1. Ixtiro tushunchasi. Uning kashfiyotdan farqi. Kashfiyot va ixtirolarning ilmiy-texnik taraqqiyotga ta’siri

Mavzu Ixtiro tushunchasi, uning kashfiyotdan farqi, kashfiyot va ixtirolarning ilmiy- texnik taraqqiyotga ta’siri, ratsionalizatorlik taklifi tushunchasi, patent hujjatlari va patent axboroti.
Reja:
1.Ixtiro tushunchasi. Uning kashfiyotdan farqi.
2. Kashfiyot va ixtirolarning ilmiy-texnik taraqqiyotga ta’siri.
3.Patent hujjatlari. Patent axboroti.

Kirish
Mavzuning dolzarbligi:
Texnik ijodkorlik va dizayn fani o'quvchilar texnik ijodkorligini rivojlantirishning ijtimoiy-pedagogik muammolari, texnik ijodkorlik faoliyatining tashkiliy asoslari, ixtiro, kashfiyot, ratsionalizatorlik takliflari ishlab chiqish, o'quvchilar texnik ijodkorligi faoliyatiga rahbarlik qilish, darsdan va maktabdan tashqari muassasalarda texnik ijodkorlik faoliyatini tashkil qilish, o'quvchilar texnik ijodkorligini rivojlantirish metodlari batafsil yoritib berilgan.
O’zbekiston Respublikasi Konstitusiyasining IX bobining 42-moddasida Har kimga ilmiy va texnikaviy ijod erkinligi, ma’daniyat yutuqlaridan foydalanish huquqi kafolatlanadi. Davlat jamiyatning ma’daniy, ilmiy va texnikaviy rivojlanishiga g’amxo’rlik qiladi. Hamda 56-moddasida O’zbekiston Respublikasida qonunda belgilangan tartibda ro’yxatdan o’tkazilgan kasaba uyushmalari, siyosiy omillarning jamiyatlari, xotin-qizlar, fahriylar va yoshlar tashkilotlari ijodiy uyushmalar, ommaviy harakatlar va fuqorolarning boshqa uyushmalari jamoat birlashmalari sifatida e’tirof etiladi. Shu qonunlarga muvofiq Respublikamizda halq ijodkorlik tizimi rivojlanib kelmoqda. Yurtimiz ta’lim muassasalarida, ko’pgina oliy o’quv yurtlari talabalari uchun ular qoshida, maxsus ixtidorli yoshlar qoshida to’garaklar ish olib bormoqda. Shu to’garaklarga misol qilib joylarda tashkil etilgan “O’quvchilar ijodkorlik uyi”ni aytishimiz mumkin. Bular qizlar zardo’zchilik, tikuvchilik, qandolatchilik va boshqa to’garaklarga qatnashadilar. Rassomchilikda rassomchilik, naqqoshlik, xunarmandchilik, o’ymakorlik, xaykaltaroshlik to’garaklari faoliyat ko’rsatib kelmoqda.