1-mavzu. Qurilishda bahoni shakllantirishning umumiy masalalari. Qurilishda narxlarni shakllantirish usullari

7.2. Buyurtmachi “boshqa xarajatlari”ni tarkibi va ularni aniqlash tartibi
Buyurtmachiing “boshqa xarajatlar” tarkibi. Buyurtmachining boshqa xarajatlari o‘z ichiga quyidagi xarajatlarni oladi:
- loyiha-qidiruv ishlari;
- loyiha (shaharsozlik) hujjatlari ekspertizasi, shu jumladan ekologiya ekspertizasi;
- mualliflik nazorati;
- tanlov hujjatlarini ishlab chiqish va ekspertizasi, tanlov savdolarini tashkillashtirish va o‘tkazish;
- buyurtmachi xizmati ta’minoti, shu jumladan texnik nazoratni amalga oshirish;
- davlat arxitektura va qurilish nazorati (DAQN) xizmatini ta’minlash;
- bank kreditlari va boshqa zaem vositalarini foizlarini va ular bo‘yicha rasmiylashtirish (“foydalanishga tayyor holda”gi ob’ekt qurilishi sharoitida moliyalashtirish);
- er maydoni ajratish;
- buzib tashlangan imorat va kesib tashlangan daraxtlar va butalar, bino va inshootlarni ko‘chirish yoki buzilganlari o‘rniga yangi bino va inshootlarni qurish uchun badal;
O‘zbekiston Respublikasi Vazirlar Mahkamasining 11.06.03 yil 261-son qarori 1 ilovasi 18 bandiga ko‘ra tegishli asosga ega bo‘lgan ob’ektlarni qurilishi bilan bog‘liq boshqa xarajatlar.

Xarajatlarning nomi	Xarajatlarni aniqlash uchun tavsiya etilgan me’yoriy hujjatlar
Loyiha-qidiruv ishlari	Qurilish ob’ektlarini loyiha-qidiruv ishlarini shartnomaviy joriy narxda aniqlash tartibi to‘g‘risidagi nizomi (15.12.2003y. 9-son Davarxitektqurilish Qo‘mitasi qarori bilan tasdiqlangan, O‘zbekiston Respublikasi Adliya Vazirligi tomonidan 08.01.2004 y. ro‘yxatga olingan) Loyiha-qidiruv ishlari uchun shartnoma.
Mualliflik nazorati	Tuzilgan SHartnoma asosida mualliflik nazorati o‘tkazish va loyiha tashkilotining xizmatlari narxlarini hisoblash.
Loyiha hujjatlarini ekspertizasi, jumladan ekologiya ekspertizasi	Tuzilgan SHartnoma asosida ekspertiza o‘tkazish
Tanlov savdolarini tashkil etish va o‘tkazish uchun tanlov hujjatlarni ishlab chiqish va ekspertizadan o‘tkazish	Kapital qurilishda tanlov savdolarini tashkil qilish o‘tkazish, ekspertiza va tanlov hujjatlarini tayyorlash sarf-xarajatlari to‘plami (Davarxitektqurilish Qo‘mitasi 29.11.2000y. 71-son buyrug‘i)
Buyurtmachi xizmati ta’minoti, shu jumladan, texnik nazoratni amalga oshirish	Moliyalashtiruchi tashkilotlar tomonidan o‘rnatilgan tartibda tasdiqlangan va ro‘yxatdan o‘tkazilgan xarajatlar smetasi (Vazirlar Mahkamasining 2003 yil 12 sentyabr 395-son qarorining 2-son ilovasi 51 bandi “Markazlashtirilgan manbalar hisobiga qurilishni tashkil etish, moliyalashtirish va kreditlash tartibi to‘g‘risida nizom”)
Davlat arxitektura va qurilish nazorati (DAQN) tashkilotlari ta’minoti ajratmalari	O‘zbekiston Respublikasi Vazirlar Mahkamasining qarori asosida.
Ob’ekt qurilishi bank kreditlari hisobiga moliyalashtirishda (tashkil etish, majburiyat va sh.k. uchun bank komissiyasi) ob’ekt qurilishi davridagi bank kreditlari foizlari va kreditlar bilan bog‘liq boshqa xarajatlar	Hisob-kitob bo‘yicha va kredit shartnomasi asosida
Er maydonini ajratish xarajatlari	Amaldagi narxlar asosida, hisob-kitob bo‘yicha
Buzib tashlangan imorat va kesib tashlangan daraxtlar va butalar, bino va inshootlarni ko‘chirish yoki buzilganlari o‘rniga yangi bino va inshootlarni qurish uchun badal	Amaldagi kadastr ko‘rsatkichlari qiymati asosida hisob-kitob bo‘yicha
Asoslangan holda qurilishga bog‘liq bo‘lgan boshqa xarajatlar	O‘zbekiston Respublikasi Vazirlar Mahkamasining 11.06.03 yil 261-son qarori 1 ilovasi 18 bandiga ko‘ra hisob-kitob bo‘yicha va tasdiqlovchi hujjatlar.