konsonant yazı və vokallaşdırılmış yazı. Bəzi yazılarda
ancaq samit səslər hərflərlə göstərilirdi. Bu cür yazılar kon-
sonant adlanır. Digər qrup yazılarda isə sözlərdəki həm
sait, həm də samitlər hərflə əks olunur. Belə yazılar tam
fonoqrafik – vokallaşdırılmış yazıdır.
Hərfli yazı əlifbanın inkişafı tarixində ən yüksək pillə-
dir. Bu yazı həm yazmaq, həm də oxumaq üçün sadə, asan
və çox əlverişlidir. Bunun vasitəsilə insan düşüncəsinin
bütün incəliklərini ifadə etmək olur ki, o, özündən əvvəlki
yazı tiplərindən əsaslı surətdə fərqlənir.
1
K.Marks, “F.Engels” Əsərləri. II cild, Bakı, 1953, səh. 186.
Ü M U M İ D İ L Ç İ L İ K – I I C İ L D
200
Hərfli yazı, demək olar ki, əksər dillərin quruluşu-
na uyğun gəlir. V.İstrinin müəyyən etdiyinə görə, müasir
dövrdə dünya xalqlarının 50 faizi bu yazı sistemindən isti-
fadə edir ki, bunun 10 faizi konsonant, 40 faizi isə vokallaş-
dırılmış formadadır.
HAZIRDA MÜXTƏLİF YAZI TİPLƏRİ
ÜNSÜRLƏRİNDƏN İSTİFADƏ OLUNMASI
Yazı tiplərinin hamısı bir-biri ilə üzvi şəkildə bağlı-
dır. Buna görə də ideoqrafik yazıda ideoqramlarla bərabər
piktoqramlar, sillaboqrafik yazıda sillaboqramlarla yanaşı,
həm piktoqram, həm də ideoqramlar, fonoqrafik yazı sis-
temində isə qrafemlərlə birlikdə əsrlər boyu əldə edilmiş
yazı tipləri ünsürlərindən istifadə olunur.
ŞƏKLİ YAZI ÜNSÜRLƏRİ
Müxtəlif ərzaq, əşya və geyim şeyləri satılan mağaza-
ların qarşısından asılmış şəkillər, əşya təmir edilən binala-
rın, o cümlədən ayaqqabı təmir olunan yerin qarşısındakı
ayaqqabı, saatsaz dükanının önündəki saat, dərzixananın
qarşısındakı səliqə ilə geyinmiş insan və ya müxtəilf paltar
şəkli piktoqrafiyadır. Eyni zamanda, apteklərin qarşısın-
dakı tibb emblemi – içərisində zəhər olan kasa və ona sarıl-
mış ilan şəkli, yaxud fabriklərdə, zavodlarda, laboratoriya-
larda və digər yerlərdə yüksək elektrik cərəyanının insan
həyatı üçün son dərəcə təhlükəli olduğunu bildirməkdən
ötrü adamın kəllə və qol sümüyünün şəkli, ibtidai məktəb
dərsliklərindəki şəkillərin müəyyən qismi, təsərrüfat xə-
ritəsində və başqa xəritələrdəki şəkillər (təsərrüfat xəritə-
sində maldarlıq iribuynuzlu mal başı, qoyunçuluq isə qoç
kəlləsi şəkli ilə göstərilir), elmi ədəbiyyatda, təqvimlərdə
işlənən üçbucaq, on dörd günlük ay, bütöv ay şəkli, nəq-
liyyatda hərəkətin təhlükəsizliyini təmin etmək üçün yol
Ü M U M İ D İ L Ç İ L İ K – I I C İ L D
201
kənarına qoyulmuş parovoz, küçələrdə asılmış avtomobil,
motosikl, velosiped, inək, at başının şəkli və sair bu kimi
şəkillər də piktoqrafik yazıdır. Bu şəkillərin hər biri bütöv
cümləni ifadə edir; məsələn, yol kənarında, küçələrdə üç-
bucaq içərisində sürüşən təkərin izi əks olunan şəkil “Bu
yol sürüşkəndir”, iki qaçan uşaq silueti çəkilmiş şəkil “Bura-
da uşaqlar vardır”, avtomobil siqnalı çəkilmiş şəkil “Burada
nəqliyyat vasitələrinə səs siqnalı vermək qadağandır”, telefon
dəstəyi çəkilmiş şəkil “Burada telefon vardır” məzmununu
bildirən cümlələri əks etdirir.
Şəkli yazının əlamətlərindən indi də bir sıra forma-
larda istifadə olunduğu müşahidə edilir. Bu ünsürlərdən
müasir dövrdə istifadə edilməsinin məqsədi, başlıca ola-
raq, müəyyən şeyi əyani surətdə göstərib, diqqəti bu və başqa
şey, əşya üzərinə daha çox cəlb etməkdir.
Dostları ilə paylaş: |