399
– Sergey sol tərəfdəki kitabxananın rəflərin birindən bir
kağız parçası götürüb oxumağa başladı. - “Krua l'Evene-
man” jurnalı (Paris), 25 fevral:“Ermənilər Xocalıya hücum
etmişlər. Bütün dünya eybəcər hala salınmış meyidlərin
şahidi oldu”. “Sandi Tayms” qəzeti (London), 1 mart:
“Erməni əsgərləri minlərlə ailəni məhv etmişlər”. “Tayms”
qəzeti (London), 4 mart: “Çoxları eybəcər hala salınmışdır,
körpə qızın ancaq başı qalmışdır”. “İzvestiya” (Moskva), 4
mart: “Videokamera qulaqları kəsilmiş uşaqları göstərdi.
Bir qadının sifətinin yarısı kəsilmişdir. Kişilərin skalpları
götürülmüşdür”. “Faynenşl Tayms” qəzeti (London), 9-u
mart: “Ermənilər Ağdama tərəf gedən dəstəni güllələmişlər.
Azərbaycanlılar 1200-ə qədər cəsəd saymışlar”. “Le
Mond” qəzeti (Paris), 14 mart: “Ağdamda olan xarici
jurnalistlər, Xocalıda öldürülmüş qadın və uşaqlar arasında
skalpları götürülmüş, dırnaqları çıxardılmış 3 nəfəri gör-
müşlər. Bu azərbaycanlıların təbliğatı deyil, bu reallıqdır”.
“İzvestiya” (Moskva), 13 mart: Mayor Leonid Kravets:
“Mən şəxsən təpədə yüzə yaxın meyid gördüm. Bir oğlanın
başı yox idi. Hər tərəfdə xüsusi qəddarlıqla öldürülmüş
qadın, uşaq, qocalar görünürdü”. “Valer aktuel” jurnalı
(Paris), 14 mart: “Bu "müxtar regionda" erməni silahlı
dəstələri Yaxın Şərqdən çıxmışlarla birlikdə müasir
texnikaya, o cümlədən vertolyotlara malikdirlər. ASALA-
400
nın Suriya və Livanda hərbi düşərgələri və silah anbarları
vardır. Ermənilər yüzdən artıq müsəlman kəndlərində
qırğınlar törədərək Qarabağdakı azərbaycanlıları məhv
etmişlər”. R. Patrik, İngiltərənin "Fant men nyus" teleşir-
kətinin jurnalisti (hadisə yerində olmuşdur): “Xocalıdakı
vəhşilikllərə dünya ictimaiyyətinin gözündə heç nə ilə haqq
qazandırmaq olmaz”.
- Ata, bu nə dəhşətdir? – deyə Aleksandr əlləri ilə başını
tutaraq şok vəziyyətinə düşdü.
- Demək istəyirsiniz ki, həmin vəhşilikləri bizimkilər
törədiblər? – çaş-baş qalan Eduard dili topuq vura-vura
dilləndi. – Oxuduqlarınız türklərin informasiya təbliğatıdır.
Bakıda baxdığnız videolar sadəcə olaraq montajdır. Məni
təəccübləndirən odur ki, həmin müharibədə qırılan bizik,
lakin azərbaycanlılar günahsız kimi qələmə verilir.
- Bəlkə, əksinə demək istəyirsən, qırılan onlardır, günah-
sız göstərilən isə sizinkilərdir. Montaj hesab etdiyin video-
ları universitetin humanitar fakültələrində təhsil alan tələ-
bələrə təqdim edəcəm və həmin faciə ilə bağlı onların fik-
rini öyrənəcəm. Məhz ondan sonra görüm nə deyəcəksən?
O ki qaldı mənim oxuduqlarıma və disklərdəki görün-
tülərə, mən həmin yazıların hamısını Sankt-Peterburqa
qayıdan kimi yoxlamış və əmin olmuşam ki, bütün bunlar
əsl həqiqətdir.
401
Mən biləni Raisa ilə Saşa bu mövzu ilə bağlı xeyli sayda
məqalələr yazmış və bizim universitetdə yaymışdılar. Özü
də bu işdə mən müəyyən köməkliklər göstərmişəm. Onda
belə çıxır ki, Qarabağ münaqişəsi ilə olan hadisələri Raisa
mənə və Saşaya yanlış şəkildə nəql edibdir.
- Sergey Vladimiroviç, mən qohumlardan və dost-
tanışlardan eştdiyim hadisələrlə sizi tanış etmişəm. – deyə
yalanın üstünün açıldığını görən qız, üzü qızara-qızara
günahı başqalarının boynuna atmağa çalışdı.
- Təəssüflər olsun ki, mən bu məsələ ilə bağlı araşdır-
malarımı gec apardım. – Sergey başını bulayaraq pəncərəyə
tərəf getdi və üzünü uzaqda ucalan Petropavlovsk məbədi-
nin qülləsinə tutaraq sanki xəyala dalmış bir insan kimi
sözünə əlavə etdi. - Məni dəhşətə gətirən odur ki, azərbay-
canlılar dədə-baba toraqlarından qovularaq çadırlarda
məskunlaşmağa məcbur olur, ermənilər isə böyük bir
ərazini işğal etməsinə baxmayaraq, hətta öz yaşadıqları
ocaqları tərk edib Rusiyaya, Fransaya, Amerikaya və digər
dövlətlərə üz tutur və hamıya bəyan edirlər ki, onları
müsəlmanlar qovublar.
Xocalıda törədilən qətliamdan sonra bu cinayəti başqası-
nın boynuna atmaq Allahın özünə də xoş getməz. İnanma-
ram ki, azərbaycanlılar körpə uşaqların başını yarı bölsün,
qocaların başının dərisini soysun, qadınların müəyyən
402
orqanlarını kəssin və ümumiyyətlə, ölən adamların cəsəd-
lərini tanınmaz hala salsın. Çünki insana zülm etmək,
balaca uşaqların və meyidlərin üzərində işgəncələr aparmaq
onların xislətinə uyğun deyil.
Edik, Xocalı soyqırımında iştirak etmiş soydaşlarının və
onların köməkçilərinin hərəkətləri insan haqlarının kobud
surətdə pozulması, beynəlxalq hüquqi aktların – Cenevrə
konvensiyası, Ümumdünya İnsan Haqqları Bəyannaməsi,
vətəndaş və siyasi hüquqlar barədə Beynəlxalq Sazış,
Fövqəladə vəziyyətlərdə və hərbi münaqişələr zamanı
qadınların və uşaqların müdafıəsi Bəyannaməsinə məhəl
qoyulmamasıdır.
Eduard gördü ki, qısa müddət ərzində tarixçi pedaqoqun
xassiyyəti kəskin dərəcədə dəyişibdir və o, Bakı səfərindən
sonra Qarabağ münaqişə ilə bağlı bir çox faktlara
yiyələnibdir. Sergey həmin faktları sadalamaqla bir növ
onların insanlığa qarşı törədilən çirkin siyasətini ifşa edirdi.
Lakin bütün bunlara baxmayaraq başqalarına böhtan atan
evdəki ermənilər hələ də öz həyasızlıqlarını davam etdir-
məkdə idilər.
- Sergey Vladimiroviç, bildiyiniz kimi valideynlərim
Sumqayıtda yaşayırdılar. – deyə bəraət qazanmağa çalışan
Raisa ev sahibi ilə dayısının arasında gedən əvvəlki söhbət-
dən bixəbər kimi, xəcalət çəkmədən dilləndi. – Həmin
Dostları ilə paylaş: |