1.Dalma elektrik mühərrikləri haqqında.
Dalma elektrik mühərrikləri asinxron tipli mühərriklərdir. Dalma elektrik
mühərriklərinin əsas
məqsədi quyuya buraxılan dalma nasosunun valını fırlatmaq və nasosun verim almasını
təmin
etməkdir. DEM fırlanan hissə rotor və tərpənməz hissə statordan ibarətdir. Təmir etdiyimiz dem-lərə
7-125 kvtlıq mühərriklər aiddir.
2.DEM-nin əsaslı təmiri.
Təmirə gətirilmiş dalma elektrik mühərriklərində əsaslı təmir işləri aparılan vaxt stator dolaqları
sökülür. Stator dolaqlarının sökülməsi müqavimət sıfır olduqda və gövdə korroziyaya uğradıqda
aparılır. Əsaslı təmir zamanı stator dolaqlarında olan sarğı məftilləri kəsilərək çıxardılır.
Stator
dolaqlarında qalan yuva izolyasiyaları çıxardılır. Daha sonra statorun içi ağ neft ilə yuyulur. Stator
yuyulduqdan sonra dolaqları sökülmək üçün hidravlik pressə bərkidilir.
Hidravlik press vasitəsilə
stator paketləri çıxardılır. Yararsız paketlər yenisi ilə əvəz olunur və hidravlik press vasitəsilə statora
preslənir. Daha sonra dolaqların sarınması üçün işçi sahəyə aparılır. Dolaqlar sarındıqdan
sonra
statora uyğun olaraq yığılmış rotor yerləşdirilir və mühərrikin yuxarı və aşağı başlıqları bərkidilərək
sınaq sahəsinə göndərilir.
3.DEM-nin sınağı.
Yığılmış mühərrik aktla birlikdə sınaq sahəsinə gətirilir. Mühərrikin əvvəlcə hermetikliyi yoxlanılır
daha sonra sınaq üçün quyuya buraxılır. İstifadə etdiyimiz sınaq avadanlığında dolaq
müqaviməti,
mühərrikin müqaviməti, polyarizasiya əmsalını, qısa qapanma sınağını, yüksüz işləmə sınağını
aparırıq.
4.Stator dolağının sarınması üçün hazırlıq işləri.
İlk növbədə boru torna dəzgahında mühərrikin tipinə uyğun ölçüdə kəsilir. Kəsilmiş boru hidravlik
pressə bərkidilir. Hidravlik presdə statorun dolaqları preslənir və sarınma üçün işçi sahəyə aparılır.
Eyni zamanda sarğı məftili anbardan çıxardılır və məftilin izolyasiya müqavimətin yoxlanması üçün
sarğı barabanı stendə bərkidilir. Hər faza üçün məftil yüksək gərginliklə yoxlanaraq yığılır. Daha
sonra sarınma prosesi başlayır.