1 Ramiz Dəniz
Yüklə 2,72 Mb. Pdf görüntüsü
|
- Bu səhifədəki naviqasiya:
- XVI fəsil. Aşıb-daşan səbr kasası
371 Süleyman Ələsgərovun və başqa görkəmli şəxsiyyətlərin doğulduğu bir şəhərdir və həmin yaşayış məskəni, hətta YUNESKO-da belə, Azərbaycanın konservatoriyası kimi tanınır. Bunu təkcə mən yox, bizim ölkədə olmuş bütün tarixi şəxsiyyətlər dəfələrlə qeyd ediblər. - Məlumatınız olsun ki, Şuşa Azərbaycanın yox, qədim Ermənistanın tarixi yaşayış məskənidir. – deyə Robert tərs nəzərlərini azərbaycanlı tələbəyə tərəf yönəldərək, hökmlə dilləndi. – Ümumiyyətlə, bizim tariximizdə Azərbaycan adlı bir məmləkət yoxdur. - Dəqiq bilmək istəyirsinizsə, sizə bir fakt söyləyim. – deyə əsəbləri tarıma çəkilən Nizami başını dik tutaraq ciddi halda dilləndi. – Nəinki Şuşa və ya İrəvan, ümumiyyətlə ermənilərin Qafqazın cənubunda məskunlaşdıqları bütün yaşayış məskənləri azərbaycanlıların dədə-baba torpaqları- dır. Bu haqda tarixi sənədlər var ki...
Elə bu vaxt evin qapısı döyüldü və Nizaminin sözü yarımçıq qaldı. Ona görə ki, həmin məqamda Raisa “mən
372 sənə heç vaxt bu sözləri bağışlamayacağam” ifadəsini işlədərək, vəcdə gəlmiş halda verandaya çıxdı. Robert isə qığılcım saçan baxışlarını həmsöhbətinin gözlərinə doğru yönəldərək, qəzəbli halda erməni dilində bir-iki kəlmə söz işlətdi. Onların arasında yaranan narazılıqdan məyus olan Yelizaveta hər ikisini sakitliyə dəvət edərək, qapıya tərəf getdi. Özünün azərbaycanlı tələbənin yanında alçaldığını büruzə vermək istəməyən eqoist erməni qızı, sir-sifətini səliqə-sahmana salıb, getdiyi yerdən qayıtdı və gələnlərin qarşısına çıxdı. Gələn qonaqlar Eduardgil idi və onlar salamlaşaraq masa arxasına keçdilər. İş elə gətirdi ki, Eduardın kişik qızı Karmen Nizaminin sol tərəfində əyləşdi. Sergey öz kabinetindən çıxıb, qonaqları salamladı və içəridəkiləri bir- biriləri ilə tanış etdi və oğlunun yanında mövqe tutdu. Karmen biləndə ki, Nizami azərbaycanlıdır o, tərəddüd etmədən yerini tərk etdi və Raisa ilə vacib iş olduğunu bəhanə gətirib onun yanına keçdi. Sergey birinci badəni evinə dəvət olunmuş bütün qonaq- ların sağlığına qaldırıb kababa əl atdı və onu qıcıqlandır- maq üçün həvəslə dedi: - Edik, mən Qafqazın cənubunda yerləşən hər üç ölkədə oldum və hər yerdə hazırlanan kababların dadına baxdım.
373 Etiraf etməliyəm ki, Nizaminin bişirdiyi kabab kimi heç bir yerdə ləzzətli kabab yemədim. Buyurun baxın, özünüz qiymət verin. Elmlər namizədi həmin izahatı verən zaman həm Eduard, həm də Karmen əllərindəki tikə kababı yemək istəyirdilər. Lakin ev sahibinin sözlərini eşidən kimi onlar həmin tikələri yerə qoyub, Yelizavetanın hazırladığı “pay- taxt” salatını dadmağa başladılar. Sergey kifayət qədər arif adam idi və onların mərifətsiz hərəkətlərindən hiddətləndi. O, ağlına belə gətirməzdi ki, evinə gələn ermənilər bu dərəcədə azərbaycanlı tələbəsinə qarşı ifrat düşmənçilik hissi bəsləyirlər. Deməli, bu ədavət bir xəstəlik kimi onların hamısının qanına yeriyibdir. Bu məsələnin üstündən səti keçmək istəməyən və onlar barəsində düşündüklərini üzlərinə deməyə hazırlaşan pedaqoq Eduarda tərs nəzər salaraq maraqla soruşdu: - Edik, xeyir ola, mən deyəndə ki, kababı Nizami hazırlayıb sən, sanki irgənirmiş kimi əlindəki tikəni yerə qoydun? Mən biləni siz ermənilər kabab yeməkdən böyük həzz alırsınız. Bunun səbəbini izah edə bilərsən? - Nədənsə, mən Yelizavetanın əl məhsulu olan salata tamah saldım. – deyə Yelizavetanın üzünə yaltaqcasına gü- lən riyakar qonaq qeyri-müəyyən tərzdə dilləndi. – Kababı isə gündə yeyirəm, özü də ki, həmin kababı özüm bişirsəm
374 və yaxud da hansısa bir həmyerlim bişirəndə. O ki, qaldı sizin Bakıda bişirilən kababın tərifləmənizə, mən deyərdim ki, siz əsl erməninin bişirdiyi kababla üzləşməmisiniz. Bu sahədə bizim mütəxəssislər o qədər məşhurlaşıb ki, bütün Şimali Qafqazda restoranlarda yalnız erməni aşbazları çalışırlar. - Bəs, bizim evdə keçirilən ziyafətlərdə kababı kim bişirirdi? – deyə Yelizaveta Eduarda təəccüblü nəzər saldı. – Edik, dayı elə həmin kababları sizdən və Robertdən başqa heç kim hazırlamırdı. Amma etiraf edim ki, Nizaminin bişirdiyi kabablar xüsusi reseptlərlə hazırladığından, ətin dadı bənzərsiz olubdur. - Təəssüflər olsun ki, sən süfrədə olan kababdan dadma- dın. – ev sahibi Eduardın cavab verməsinə imkan verməyə- rək istehza ilə dilləndi, daha sonra o, həmsöhbətini bir qədər diqqətlə süzəndən sonra mövzunu dəyişdi. – Eduard, desəm inanmayacaqsan və yaxud da kim mənə desəydi inanmazdım. Mən təxminən 30 il bundan əvvəl Bakıda olmuşdum və həmin şəhər bir çox sovet şəhərlərindən qəti olaraq seçilmirdi. İndi isə Bakını Avropanın bir çox gözəl şəhərləri ilə müqayisə etmək olar. Rəngarəng arxitektura üslubu, köhnə və modern tipli binaların heyranedici fasad- ları, ekzotik fəvvarələr, çoxsaylı parklar, dəniz qırağındakı bənzərsiz bulvar, əyləncə mərkəzləri, mədəniyyət, incəsə-
Yüklə 2,72 Mb. Dostları ilə paylaş:
|