Zaxira kapitali mol-mulkni qayta baholash chog’ida xosil bo’ladigan inflyatsiya zaxiralarini,
shuningdek tekinga olingan mol-mulk qiymatini aks ettiradi. Taqsimlanmagan foyda
foydaning jamg’arilayotganligini ifodalaydi va mulkdorning qaroriga binoan ustav kapitaliga
qo’shilishi mumkin.
15-modda. Garovni hisobga olish
O’zining yoki o’zgalarning majburiyatlarini ta’minlash
uchun garovga berilgan mol-
mulk qiymati, shu jumladan pul mablag’lari korxona tomonidan boshqa aktivlardan alohida
hisobga olinadi. Garovga
olingan mol-mulk qiymati, garov sifatida qabul qilib olingan pul
mablag’lari va valyuta boyliklari qiymati aloxida balansdan tashqari
hisob varaqlarda aks
ettiriladi.
16-modda. Moliyaviy hisobot
Moliyaviy hisobot buxgalteriya hisobi ma’lumotlari asosida tuziladi. Moliyaviy hisobot
quyidagilarni o’z ichiga oladi:
-buxgalteriya balansi;
-moliyaviy natijalar to’g’risida hisobot;
-asosiy vositalar xarakati to’g’risida hisobot;
-pul oqimlari to’g’risida hisobot;
-xususiy kapital to’g’risida hisobot;
-izoxlar, hisob-kitoblar va tushuntirishlar.
Kichik va xususiy tadbirkorlik sub’ektlarining moliyaviy hisoboti soddalashtirilgan shaklda
to’ziladi. Moliyaviy hisobotning tarkibi va mazmunini O’zbekiston
Respublikasi Moliya
vazirligi belgilaydi.
Dostları ilə paylaş: