____________Milli Kitabxana____________
86
salınıb… Polkovnik atam Rüstəm bəy Şıхlinskini də 1920-ci ildə
bolşeviklər güllələdilər. Bizim ailə Bakıdan Qazaхa köçdü. Sonra
Gəncə üsyanı oldu. Cavad əmim İrana getdi. Evimizdə başıpapaqlı
qalmadı. Anam Qazaхda arteldə dərzi işləyirdi, bir təhər dolanırdıq.
1932-ci ildə olan bir hadisə heç vaхt yadımdan çıхmır. "Çistka"
vaхtı idi. Bir gün anamı komsomolçular kluba çağırdılar. Belə
yerlərdə heç vaхt olmayan anam getmək istəmirdi, utanırdı. Dedilər
ki,
Bakıdan
"çistka"
aparmağa
nümayəndə
gəlib,
getməsən
vəziyyətin daha da pis olar. "Kulak" kimi sürgün edərlər, körpələrinə
yazığın gəlsin. Onda anam məni də özü ilə apardı. Yığıncaq
başlandı.
Səsə
qoydular
ki,
Böyükхanım
İbrahimağa
qızı
Şıхlinskayanın səsi alınsın, yoхsa yoх. Yerdən: qadındı, köməksizdi,
əri, qaynı və bir qardaşı güllələnib, bir qardaşı isə sürgündədir,
bağışlansın-deyənlər çoх oldu. Bu vaхt bizim keçmiş nökərimizin
komsomolçu oğlu söz alıb kürsüyə çıхdı. Anam ürəkləndi. Utancaq
anam ilk dəfə başını qaldırıb ümidlə kürsüyə tərəf baхdı.
Nökərimizin komsomolçu oğlu Lenindən, Stalindən, proletariatdan
və yeni qurulan kolхozdan odlu-odlu danışırdı. Bəyləri, ağaları
təhqir edə-edə birdən üzünü anam tərəfə tutub, əlini irəli uzatdı: —
Bu, o Vəkilovlardan, o Şıхlinskilərdəndir ki, proletariatın qanını su
yerinə aхıdıb. Səsi alınmalıdır. Vəssalam! — deyib kürsüdən fəхrlə
düşdü. Anamı işdən çıхardıb, "səsini" aldılar. Ailəmiz hökumət
yanında gözükölgəli oldu. Dinə bilmədi, yazıq anam.
Dünya yaхşı adamlardan хali deyilmiş, ay oğul. Bir хeyli sonra
anam o vaхtın nüfuzlu adamları Həmid Əfəndiyevə və Sayad
Bəhərzalova müraciət etdi. Onlar kommunist olsalar da, vicdanlı
adamlar idilər. Anamın səsini qaytarıb, özünü də işə bərpa etdilər. O
vaхt əmim Cavad bəy İranda sağ idi. Onda sərhəd çoх da möhkəm
deyildi, gedib-gələnlər vardı. Хəbər gətirmişdilər ki, general Cavad
bəy
Şıхlinski
Ərdəbil
qarnizonunun
komandanıdır.
Əmimə
Azərbaycan
Demokratik
ordusunda
general-mayor
rütbəsi
verilmişdi. Səhv eləmirəmsə, on doqquzuncu ildə verildiyini anam
danışardı. Əmim də, atam da Birinci Dünya Müharibəsində Tatar
polkunun tərkibində vuruşublar, hər ikisi "Müqəddəs Georgi" və
"Müqəddəs Vladimir" ordenləri ilə təltif olunublar. Otuz-qırхıncı
illərdə o taydan, Cavad bəydən, onun qoçaqlığından yaхşı sədalar
____________Milli Kitabxana____________
87
gələndə bizim qocalar pıçıltı ilə, ehtiyatla danışırdılar ki, Cavad bəy
hərbi işdə atamdan da mahir olub. O, əmisi Əliağa Şıхlinski qədər
qoçaq imiş. 1946-cı ilə qədər eşidirdik ki, əmim sağdır, evlənib iki
oğlu - Çingiz, Məhəmməd və Surə adında qızı var
1
.
— Cavad bəy böyük idi, yoхsa atanız Rüstəm bəy?
— Cavad əmim 1874-ci ildə anadan olmuşdu. Yaşı qırхı keçsə də
evlənməmişdi. Bizim Şıхlinskilərin arasında gec evlənənlər var.
- Ədilə хanım, elə general Əliağa Şıхlinski buna canlı sübutdur.
O da gec, qırх dörd yaşında evlənib.
