1 Ramiz Dəniz
Yüklə 2,72 Mb. Pdf görüntüsü
|
- Bu səhifədəki naviqasiya:
- XIII fəsil.
395 qaldırmalı oldu. – Onlar bizi nüfuzdan salmaq üçün bu cür yalanlara əl atırlar. - Edik, səsini aşağı salsan yaxşı olar. – Sergey soyuq- qanlı tərzdə dilləndi. – İş ondadır ki, belə bir sənəd bir çox beynəlxalq təşkilatların ofisində çap olunubdur. Onlar isə Xocalıda baş verən soyqırımın miqyasını anlayaraq, belə bir faktları nəzərə almaq məcburiyyətində qalıblar.
XIII fəsil.
həqiqət
Elə bu vaxt kabinetin qapısı döyüldü və nitqini kəsən ev sahibi kimin olduğunu soruşdu. Raisa qapını açıb onları süfrəyə dəvət etmək istədi, lakin fürsəti əldən verməyən pedaqoq qızı görən kimi ona bildirdi ki, Aleksandrı, Yelizavetanı və Roberti çağırıb, onlarla birlikdə kabinetə gəlsin. Bir az keçən kimi adları çəkilənlər dəvət olunan yerə gəldilər. Aleksandr Eduarddan kənarda divanda əyləş- sə də, Raisa da onun yanında özünə yer tutdu və əlini
396 oğlanın dizinə qoydu. Robert artıq kefli idi və içəyiyə damağında siqaretlə gəlmişdi. Sergey içkili olsa da hərəkətlərini nəzarət altında saxlaya bilirdi və sırtıq ermənini belə bir görkəmdə gördükdə öz iradını bildirdi. Robert də pencərə ağzında əyləşərək əlindəki siqareti bayıra tulladı. Ev sahibi başladığı söhbəti başa çatdırmaq üçün son hücuma keçdi. O, söylədiyi ifadələrə görə məsuliyyət daşıyırdı və istəyirdi ki, həmin sözləri uşaqlar da eşitsin. O, əli ilə Raisa ilə Aleksandrı göstərib, üzünü yaşlı erməniyə tutdu və iradə ilə dedi: - Edik, istərdim ki, qısa müddət ərzində jurnalist fakül- təsini bitirəcək bu tələbələr də bizim diskussiyanın şahidi olsunlar ki, gələcəkdə obyektiv olmaqda onlara yardımçı olsun. Xocalıda baş verən soyqırımdan iki gün sonra, yəni, fevralın 28-də tərkibində yerli jurnalistlərin də olduğu qrup 2 vertolyotla azərbaycanlıların həlak olduqları yerə çata bilmişdilər. Gördükləri mənzərə hamını dəhşətə gətirdi – düzənlik cəsədlərlə dolu idi. İkinci vertolyotun havadan mühafizəsinə baxmayaraq, ermənilərin güclü atəşi altında ancaq 4 meyidi götürmək mümkün olmuşdu. Martın 1-də yerli və xarici jurnalistlərin iştirakı ilə hadisə yerində daha da dəhşətli vəziyyət müşahidə olunmuşdur. Meyidlərin skalplarının götürülməsi, qulaqlarının və digər orqanlarının
397 kəsilməsi, gözlərin çıxardılması, çoxsaylı bıçaq və güllə yaraları, ağır texnika ilə əzilmələr, yandırılma halları aşkar edilmişdir. Edik, sənə sual verirəm, özünə insan deyən bir kəs belə bir ağlasığmaz soyqırımı törədə bilər, ya yox? Bu sözlərdən vəcdə gələn Raisa əlini oğlanın dizindən çəkdi və qormuş halda dayısına nəzər saldı. Eduard isə qəzəb içərisində təkzib verməyə tutarlı faktlar söyləməkdə aciz qalsa da, lakin son anda bu ittihamları rədd etmək üçün əsəbi halda dedi: - Sergey Vladimiroviç, bunların hamısı türklərin uydur- duğu cəfəngiyyatdır. Öz cinayətlərini başqalarının boynuna yıxmaq istəyirlər. Sizə neçə dəfə deyim axı, müsəlmanlar xristianların düşmənidir. - Ola bilsin eşitdiyim hadisələr olsaydı, mən inanmaz- dım. – deyə ev sahibi videoya tərəf gedib Bakıdan gətirdiyi diski aparata saldı və televizorun düyməsini basdı. – Lakin əhalinin kütləvi surətdə qırılması ilə bağlı, bu sənədli filmə nə demək olar? Bu da yalandır? Ondan sonra ekranda Azərbaycanın Milli Qəhramanı Çingiz Mustafayevin çəkdiyi Xocalıdan qaçan sakinlərin eybəcər hala salınan meyidlərin görüntüləri ekranda can- landı.
398 Ermənilərə nisbətən Aleksandr həmin faciənin ilk kadr- larını görəndə şok vəziyyətinə düşdü. Gələcəyin jurnalisti içkili olsa da, həmin tükürpədici kadrları görəndə, həmin an sanki yuxudan ayıldı və atasına baxmadan seyr etdiyi qətliamın kimlər tərəfindən törədildiyini soruşdu. - Bunu sən jurnalist həmkarından soruşsan, daha müna- sib olar.- deyə Sergey həqarət içərisində olsa da, bu ifadəni istehza ilə söylədi. - Mənə elə gəlir o, bu kadrlara bir neçə dəfə baxıbdır. - Birinci dəfədir ki, mən bu kadrları seyr edirəm. – deyə özünü bilməməzliyə vuran hiyləgər qız çiyinlərini çəkdi. - Əziz Saşa, bu türklərin öz millətinin başına gətirdiyi müsibətdir və bu cinayəti bizim boynumuza yıxmaq istəyir- lər. – deyə sir-sifətini əyən yaşlı erməni bir daha həyasız- lığını nümayiş etdirməkdən çəkinmədi. - Edik, bəsdir bu cavanlara yalan söylədin. - əsəbləri tarıma çəkilən ev sahibi səsini yaşlı erməninin üstünə qal- dırdı. – Demək, bütün bu vəhşiliyi də başqalarının boynuna yıxmaq istəyirsiniz? Ola bilsin, sizlərin heç nədən xəbəri yoxdur. Bəs, indi sadaladığım faktlara qarşı hansı tkzibi verəcəksiniz. Həmin dövrdə erməni diasporasının müqavimətinə bax- mayaraq, 1992-ci ildə dünyanın nüfuzlu qəzet səhifələrində baş verən qətliam barəsində silsilə yazılar dərc olunmuşdu.
Yüklə 2,72 Mb. Dostları ilə paylaş:
|