Международный
научный
журнал
№
2
(100),
часть
2
«
Научный импульс
»
сентябр
, 2022
688
O’ZBEKISTON RESPUBLIKASI FOND BOZORI VA UNING RIVOJLANISHGA TASIR
QILAYOTGA ASOSIY MUAMMOLARI
Qudratov Shoxruxbek G’ulom o’g’li
Annotatsiya:
Qimmatli qog'ozlar bozori zamonaviy bozor iqtisodiyotining ajralmas
qismi bo'lib, erkin moliyaviy resurslarga ega bo'lgan investorlar va investitsiyalarga muhtoj
emitentlar manfaatlarini uzviy bog'lash imkonini beradi. Ushbu maqolada respublika fond
bozorining asosiy shartlari, faoliyat ko'rsatish mexanizmi, kapital bozorini rivojlantirishdagi
muammolar, O'zbekistonda ushbu sohaning rivojlanishiga ta'sir ko'rsatgan omillar ko'rib
chiqiladi.
Kalit so'zlar
:
Kalit so'zlar: qimmatli qog'ozlar, qimmatli qog'ozlar bozori, aktsiyalar,
obligatsiyalar, birja, investor, mulk huquqi. fond birjasi, bozor iqtisodiyoti, depozitariylar,
hisob-kitob markazlari, dilerlar, investitsiya maslahatchilari, investitsiya fondlari,
investitsiya kompaniyalari, boshqaruv kompaniyalari.
Dunyoda qimmatli qog'ozlar bozorining asosiy tarkibiy qismlaridan biri fond
bozori
hisoblanadi. Jahon fond bozoridagi savdo hajmi 2021 yilda jami 160,95 trlnni tashkil etgan
va deyarli 46 mlrdga yaqin savdolar amalga oshirilgan. Asosiy ulush AQShda (59,9 %),
keying o’rinlarda Yaponiya (6,2%), Buyuk Britaniya (3,0%), Xitoy (3,6%), kabi mamlakatlar
turadi. Shuningdek, Kanada,
Fransiya, Germaniya, Hindiston va Shveytsariya kabi
mamlakatlar ham dunyoning yetakchi fond bozoriga ega mamlakatlar hisoblanadi.
«Toshkent» Respublika fond birjasi – bu O‘zbekiston Respublikasi hududidagi yagona
fond birja hisoblanadi va u 1994 yil 8 aprelda tashkil topgan. Hozirda u yerda 99 ta
kompaniya o‘z aksiyalari va 4 ta emitent (aksiya chiqaradigan kompaniya) o‘z obligatsiyalari
bilan savdo qiladi.
O‘zbekiston Respublikasining 2015-yil 3-iyundagi “Qimmatli qog‘ozlar bozori
to‘g‘risida”gi qonuniga muvofiq, qimmatli qog‘ozlar – bu hujjatlarni bergan yuridik shaxs va
ularning egasi o‘rtasidagi mulkiy huquqlarni yoki qarz munosabatlarini tasdiqlovchi,
dividendlar yoki foizlar shaklidagi daromadlar to‘lanishini nazarda tutuvchi hujjatlardir.
Bunda ushbu hujjatlardan kelib chiqadigan huquqlarni boshqa shaxslarga o'tkazish
imkoniyati mavjud. Yuqorida qayd etilgan qonunga ko‘ra qimmatli qog‘ozlarga aksiyalar,
obligatsiyalar, g‘aznachilik
majburiyatlari, depozit va jamg‘arma sertifikatlari, veksellar,
shuningdek, hosilaviy qimmatli qog‘ozlar kiradi. Bugun kunda O‘zbekiston
iqtisodiyotning
har bir sohasida dunyoga tobora kengroq ochilmoqda. Ayniqsa qimmatli qog'ozlar bozori
ulkan islohotlar tufayli rivojlanmoqda. Qimmatli qog'ozlar bozori O'zbekistonda davlat
mulklarining
ommaviy xususiylashtirishidan, korxonalarni aktsiyadorlik jamiyatlariga
aylantirishdan va ularning ulushlarini kompaniya xodimlari va investorlarga sotilishidan
keyin paydo bo'ldi deyish mumkin.