1 Ramiz Dəniz
Yüklə 2,72 Mb. Pdf görüntüsü
|
375 nət, ədəbiyyat, elm xadimlərinin heykəlləri, çoxsaylı körpü- lər, servisinə, tikilişinə, komfortuna görə hər hansı bir mehmanxanalar ilə rəqabət aparacaq möhtəşəm mehman- xanalar, müasir tipli supermarketlər, yaraşıqlı metrostansi- yaları məni həddindən artıq heyran etdi. Demək olar ki, mən eyni vaxtda özümü həm Tokioda, Şanxayda, İstambul- da, Parisdə, Madriddə, həm də Romada hiss edərək, həmin səfərdən ayrılmaq istəmirdim. Sanki mən başqa bir aləmə düşmüşdüm, yaradıcı insanın dili ilə desəm mən özümü nağıllar aləmində hiss etdim. - Sergey Vladimiroviç, siz Bakını elə təsəvvür etdiniz ki, sanki həmin şəhər Sankt-Peterburqdan gözəldir. – deyə Raisa narazı halda dilləndi. - Onların bəxti gətiribdir ki, Azərbaycan neft və qazla zəngin olan bir ölkədir və əldə olunan pulları necə gəldi sağa və sola xərcləyirlər. – deyə paxıllığını gizlədə bilmə- yən Eduard təəssüf hissilə dilləndi. – Özləri milyon qazanıb firavan yaşayırlar, bizi isə türklərin köməyindən istifadə edərək blokadada saxlayırlar. Qaçqın düşmüş soydaşlarımız qışda soyuqdan, yayda isə susuzluqdan ölürlər. Blokadada olduğumuz üçün onlar ərzaq tapmaqda çətinlik çəkirlər. Beynəlxalq təşkilatlar isə belə bir haqsızlığa göz yumur. Bax, Sergey Vladimiroviç bir alim, bir ziyalı kimi deyin
376 görək, belə bir vəziyyətdə biz nə etməliyik? Düşmənlərimiz hərtərəfli olaraq bizim milləti məhv etmək istəyirlər. - Biz bu problemlər haqqında çoxlu müzakirələr aparmı- şıq. Axırıncı səfərdən qayıdandan sonra anladım ki, həmin münaqişədə kim haqlıdır, kim yox? Sən deyirsən ki, azər- baycanlılar türklərlə birlikdə sizin ölkəni blokadaya alıbdır. Sual verilə bilər, bəs onlar nə etməliydilər? - Necə yəni nə etməliydilər? – deyə təəccübdən çiyin- lərini çəkən Eduard çaşqınlıq içərisində həmsöhbətini süz- məyə başladı. – Onlar coğrafi mövqedən istifadə edib belə bir alçaq metoda əl atmamalıydılar. Halbuki əsrlər boyu biz onlara hörmət etmiş və dar vaxtlarında kömək əlimizi uzatmışıq. Blokadanı tətbiq edəndən sonra biz anladıq ki, onlar hörmət qanan millət deyillər. Nizaminin burada olmasına əhəmiyyət verməyən kobud adam ona ötəri halda tərs nəzər salaraq sir-sifətini turşutdu. Sanki o, yox, məhz azərbaycanlı tələbə onu təhqir etmişdi. Həmin ifadələri özü üçün təhqir hesab edən Nizami hirsini birtəhər daxilində dəf edərək iradə ilə dedi: - Xahiş edirəm, ifadələrinizə diqqət yetirəsiniz. Heç kim sizə haqq verməyibdir ki, bizim milləti və türkləri təhqir edəsiniz. Yadda saxlayın ki, biz azərbaycanlılar yaxşı ada- mı bağlı qapılar arxasında saxlamırıq. Əldə olunan hörməti ayaq altına atan millətin kimliyi nəinki burada əyləşənlərə,
377 hətta dünyada yaşayan bütün kamil düşüncəli insanlara bəllidir. Ən azı Sergey Vladimiroviç bizimkilərin xasiyyəti- nə qismən də olsa bələddir. - Görünür, Sergey Vladimiroviç, sizin milləti yaxından tanıya bilməyibdir. – deyə ən qatı düşməni kimi azərbay- canlı tələbəni süzən Robert ikrah hissi ilə dilləndi. – Yoxsa, o, sənin kimi pantürkisti özü ilə bir masada əyləşdirməzdi. Ev sahibi o dəqiqə başa düşdü ki, Robert burada qalma- qal yaratmaq fikirindədir və bunun qarşısı alnmasa o, istədiyinə nail olacaq. Məhz buna görə də Sergey heç bir tərəfkeşlik etmədən həmin qaba adamı ram etməlidir. O, ayağa qalxıb Nizaminin yanına gəldi və sol əlini tələbəsinin sağ çiyninə qoyub Robertə ciddi halda dedi: - Robert, sənə xəbərdarlıq etmək məcburiyyətindəyəm. Nizami, çox mərifətli və qanacaqlı oğlandır və hamı bilsin ki, o, mənim evimin qonağıdır. Məlumatınız olsun ki, şəxsi dəvətimlə o, mənim evimə qədəm qoyubdur. - Niyə əsəbləşirsiniz? Sadəcə olaraq onun bu evdə görünməyi bizim üçün sürpriz oldu. – Elizabet dilləndi. Elizabet ev sahibinə yaltaqlanmaq istəsə də, o biri ermə- nilər kompromissə getmək fikirində deyildilər. Xüsusən də Raisa onu burada biabır etmək üçün özünə bir proqram da hazırlamışdı.
378 - Nizami, daim ruslarla müharibə aparan siz türklərin rus torpağında gəzməyə mənəvi haqqınız yoxdur. – arada yara- nan ixtilafdan istifadə edən Raisa qızışdırıcı mövqe tutaraq içəridə olan rusları da azərbaycanlı tələbənin üstünə qaldır- maq istədi. – Sənin kimiləri Rusiyadan sürgün etmək lazım- dır. - Keçmişdə müharibə yaradanlar layiqincə öz cəzalarına çatıblar. Türklər qüvvətli və güclü olsalar da, daim sülhü hər şeydən üstün tutublar. - Cavan oğlan, bu haqda fikir yürütməkdə sən hələ uşaqsan. – deyə Eduard vacdə gəldi. – Sizin millət özünüz- dən başqa heç kimi bəyənmir və bir qədər üstün olan kimi başlayırsınız təzyiq göstərməyə. Ona görə də hamı Azər- baycanı tərk etməli olur. Bu dəfə Sergey gözləməli mövqe tutmağı qərara aldı. Ona görə ki, o, Nizaminin həm savadına, həm də səviyyəsinə yaxşı bələd idi və əmin idi ki, azərbaycanlı tələbə tutarlı dəlillərlə ətrafındakı erməniləri susdurmağa müvəffəq olacaq. Bunun əsas səbəbi isə Sergeyin Qarabağ problemi ilə bir çox mətləblərdən agah olması idi. Lakin bütün bunlara baxmayaraq Yelizaveta kənarda sakit oturub, istədiyi oğlanın təzyiqlər altında çapalamasını seyr etmək istəmirdi. Yüklə 2,72 Mb. Dostları ilə paylaş:
|