Naxçıvan Universiteti

Naxçıvan Universiteti
İxtisas:
İqtisadiyyat
Fakültə:
İqtisadiyyat
Tələbə:Abbasəli İbrahimov
Mövzu: Azərbaycan Respublikasın ödəniş sistemi
Giriş
Milli Ödəniş Sisteminin yaradılması və inkişafı
Xırda Ödənişlər sistemi
Milli Ödəniş Sisteminin İnkişafı
Nağdsız ödəniş sisteminin inkişafını stimullaşdırmaq lazımdır
Azərbaycanda nağdsız hesablaşmalara marağı necə artırmaq olar?
Nəticə
1992-ci ildə Mərkəzi Bank (həmin vaxt Milli Bank adlanırdı) haqqında qəbul edilmiş Qanuna əsasən, ödəniş sisteminin sabit fəaliyyət göstərməsi və maliyyə hesablaşmalarının həyata keçirilməsi üçün lazımi şəraitin yaradılması Mərkəzi Bankın əsas funksiyalarından birinə çevrilmişdir.
Giriş
Son illər Azərbaycan Respublikasının Milli Bankı tərəfindən Milli Ödəniş Sisteminin yaradılması və inkişafı strategiyasına müvafiq olaraq elektron hesablaşma sistemlərinin yaradılıb istifadəyə verilməsi istiqamətində geniş islahatlar aparılmış və bu zaman beynəlxalq maliyyə qurumlarının texniki və maliyyə köməyindən istifadə edilməklə qabaqcıl beynəlxalq təcrübəyə istinad olunmuşdur. 
Milli Ödəniş Sisteminin yaradılması
və inkişafı
Aparılan islahatlar nəticəsində Milli Ödəniş Sisteminin arxitekturasının ən mühüm komponentləri yaradılmışdır. Belə ki, 2001-ci ilin əvvəllərində bütün bankların və Maliyyə Nazirliyinin Baş Dövlət Xəzinədarlıq İdarəsinin ödənişlərini həyata keçirən və Milli Ödəniş Sisteminin arxitekturasının əsasını təşkil edən Real Vaxt Rejimində Banklararası Hesablaşmalar Sistemi (AZİPS) yaradılaraq istifadəyə verilmişdir.
Bunun nəticəsində banklar arasında əvvəllər günlərlə və bəzən həftələrlə çəkən hesablaşmaların saniyələr ərzində başa çatdırılmasına, pul dövriyyəsinin sürətinin nəzərəçarpacaq dərəcədə artmasına, banklar tərəfindən likvidliyin daha çevik idarə olunma-sına, böyük məbləğli və təcili ödənişlərin real vaxt rejimində (on-line) həyata keçirilməsinə imkan yaranmışdır.
2002-ci ilin sonlarından etibarən isə Milli Ödəniş Sisteminin arxitekturasının ikinci mühüm elementi olan Xırda Ödənişlər üzrə Hesablaşma Klirinq Sistemi (XÖHKS) yaradılaraq istifadəyə verilmişdir.