1-tema: Tálim processinde metodlardıń pedagogikalıq mánisi. Tálim processinde túrli metodlardan paydalanıw Joba: «Metod», «Tálim metodları»

2-súwret. Dástúri hám zamanagóy texnologiyalarģa tiykarlanģan tálim abzallıqları.
Zamanagóy texnologiyalardı oqıtıw usılların da jetilistiriwge isenim payda etiw múmkin. Zamanagóy texnologiyalar oqıw processinde jańa terminlerdi alıp kiredi. Keyingi waqıtlarda elektron lekciyalar, yaģnıy elekciya sózi payda boldı. elekciya-bul komp’yuter tarmaqları arqalı tarqatılıwshı lekciya materialları bolıp esaplanadı. Elekciya tek ģana lekciya tekstlerinen emes, al oqıwshınıń pikirlerge tayarlaw xızmetin atqarıwshı oqıw materialları, maqalalar, olardıń qısqartpalarınan quralģan bolıwı da múmkin.
Kommunikaciya arqalı «kópshillik-kópshilik» tálim-oqıw processindegi barlıq qatnasıwshılardı óz-ara belsendiligi menen xarakterlenedi. Jámáátlik oqıw pikir talasları hám konferenciyalardıń ótkeriliwi bul metodtıń rawajlanıwına alıp keledi. Oqıw sáwbetleri oqıwshılar-oqıtıwshı hám oqıwshılar-oqıwshılar formasında boladı. Bul metod sinxron hám asinxron audio, audiografikalıq, video hám komp’yuter konferenciyaları texnologiyalarına tiykarlanadı.
Komp’yuter kommunikaciya texnologiyaları pikir talaslar, modellestiriw, aqlıy hújim, forumlar, joybarlaw toparlıq sıyaqlı oqıtıw metodlarınan belsendi paydalanıwģa imkaniyat beredi.
Pedagogika oqıw ortalıģınıń nátiyjesi, jańa texnologiyalar tiykarında oqıtıw mazmunınıń rawajlanıwına, tálim ortalıģı interaktivliginiń rawajlanıwına, oqıw processinde oqıwshınıń belsendiligin rawajlandırıwģa, maslasıwshań oqıw processiniń shólkemlestiriliwine baylanıslı bolıp tabıladı.
Amanagóy komp’yuter hámi telekommunikaciya texnologiyaları joqarı pedagogikalıq tálim mazmunınıń rawajlanıwın támiyinleydi. Bul texnologiyalar:
-tálim mazmunın shólkemlestiriw;
-tálim mazmunına baylanıslı elementlerdi baylanıstırıw;
-informaciyalardıń túrli kórinislerinen paydalanıw;
-kurslardı sabaqlar (temalar) kompleksi kórinisinde usınıs etiw;
-sabaqtı virtual háreketler sisteması sıpatında jaratıw;
-oqıw materialların ózlestiriwdiń izbe-izligin támiyinlew;
-oqıw materialları mazmunın oqıwshıģa maslastırıw;
-túrli tarawlarda tálim mazmunın rawajlandırıw (kurs jaratıwshılar, oqıtıwshılar, metodistler, oqıwshılar);
-oqıw maqsetlerine erisiwde, professional pikir talaslardan paydalanıw ushın derek bolıp xızmet etedi.
Zamanagóy texnologiyalar bilim beriwshilerdiń de, bilim alıwshılardıń da belsendiligin arttıradı. Bunday belsendilik ortalıģı, óz-ara dóretiwshilik birge islesiwdiń sapalılıģın hám nátiyjeliligin jańa basqıshqa kóteredi.
Tez pát penen rawajlanıp atırģan texnologiyalar oqıw processiniń tezlik penen jetilisiwin hám jańa texnologiyalıq ortalıqqa maslasıwın talap etedi. Maslasıwshań oqıw processin shólkemlestiriw zamanagóy xabar texnologiyaları arqalı oqıw materialların jaratıwdıń túrli:
-komp’yuter úyretiwshi sistemalardıń arxitekturasın jaratıw;
-ámeliy úyretiwshi komp’yuter dástúrlerin shólkemlestiriw;
-oqıtıwdıń túrli usılları hám quralları arqalı anıq oqıw processin shólkemlestiriw basqıshlarında maslasıwshańlıq principiniń bolıwın talap etedi. Bunday princip arqalı tayarlanģan oqıw materialları oqıwshınıń bilim dárejesi, tájiriybesi, psixologiyalıq ózgeshelikleri, oqıw toparlarınıń ózine say ózgeshelikleri hám oqıtıwdıń sociallıq mádeniy táreplerin de ózinde jámlegen boladı.
Oqıw processi ushın texnologiyalardı tańlawda tómendegilerge tiykarģı faktor sıpatında itibar qaratıw kerekligin ayrıqsha atap ótiw múmkin:
-oqıw barısında jańa texnologiyanıń ózi emes, al onnan paydalanıp tálimniń maqsetlerine erisiwdi támiyinlewdiń zárúrligi;
-eń zamanagóy hám qımbat texnologiyalar menen bir qatarda, arzan hám dástúriy texnologiyalar da unamlı nátiyje beriwi múmkin;
-oqıw nátiyjeleri telekommunikaciya yamasa xabar texnologiyalarınıń túrine qarap emes, al kurslardı jaratıw hám tarqatıw sapalılıģına;
-texnologiyalardı tańlawda oqıwshınıń jeke ózgesheliklerine, ayrıqsha alınģan ilim tarawınıń ózine say táreplerine, oqıw shınıģıwları, tapsırmaları hám shınıģıwlardıń mazmunına itibar qaratıw kerekligi;
-texnologiyalardı tańlawda, eń unamlı jollardan biri-bul mul’timediyalıq jantasıw bolıp esaplanadı.
Tálim mazmunın hám onıń sapasın jaqsılaw máseleleri, joqarı baģdar sıpatında qaralıp atırģan bir payıtta, tálimde jańa xabar te
xnologiyaların en jaydırıw, onıń rawajlanıwına hám nátiyjeliliginiń artıwına tiykar jaratadı.
Komp’yuterlerdiń tálimde keń qollanılıwı nátiyjesinde «tálimniń jańa xabar texnologiyaları sózi payda boldı. ulıwmalastırıp aytqanda, hár qanday pedagogikalıq texnologiya-bul xabar texnologiyası bolıp esaplanadı. Sebebi, tálimde texnologiyalıq processtiń tiykarın maģlıwmat hám onıń háreketi (ózgeriwi) shólkemlestiredi. Biziń pikirimizshe, komp’yuterden paydalanıwģa baģdarlanģan tálim texnologiyaları ushın «komp’yuter texnologiyaları» sózi múnásip bolıp esaplanadı.
Komp’yuter texnologiyaları dástúriy oqıtıw ideyasın rawajlandıradı, komp’yuter hám telekommunikaciyalardıń úlken imkaniyatları menen baylanıslı oqıtıwdıń ulıwma jańa texnologiyalıq variantların ashıp beredi. Komp’yuter (jańa xabar) texnologiyaları-komp’yuter arqalı oqıwshıģa maģlıwmatlardı tayarlaw hám jetkerip beriw processi esaplanadı. Komp’yuter texnologiyaları tómendegi variantlarda kóriwi múmkin.