CuCl2 = Cu2+ + 2Cl-
Katodda: Cu2+ + 2e = Cu0 ; anodda: 2Cl- - 2e = Cl2
Elektroliz qanunları.
Elektroliz zamanı ayrılan maddənin kütləsilə elektrolitdən keçən cərəyanın miqdarı arasındakı asılılığı öyrənərək ingilis fiziki M.Faradey elektrolizin iki qanununu kəşf etmişdir.
Birinci qanun. Elektroliz zamanı elektrod üzərində ayrılan maddənin kütləsi elektrolitdən keçən elektrik yükünün miqdarı ilə düz mütənasibdir.
m = k · Q
Burada, m–elektroliz zamanı alınan maddənin kütləsi, k – mütənasiblik əmsalı, Q – məhluldan keçən elektrik yükünün kulonlarla miqdarıdır. Q=1 Kl olduqda m=k.
İkinci qanun. Müxtəlif elektrolitlərdən eyni miqdarda elektrik yükü keçdikdə elektrodlarda ekvivalent miqdarda maddə ayrılır.Elektrodlarda ayrılan hər bir maddənin miqdarı bir ekvivalentə bərabər olduğundan, Faradeyin ikinci qanunu xüsusi hal üçün belə ifadə olunur: Müxtəlif elektrlit məhlulundan 96500 Kl elektrik yükü keçdikdə elektrodlarda bir ekvivalent maddə ayrılır. 96500 Kl Faradey ədədi adlanır və F-lə işarə edilir. Faradey ədədi, Avoqadro ədədilə (N) elektronun yükü hasilinə bərabərdir.
F = N· e = 6,02·1023·1,6022·10-19 = 96500 Kl / ekv.
İkinci qanuna əsasən K = E / F yazmaq olar. Burada E – ekvivalentdir. Faradeyin I və II qanunlarının birləşmiş ifadəsi: m = E·Q / F = E ·( I · t) / F
3.QALVANİK ELEMENTLƏR(Cu Zn)DANİEL-YAKOBİ QALVANİK ELEMENTİ
Elektrokimyəvi proseslər oksidləşmə- reduksiya reaksiyalarına əsaslanır. Belə proseslərdə elektronlar reduksiyaedicidən oksidləşdiriciyə keçir və qalvanik element əmələ gəlir. Qalvanik element kimyəvi enerjini elektrik enerjisinə çevirən cihazdır. Misal olaraq, Yakobi – Daniel qalvanik elementinin işini nəzərdən keçirək. Sink- sulfat və mis 2- sulfat məhlullarına müvafiq olaraq sink- və mis lövhələr daxil edilir. Məhlullar bir-birindən məsaməli arakəsmə vasitəsilə ayrılır. Sink daha aktiv olduğu üçün məhlula sink ionları göndərir, mis elektrodu üzərində isə mis ionları toplanır. Beləliklə, sink mənfi, mis isə müsbət elektrod vəzifəsini görür.
Elektronların sinkdən misə keçməsi dövrədə elektrik cərəyanının
əmələ gəlməsinə səbəb olur. Elektrodlar üzərində aşağıdakı proseslər gedir.
Dostları ilə paylaş: |
