Osmon yoritkichlarida rentgen va eng chetki UB nurlanish ozod elektronni zaryadlangan og’ir
yadrolar yaqinidan o’tganda tormozlanishi hamda, tez elektronlarni tashqi magnit maydonlarda
tormozlanishi natijasida hosil bo’ladi. Bu nurlanish
tutash spektrga ega
Ozod elektronni zaryadlangan atom yadrosi bilan o’zaro ta’siri ehtimoli juda katta, shuning
uchun bu jarayon qattiq rentgen va chetki UB fotonlari hosil qiluvchi asosiy jarayon hisoblanadi.
Tormozlangan elektronning tormozlanish energiyasi uning yadroga yaqinlanish masofasiga mos
(100 keV gacha) energiyali rentgen foton sifatida nurlanadi. Bunday rentgen nurlanish issiqlik
nurlanish singari tutash spektrga ega bo’ladi, biroq u optik yupqa qatlamdan sochilgani uchun
kuchli bo’lmaydi. Shuningdek, tez elektronlarni magnit maydonda tormozlanishi, past energiyali
(mas. yorug’lik) fotonlarni relyativistik elektronlarda komptoncha
sochilishi natijasida ham
rentgen fotonlar hosil bo’lishi mumkin. Bunday jarayorlarda hosil bo’lgan rentgen nurlanish
noissiqlik tabiatga ega.
Elektronni og’ir atomlar yadrosiga eng yaqin elektron qobiqqa (K-qobiq) tushishi natijasida
chiziqli rentgen spektr hosil bo’ladi va uning energiyasi taxminan element atomi yadrosining
tartibiy nomeri kvadratiga proporsional bo’ladi. Masalan, kislorod atomida elektronni K qobiqqa
tushishi 500 eV li, temir atomida shunday jarayon 6.4 keV li foton beradi.
Bunday jarayonlar,
masalan, Quyoshning toj qatlamlari sharoitlarida ro’y beradi. Quyosh tojining eng chetki UB
spektrida Fe X, Fe XII, Fe XIV, He II ionlarning, rentgen spektrida
temirning vodorodsimon
ionining (Fe XXVI) kuchli emission chiziqlari kuzatiladi.
Gamma nurlanish rentgen nurlanishning tabiiy davomi bo’lib, gamma kvantlar hosil
bo’lishining birnecha mexanizmlari bor. Avvalo, yulduzlararo muhitda gaz atomlarini yuqori
energiyali protonlar bilan to’qnashishi natijasida ular yadrolarini uyg’ongan holatga o’tishi bilan
bog’liq jarayonlar gamma kvant hosil bo’lishiga sababchi bo’lishi mumkin. Bu jarayonlar
yadroni
normal holatga qaytishi va energiyasi 10 Mev (megaelektronvolt) dan oshmaydigan gamma
kvantlarni chiqarishiga sababchi bo’ladi. Elektron va pozitron to’qnashuvida energiyasi 0,5 Mev
bo’lgan ikkita gamma kvant hosil bo’ladi. Kosmik nurlar yulduzlararo muhitdagi atom yadrolari
bilan to’qnashganda
mezonlar hosil bo’ladilar. Biroq
mezonlar shu daqiqadayoq energiyasi 50
Mev dan ortik ikkita gamma kvantga ajraladi. Shuningdek, yuqori
energiyali elektronlarni
zaryadlangan zarralar bilan to’qnashishi, kuchli magnit maydonlarda ionlarni tormozlanishi
natijasida ham gamma kvantlar hosil bo’ladi.
Gamma kvantlarning to’lqin uzunligi < 0.01 nm, energiyasi esa, 0.12 MeV dan katta. Gamma-
nurlanish shartli ravishda to’rtta diapazonga bo’linadi: yumshoq gamma kvantlar (0.1 dan 10 MeV
gacha), jadal (10 MeV dan 1 GeV (gigaelektronvolst) gacha), qattiq (1 – 100 GeV) va o’taqattiq
(100 GeV dan katta). Energiyasi taxminan 10
15
eV (yuz ming GeV) bo’lgan kosmik gamma
kvantlar qabul qilingan. Eng quvvatli tezlatgichlarda energiyasi 100 GeV gamma kvantlar olingan.
Shunday qilib, rentgen va gamma kvantlar kosmik fazodagi
noissiqlik xususiyatga ega
bo’lgan jarayonlarda hosil bo’ladilar va ularni tekshirish bu jarayonlar tabiatini o’rganishga imkon
beradi.
Rentgen va gamma nurlar Yer atmosferasida yutiladilar va shuning uchun ular Yer yuziga
yetib kelmaydi. Bu nurlarni yig’ish, o’lchash va qayd qilish uchun teleskop va o’lchash asbobini
Yer atmosferasidan tashqariga chiqarish kerak. Rentgen va gamma nurlarni yig’uvchi va qayd
qiluvchi asbob mos ravishda
Dostları ilə paylaş: