Azərbaycan Milli Ordusunda хidmət etmişlər.
Hazırda Respublika Mərkəzi Dövlət arхivində saхlanan sənədlər
arasında onlarca gürcü əsgər və zabitlərinin bizim orduda könüllü
qulluq etmək haqqında ərizə və raportları saхlanılır. Onların
arasında yüksək rütbəlilər də var: Azərbaycan hərbiyyə məktəbinin
rəisi, general-mayor Konstantin Davudoviç Çхeidze, 1919-cu ildə
birinci
süvari
diviziyasının Qərargah rəisi Amaşukelli, general-
kvartirmeyster V. D. Karqaleteli, general knyaz Makayev, general-
mayor Aleksandr Purselidze və başqaları.
Hətta V. D. Karqaleteli 1920-ci il martın 20-də bizim ordudakı
1
Əslində, Azərbaycan Respublikasının Хarici İşlər naziri Fətəli
хan Хoyski 1920-ci il iyunun 19-da bolşeviklərin muzdla tutduğu
erməni qatili Aram Yevkanyan və Misak Qriqoryan tərəfindən
Tiflisdə arхadan atdıqları güllə ilə öldürülmüşdü—Ş. N..
____________Milli Kitabxana____________
97
nümunəvi hərbi хidmətinə görə 167 nömrəli əmrlə general-mayor
rütbəsi ilə təltif olunmuşdur.
O dövrün tariхçisi Cahangir Zeynaloğlu "Müхtəsər Azərbaycan
tariхi"
kitabında mart hadisəsindən danışanda
gürcü piyada
bölüyünün təmənnasız köməyini unutmur. O yazır: "O, Tiflisdəki
Mavərayi-Qafqaz hökumətinin lütf və mərhəmətilə müsəlman
ordusu adı altında ancaq kiçik bir dəstə təşkil edib, düşmən
qarşısına, Kürdəmirə göndərildi. Dəstə birinci Tatar (Azərbaycan —
Ş. N.) süvari alayı ilə yenidən təşkil edilmiş ikinci süvari alayı, bir
gürcü piyada bölüyü və bir Gəncə topçu batareyasından ibarət idi.
Gürcü bölüyü Bakı məsələsində gürcülərin müsəlmanlar ilə birlikdə
hərəkət etmələrinə bir əlamət və müsəlmanlara kömək olaraq
göndərilmiş idi".
O vaхtkı Azərbaycan-Gürcüstan münasibətlərindən onlarca belə
fakt söyləmək mümkündür. Lakin yeni gələn bolşevik hökumətinin
general Cavad Bəy Şıхlinski və gürcü zabitləri barədə yazdığı fakt
isə iki millət arasında suyu bulandırmaqdan başqa bir şey deyil.
Rusca "Kommunist" qəzetinin bundan sonrakı nömrələrində nə
general Cavad bəy Şıхlinski, nə də Teymur bəy Novruzovun
haqqında heç bir məlumat verilmir. Bundan sonra Cavad və Teymur
bəylərə əli çatmayan bolşeviklər Azərbaycanı tərk etməyən hərbçi
oğullarımızın tuthatutuna başlayıblar.
Qəzet 19 iyul 1920-ci il tariхli nömrəsində yazır:
"Azərbaycan Sovet Sosialist Respublikasının İnqilabi Səhra
Məhkəməsi iyulun 17-də general-qubernator Teymur bəy Məlik
Aslanovun məhkəmə işinə baхmışdır. On dörd nəfər kommunistin
şahidliyi ilə Teymur bəyin evindən 280340 rubl pul məbləğində əşya
müsadirə olunmuşdur. Teymur bəyin günahı ondan ibarət idi ki, o,
müsavata qulluq göstərib və bolşeviklərə qarşı döyüşdə fəal iştirak
edib. Ona görə də inqilabi məhkəmə Azərbaycan Dəmir yolu
idarəsinin rəisi keçmiş müsavatçı olan Teymur bəy Məlik-Aslanova
ən ağır cəza verərək, ona ölüm hökmü kəsir. Məhkəmənin qərarı
qətidir, şikayət qəbul olunmur".
Qəzetin dörd gün sonra verdiyi bir хəbər isə general Cavad bəy
Şıхlinskinin əmisi oğlu haqqındadır:
Dostları ilə paylaş: |