1. Beynəlxalq hüququn mahiyyəti, predmeti və sistemi

Konstitutiv nəzəriyyəyə görə («təsis etmək», «yaratmaq» sözündən), dövlət yalnız tanındıqdan sonra beynəlxalq hüququn subyektinə çevrilir. Tanıma dövlətçiliyin, beynəlxalq-hüquqi subyektliyin ilkin zəruri şərtidir. Beləliklə, tanıma dövləti və ya hökuməti «yaradir>. Konstitutiv nəzəriyyənin bir sıra mühüm qüsurlar vardır. Belə çıxır ki, yeni qurumun beynəlxalq-hüquqi subyektliyi üçüncü tərəflərin subyektiv mövqeyindən asılıdır. İkinci bir tərəfdən, sözügedən nəzəriyyədən aydın deyildir ki, hər hansı bir dövlətin beynəlxalq hüququn subyekti sayılması üçün nə qədər dövlət onu tanımalıdır: bir dövlət, yoxsa «aparıcı» dövlətlər və ya dünyanın bütün ölkələri.