50
H Ü M A Y İ - Ə R Ş
etmişdir. Bunun 1250/51-ci illərdə [m.1834/1836] olduğu güman olu nur,
çünki Şeyxin beş ilə qədər Qaraqaşi Mahmud əfəndi mərhum yanında,
üç yaxud dörd ilə yaxın da Abdullah əfəndi yanında qaldığı rəvayət
edilməkdədir.
NİGARİ TƏXƏLLÜSÜNÜN SƏBƏBİ
Q
araqaşda (xalq arasında Qarağacı şəklində bilinir) təhsili
əsnasında Nurəddin əfəndi adlı birisinin möhtərəm zövcəsi,
iffətli qadınların baş tacı Nigar xanım hər cür ehtiyacını tə-
min etmiş və təhsilində lazım gələn yardımı göstərmiş. Bu sayədə feyzə
nail olmasının bu xanımın dəstəyinin təbii bir nəticəsi olduğunu nəzərdə
tutaraq, adına əlavə olaraq “Nigari” təxəllüsünü götürmüş və divanında
bu adı istifadə etmişdir. Bu xanımın kiçik bir köməyi üzündən adını əbədi-
ləşdirəcək qədər edilən yaxşılığı unutmayıb haqqını verməyə çalışması
nəcib fəzilətlərindən birini təşkil edir.
ŞEYXİ İSMAYIL ŞİRVANİ İLƏ
GÖRÜŞMƏSİ
20
R
usiyadan [Azərbaycandan] hicrət edərək ilk əvvəl hara getdiyinə
dair bir rəvayət əldə edilməmişdir. Ancaq təhsilini tamamlamadığı
üçün o zamanlar Sivasda yaşayan Həzrəti Mövlanənin [İsmayıl
Siracəddin Şirvani] hüzuruna gəlməsi çox böyük ehtimaldır. Çünki o həm
şəriət icazətnaməsini, həm də təriqət xilafətnaməsini Həzrəti Mövlanənin
mübarək adına izafə olaraq təliblərinə vermişdir.
Sivasda Həzrəti Mövlanədən [İsmayıl Siracəddin Şirvani] mədrəsə
təlimini tamamladığı da məlum deyildir. Ancaq bu müqəddəs zatla əlaqəsinin
ardınca təriqətə davam etməsi mütləqdir. Həzrəti Mövlanə Sivasda olduğu
1255-ci ildə [m.1835/36] Gümüşlü Saraçxana mədrəsələrində riyazətlə
(nəfs mücadiləsi) məşğul olmuşdur.
Kərəmli mürşidinin əmrilə 1255-ci ildə [m.1835/36] Həcc vəzifəsini
tamamlayıb qayıtdıqdan sonra yenə mürşidinin xanəgahında xidmətə
davam etmişdir.
20
Həzrəti Mövlanəyə [İsmayıl Siracəddin Şirvani] birbaşa gəldiyinə dair belə bir rəvayət
vardır. Guya Şikəst Abdullah əfəndi mərhumdan dərs oxuyarkən təqva əhlinin günəşi
Həzrəti Əliyyül-Mürtəzanı yuxuda görmüş və bu yuxuda Həzrəti-şahı-vəlayət Sivasa
gedərək Şeyx İsmayıl Şirvaniyə bağlanmasını əmr etmişdir. Əmrə tabe olaraq Rusiyadan
[Azərbaycandan] hicrət edib Sivasa gəlmiş və Həzrəti Mövlanənin [İsmayıl Siracəddin
Şirvani] qüdsi hüzurları ilə şərəf qazandığında “Nə xoş ol kimsəyə ki, mürşidi Həzrəti-
şahı-vəlayət olsun” demişdir. (Yegənləri Seyid Sədəddin əfəndi rəvayətindən)
Nigar xanımın
Qarapirim kəndindəki
qəbri
H Ü M A Y İ - Ə R Ş
51
HİCAZDAN QAYIDIŞINA
BİR GƏLİNİN KÖMƏYİ
H
icaza piyada olaraq gedib gəlmişdir. Qayıtdıqda çarıq ayağını
sıxmış və ayaqları şişmiş, son dərəcə çətin vəziyyətdə olduğundan
dar zamanda bir kənddə bir evə sığınmağa məcbur qalmış.
Qapını döyüb müsafir qəbul edib-etmədiklərini soruşduqlarında ev sahibəsi
olan gəlin dərhal “buyurun” deyə içəriyə almış. Taqəti kəsilən bu həqiqət-
pənah səyyah göstərilən yerə cansız düşmüş. Şeyxin təəssüf doğuran halı
bu nəcib qadıncığazın mərhəmət nəzərini cəlb etmiş. Tezcə duzlu sularla
ayağını yumuş və xına yaxmış. Onun bu Allahpərəst xidmətinə rəğmən
gəlinin qaynanası bu müsafiri qəbul etməmək üçün lazım gələn hər səbəbə
baş vurmuş isə də gəlin qəbul etməmiş. Əmrinin dinlənməməsindən
qıcıqlanan bu qaynana oğlu gəldiyində oğlunun hissiyatını təhrik edəcək
hər cür vasitələrə müraciət etmiş. Ancaq oğlu gecə gəlmiş bir müsafiri
dişarı atmağın insanlığa yaraşmadığını, sabah ilk iş olaraq əmrini yerinə
yetirəcəyini söyləyərək qoca qarını yatışdırmaq istəmiş. Bu xanım qaynana
oğlu ilə də qovğaya başlamış isə də əhəmiyyət verilməmiş, bu surətlə o
gecə səhər edilmiş. Ertəsi gün bu alicənab oğlan müsafirinin yanına gələ-
rək kədərli halını gördüyündə üç gündən əvvəl evindən ayrılmaması
üçün and içdirmiş. Və üç gün içərisində həm gəlin, həm ev sahibi olan zat
islamiyyətə və insaniyyətə yaraşan bir şəkildə qonaqpərvərlik vəzifəsini ifa et-
mişlər. Vəfatına qədər o gəlin ilə o ev sahibinə xeyir-dua edirmiş
21
.
