Международный
научный
журнал
№
9
(100),
часть
3
«
Научный
импульс
»
апреля
, 202
3
1794
MAKTABGACHA YOSHDAGI BOLALARNING INTELLEKTUAL QOBILYATLARINI
RIVOJLANTIRISHDA ZAMONAVIY PEDAGOGIK TEXNOLOGIYALARNING O‘RNI
Altibayeva Gulbaxor Majitovna
Termiz davlat Pedagogika instituti, o’qituvchi
Annotatsiya:
Мaktabgacha ta’lim tashkiloti tarbiyalanuvchilarining intellektual
salohiyatini, mantiqiy fikrlashini rivojlantorishda didaktik, syujetli-rolli, harakatli
o‘yinlarning ahamiyati va zamonaviy va innovatsion ta'lim texnologiyalardan to‘g‘ri va
samarali foydalanish har bir pedagogning pedagogik mahoratiga bog‘liqligiga oid fikrlar
bildirilgan.
Kalit so‘zlar;
Barkamol avlodni, мaktabgacha, yosh, bolalar, intellectual, qobilyat,
rivojlantirish, zamonaviy pedagogic, texnologiya tashabbuskorlik, iqtisodiy, tizim.
Har bir mamlakatning iqtisodiy qudrati, ijtimoiy-ma'naviy
hayot darajasining
yuksalishi ta'lim tizimining raqobatbardoshligi, ilm-fan taraqqiyoti bilan belgilanadi. Shu
bois ham “O‘zbekiston Respublikasini yanada rivojlantirish bo‘yicha harakatlar
strategiyasi”da ta'lim sohasini tubdan takomillashtirish, ta'lim
sifatini oshirish, intelektual
salohiyatini, jismoniy barkamol avlodni shakllantirish, aniq fanlarni chuqurlashtirib o‘qitish
va iqtisodiyotning turli sohalari uchun malakali kadrlarni tayyorlash ustuvor vazifalar
sifatida belgilangan bo‘lib, pirovardida bugungi davr talabiga javob bera oladigan ta'lim
tuzilishini yaratish ko‘zda tutilgan. Yuqoridagi ustuvor vazifalarni amalga oshirish uchun,
albatta bugungi davr talabiga mos ta'lim tizimining bosh poydevori
sifatida maktabgacha
ta'lim tizimi muhim ro‘l o‘ynaydi.
Maktabgacha ta'lim har tomonlama sog‘lom va barkamol bola shaxsini
tarbiyalash va maktabga tayyorlashda g‘oyat muhim ahamiyat kasb etadi. Afsuski,
olib borilgan tahlillar shuni ko‘rsatadiki, so‘ngi yillar mobaynida maktabgacha ta'lim
tizimida oqsoqlik kuzatilyapti. Maktabgacha ta'lim tizimida bolalarni maktab ta'limiga
tayyorlash borasida rivojlanish o‘rniga orqaga ketish holatlari, yil davomida
maktabgacha yoshdagi bolalarni maktabgacha ta'lim
tashkilotiga qamrab olish
ko‘rsatkichlari tushib ketgan. Oxirgi 20 yil davomida davlat maktabgacha ta'lim
tashkilotlari soni 45 foizdan ziyodroq kamayib, bugungi kunda respublika bo‘yicha
bolalarning maktabgacha ta'lim bilan qamrab olishi 30 foizni tashkil etdi.
Shu kabi muammolarni bartaraf etish niyatida, qolaversa,
intellektual salohiyatli,
sog‘lom va barkamol avlodlarni shakllantirish maqsadida yurtimizda maktabgacha ta'lim
tizimiga katta e'tibor qaratilmoqda. Maktabgacha ta'lim tizimida ko‘plab islohotlar
amalga oshirilmoqda. Jumladan, O‘zbekiston Respublikasi Maktabgacha Ta'lim Vazirligi,
Qoraqalpog‘iston Republikasi Maktabgacha Ta'lim
Vazirligining tashkil etilishi, bir qator
qaror va qonun hujjatlarining ishlab chiqilishi bunga yaqqol misol bo‘la oladi.