1 Alohida ta’lim ehtiyoji bo‘lgan bolalar uchun ixtisoslashtirilgan (aqliy rivojlanishida nuqsoni bo‘lgan bolalar uchun) maktab va maktab-internatlarining 5-sinflar uchun
38 O‘rinli tanbeh O‘quv yili yakunlanib, barcha o‘quvchilar yozgi ta’tilga chiqishdi.
Dilmurod bu yilgi yozgi ta’tilni qishloqda, tog‘asinikida o‘tkazishga qaror
qildi. Qishloq juda salqin, tog‘ etagida joylashgan bo‘lib, o‘rtasidan soy
oqib o‘tgan edi. Tog‘asining katta bir bog‘i bo‘lib, bu bog‘da turli-tuman
mevalar bor.
Kunlarning birida Dilmurod tog‘asi bilan bog‘ aylanib
yurar ekan, sarg‘ayib pishgan nok daraxti tagiga kelib to‘xtashdi.
Daraxtdagi noklar insonning ko‘zini qamashtirar edi. Shu payt Dilmurod
noklardan birini olib yeya boshladi. Qarasa mazasi u o‘ylagandek shirin
emas ekan. Qo‘lidagi nokni bir chetga uloqtirib, yangi nokni olishga
kirishdi. Ne ko‘z bilan ko‘rsinki, bu ham unga ma’qul kelmadi. Bu nokni
ham uloqtirmoqchi bo‘lib turganida tog‘asi unga “Dilmurod bu nimasi?
Axir sen noklarni isrof qilayapsanku, yeging kelmasa nima qilasan
uzib” – deb tanbeh berdi. Dilmurod bo‘lsa: “Tog‘a, noklarimiz ko‘pku,
nima qilibdi ikki dona nokni tashlab yuborsam” – deb savol berdi.
Tog‘asi esa: “Inson doimo har ishda har narsani isrof qilmasligi
tejamkor bo‘lishi kerak. Tejamkorlik yarim boylik. Nimani xor qilsang,
o‘shanga zor bo‘lasan” –deb tushuntirdi. Dilmurod qilgan ishidan
pushaymon bo‘lib, mevalarni endi isrof qilmaslikka tog‘asiga so‘z berdi.
39 1.Tejamkorlik deganda nimani tushunasiz?
2.Nimalarda tejamkor bo‘lish lozim?
3.Dilmurod tog‘asidan nima uchun kechirim so‘radi?