RUSİYAYA [QARABAĞA] QAYIDIŞI
H
icazdan qayıtdıqdan sonra bir il də kərəmli mür-
şidinin qüdsiyyət-pənah dərgahına bağlanıb, hicri
1256/1257 [m.1840/1842] illəri içərisində ustadın
qəti əmri üzərinə Rusiyaya [Azərbaycana] qayıtmışdır.
Bu dönüş əmri haqqında yayılmış rəvayətə görə “Guya Şeyx
Hacı Həmzə əfəndi həzrətlərinin möhtərəm anası, övladının
yed di-səkkiz ildən bəri sağ və ya ölmüş olduğuna dair bir xəbər
alma dı ğından gecə-gündüz oğlundan xəbərin gəlməsi üçün
Allah dərgahına dua etməkdə imiş. Bu vaqeə Həzrəti Mövlanəyə
[İsmayıl Siracəddin Şirvani] aşkar olduqda ona anasının yanına
get məsini əmr etmişdir və bunun üzərinə o da Rusiyaya
[Azərbaycana] qayıtmışdır.
22
Rusiyada [Qarabağda] atası ocağında
Doğulduğu torpaq olan Cicimliyə gedər-getməz ilahi iste-
dada malik bu zatın şöhrəti dərhal yaşadığı mühitdə yayılmış;
21
Siracəddin əfəndinin anası Əminə xanım rəvayətindən.
22
Siracəddin əfəndinin anası Əminə xanım rəvayətindən.
Sivas. Göy mədrəsə
52
H Ü M A Y İ - Ə R Ş
elm və irfan təhsil etmək üçün mərifət suyuna susamışlar hər tərəfdən
axışıb gəlmişlər.
ﺎﻛﺮﺘﻌﻣ ﷲ ﺖﻴﺒﺑ ﺞﻴﺠﺤﻟﺍ ﻯﺮﺗ ﺎﻤﻛ
[Hacıların Beytullahda bir-birilə yarışdıqlarını
gördüyün kimi].
Cicimlidə və Bərgüşadın Mirlər kəndində tədris və tərbiyə ilə məşğul
olmuşdur. Cicimlidə qışda Həkəri çayının kənarında Sarı Aşıq adlı Allah
məczubunun nurlu məzarı civarında inşa edilən mədrəsələrdə tədrisatla
və Bərgüşadda da Mirlər kəndində Bərgüşad çayının kənarında özünə xas
hücrədə elm və irfan yaymaqla məşğul olmuşdur.
Əmisi oğlu Seyid Mühibbüddin əfəndiyə (Yanya vilayətinin Bərat
sancağı vergi məmuru ikən 1315-ci ildə [m.1897/98] vəfat etmişdir. Qəbri
Bərat qəsəbəsindədir.) cəzbə halı gələrək məcnun olmuşdur.
Mirlər kəndi
Mirlər kəndi Bərgüşad çayının tam sahilindədir. Cicimliyə baxanda
havası əngindir. Bu kənd təbiət mənzərələri baxımından nadir
bir mənzərəyə malikdir. Bir dağın düz ətəyindədir. Dağ meşələrlə
örtülmüşdür. Şərqdən Dondar kəndi, şimaldan dağ, qərbdən və cənubdan
Bərgüşad çayı ilə həmsərhəddir. Cənub-şərqində Saray kəndi vardır.
Əhalisi comərd, nəcib, qonaqpərvər insanlardır. Burada (Mirlər kəndində)
Vəli Çələbi adlı xoşsöhbət bir zatın evində qaldıq. Dondarlı ilə Mirlər
kəndi arasında böyük övliyaullahdan Şeyx Səfiyyüddin Ərdəbili həzrətləri
tərəfdarlarından Seyid Mir Məhəmməd həzrətləri vardır. Qəbrində yazı
yoxdur. Ətrafı dörd divarla çevrələnmiş və üzərində böyük bir ağac vardır.
Evləri Cicimliyə nisbətən daha yaxşıdır. Dağdan çıxan bir burun Dondarlı
ilə Mirləri bir-birindən ayırır. Lətif, könülaçan olan bu kənd hər cəhətdən
həyat bəxş edən bir vəziyyətdədir. Möhtərəm anası və əmizadələri də bu
məzarlıqdadır.
Mirlər kəndinin
Ağabali tərəfindən
çəkilmiş xəritələri
Mirlər kəndi
qəbiristanlığı
Dostları ilə paylaş: |