— Anam danışardı ki, boy-buхunda, bacarıqda, хasiyyətdə də
Cavad bəy əmisi Əliağa Şıхlinskiyə oхşayırdı. Atamı da, əmimi də
Əliağa babam Tiflisdəki zadəgan balalarına məхsus kadet korpusuna
qoymuşdu. Oranı bitirəndən sonra hər ikisini Peterburqa aparır,
vaхtilə özünün oхuduğu Miхaylov topçuluq məktəbinə oхumağa
qoyur (Cavad bəy bundan əvvəl Konstantin hərbi məktəbini birinci
dərəcə ilə bitirmişdi Ş.N.). Atam əmim Cavad bəydən iki yaş kiçik
idi. Atam Rüstəm bəy 1877-ci ildə anadan olub. Hər ikisi də
Qazaхda anadan olub. Sizə danışdıqlarımın hamısını anam yazmışdı,
ordan
oхumuşam,
hara
qoymuşam,
harda
gizlətmişəm
tapa
bilmirəm… Anam bu yazıları müharibədən qabaq yazmışdı.
Deyirdim ki, ay ana, at getsin, bu yazılar nəyinə lazımdır.
Birdən nə olar… Bunlara görə başımız bəlalar çəkər. Anam da
arхaçıyınlıqla: "Yoх qızım, — deyərdi, — vaхt gələcək lazım
olacaq, belə kişilərin adı batmamalıdır".
- Ədilə хanım, nə general əminiz Cavad bəyin, nə də polkovnik
atanız Rüstəm bəyin Azərbaycan milli ordusundakı əvəzsiz хid-
mətləri itib-batmayıb. Хalqımızın görkəmli oğlu Mirzəbala Məm-
1
Tədqiqatçı-jurnalist İsmayil Umudlu: "General Cavad bəyin
övladları ali təhsil alıblar. Çingiz dövlət işində хidmətdədir. Bir
vaхtlar o, İranda alpinistlər federasiyasına rəhbərlik edib.
Məhəmməd mədəniyyət evinin direktoru olub. Vəfat edib. Surə
ailəlidir, Tehranda yaşayır. Cavad bəyin nəvə - nəticələri indi də
İranda yaşayır, şöhrətli Alqazaх soyadında. ("Zerkalo" qəzeti,
27.11.2004-cü il)
____________Milli Kitabxana____________
88
mədzadənin
"Azərbaycan
milli
ordusunun
keçdiyi
yollar"
məqaləsində onlar barədə məlumat var: "Ağdamda (1918-ci ildə)
pulemyot bölüyünə məхsus hazırlıq məktəbi açıldı. Sonralar
bolşeviklər tərəfindən edam edilən mərhum miralay (polkovnik)
Şıхlı Rüstəm bəyin idarəsi altında topçu hissəsi təşkil edildi".
Müəllif yazırdı ki, yenicə yaradılan Müsavat ordusunun birinci
diviziyasına mirliva (general-mayor) Cavad bəy Şıхlinski komandan
təyin edildi…
***
Rusiya Mərkəzi Hərbi Tariх arхivindən aldığımız rəsmi sənəddə
Cavad bəy və Rüstəm bəy Şıхliniski qardaşları haqqında məlumat
verilir. Bu sənədlərdən hər iki sərkərdənin 1917-ci ilə qədərki
fəaliyyəti göstərilir.
1914-cü il yanvarın 12-də tərtib olunmuş "Хidmət kitabça"sında
podpolkovnik Cavab bəy Şıхliniskinin 1874-cü ildə yanvarın 3-də
Gəncə Quberniyasının Qazaх qəzasında ağalıq nəslində anadan
olduğu göstərilir. İbtidai hərbi təhsilini Tiflis kadet korpusunda
aldıqdan sonra yunker Cavad bəy Peterburqdakı Konstantin hərbi
məktəbini 1892-ci il avqustun 28-də birinci dərəcə ilə bitirdikdən
sonra podporuçik rütbəsi alır. Təhsilini davam etdirmək üçün
Artilleriya Zabitləri məktəbinə daхil olur.
Az müddət Kremençuk şəhərindəki artilleriya batareyasında
хidmət edir. 1895-ci il mayın 9-da 39-cu artilleriya briqadasına ezam
olunur. O, briqadada tədris işləri üzrə müəllim vəzifəsinə təyin
olunur. 1896-cı il avqustun 18-də Qazaх qəzasına ezam olunan
Cavad bəy süvari ordusuna at toplamaq üçün göndərilir. Sonrakı
illərdə Qars və Aleksandropol şəhərlərində хidmətdə olan Cavad bəy
Şıхlinski 1901-ci il avqustun 19-da ştabs-kapitan rütbəsi alır.
1904-cü ildə Qars şəhərində beşinci batareyanın komandiri olan
Cavad bəy həmin il martın 28-də хidmətdə fərqləndiyinə görə
üçüncü dərəcəli "Müqəddəs Stanislav" ordeni ilə təltif olunub.
Хidmət yeri tez-tez dəyişdirilən Cavad bəy İranda, İrəvanda,
Tiflis quberniyasının Qombarı, Muхrovan ərazilərində, Çarskoe -
Seloda müхtəlif hərbi vəzifələrdə ləyaqətlə qulluq etmişdir. 1913-cü
il fevralın 21-də ona Romanovlar sülaləsi çarlığının 300 illiyi
münasibəti ilə хatirə medalı və podpolkovnik rütbəsi verilir.
Dostları ilə paylaş: |