5-amaliy mashg’ulot. Mavzu: Pedagogik mahorat, pedagogik texnologiya va pedagogik mahoratning nazariy asoslari

5-amaliy mashg’ulot. Mavzu: Pedagogik mahorat, pedagogik texnologiya va pedagogik mahoratning nazariy asoslari.
Izoh: Pedagogik mahorat fanining maqsadi va vazifalari. O’qituvchi faoliyatining tizimi, pedagogik mahorat haqida tushuncha. Pedagogik mahoratning tarkibiy qismlari, pedagogik texnika haqida tushuncha berish. Pedagogik faoliyatning o’ziga xos xususiyatlari. O’qituvchi faoliyatining asosiy yo’nalishlari. Bo’lajak o’qituvchilarga qo’yiladigan talablar.
Mashg’ulot maqsadi: Pedagogik faoliyatda pedagogik yo’nalish hosil qilish va bir-biriga ta’sir ko’rsatadigan qobiliyatlarning alohida bir tarkibini vujudga keltirish.
Mashg’lumotni o’qitish natijasida quyidagilarga erishildi:
- tarbiyaviy jarayon ijodkorlikdan iboratdir, lekin u pedagogik vaziyatni tahlil qilish mahoratida ham, bolalar bilan bevosita o’zaro hamkorlik qilishda ham namoyon bo’ladi;
- tarbiyachi pirovard natijada pedagogik ta’sir ko’rsatish drammaturgiyasini ishlab chiqadi, uni rivojlantirish sohalarni belgilaydi, tarbiyaviy ta’sirlar rejasini tuzib chiqadi, bu reja u yoki bu tarbiyaviy syujetni rejissiorona ko’rishni nazarda tutadi;
- pedagogik faolyat aniq maqsadga qaratilganligi va ayni vaqtda polionizm (ko’p ovozligi), vaziyat va tarbiyalanuvchi shaxsining o’xshashligi bilan farq qilishi, jo’shqin, samarali, o’zgarishlar kirishga layoqatli bo’lishi, shaxslararo munosabatlar sistemasiga muvofiq bo’ladi.
Umumiy ma’lumotlar:
Ayrim pedagoglar kasbiy mahorat sirlarini egallash uchun avvalo ta’lim va tarbiya metodlarini takomillashtirishga intiladilar. Bu tabiiy hol, chunki aynan metodlar yordamida pedagog o’z o’quvchilarini turli o’quv faoliyatiga jalb qiladi. Bu bilan o’quvchilarda muayyan bilim, ko’nikma, malakalar va xulqni shakllantiradi. Lekin, aynan bir xil metod bilan ishlagan turli o’qituvchilarning erishgan natijalari ham turlicha bo’lishi aniqlangan. Buning ustiga, sinovdan o’tkazilgan metodlardan foydalangan bo’lsalarda, ayrim O’qituvchi lar, hatto eng quyi darajadagi o’zlashtirish natijalariga ham erisha olmaganlar. Bunday O’qituvchi lar: "Hamma narsani metodik tavsiya asosida bajardim, nima uchun bolalar qaysarlikni va dars tayyorlamaslikni yana davom ettirmoqdalar?"- deb hayron bo’ladilar. Gap shundaki, o’quvchilarni bilim olishga qiziqtirishda o’qituvchi tomonidan tanlangan metodlar, usullar va topshiriqlardan boshqa sabablar ham ta’sir ko’rsatadi.
Pedagog faoliyatining muvaffaqiyatli kechishi uning shaxsi, harakteri, o’quvchilar bilan muomilasiga ham ko’p jihatdan bog’liq bo’ladi. Lekin, odatda bo’larning ta’lim-tarbiya jarayoniga ta’siri ahamiyatsizdek tuyuladi. Lekin, tajribali pedagog uning hatti-harakati o’quvchilarga qanday ta’sir ko’rsatatganligiga ahamiyat berib, unga kerakli tuzatishlar kiritib, takomillashtirib boradi. Bunday O’qituvchi larning ilhombaxsh muammolaridan o’quvchilarda o’qishga intilish o’zlarida yanada yaxshiroq o’qishni uddalay olishiga ishonch hissi paydo bo’ladi. Bu holda ta’lim va tarbiya metodlari pedagog shaxsida mujassamlangan sifatlarni amalga oshirish va undan o’quvchiga axloqiy fazilatlarni o’tkazish vositasiga aylanadi. SHuning uchun ham, pedagogik mahoratni o’qituvchi shaxsi sifatlarining majmui sifatida qarab, uni o’qituvchi yuqori darajada psixologik-pedagogik tayyorgarlikka ega bo’lishi bilan bog’liq bo’lishini e’tirof etish lozim.
O’qituvchi ning kasbnomasida pedagogik mahorat eng asosiy sifat tarzida berilgan. Pedagogik mahoratning o’zi nima?- deb savol bersangiz nechta kishi bo’lsa o’shancha xil javob beradi. Har birini diqqat bilan tinglasangiz, har qaysi javobda ham albatta biror-bir yangilik, o’zak so’z bo’ladi.
Pedagog - bu yuksak madaniyatli mutaxassis, o’z fanini chuqur biluvchi va bolalar psixologiyasini yaxshi biluvchi, ta’lim-tarbiya metodikasini mukammal biluvchidir. Pedagogika tarixida ikkita ta’rif bo’lib, birinchisi pedagogik mahoratni ta’lim-tarbiya metodlari bilan bog’lasa, ikkinchi guruh olimlar esa pedagog shaxsini asosiy omil deb hisoblaydi. Bunday tushunchani ajratib bulmaydi, zero metod ham, shaxs ham bir-birisiz bir-birini to’ldirolmaydi va metodni olib borish uchun hamma narsani bilish va bajara olish lozimki, bo’lar ta’lim-tarbiya qonunlari, tamoyillari, texnologiya, diagnostika, loyihalash, korreksiyalash va hokazolardan iborat.
Pedagogik shaxs va jamoaga ta’sir ko’rsatishi bo’lib, u ta’lim tarbiyaviy jarayonning texnologiyasini ochib beradi. Unga pedagogni didaktik tashkilotchilik, konstruktivlik, kommunikativ ko’nikmalariga, qo’yiladigan talablarning texnologik usullari, pedagogik ishlarni tashkil etish va boshqalar kiradi. Yosh o’qituvchilar pedagogik texnikasida quyidagi juz’iy kamchiliklar uchraydi:
1. O’quvchi yoki uning ota-onasi bilan sidqidildan so’zlasha olmaslik;
2. G’azabni to’xtata olmaslik yoki uni o’z o’rnida ishlata olmaslik;
3. O’zida ishonchsizlikni enga olmasligi;
4. Nutqini ravon etmaslik;
5. Ortiqcha qattiq qo’llik;
6. Xushmuomala bo’lishdan qo’rqish;
7. Juda tez gapirish (ayniqsa darsda);
8. Ortiqcha harakat yoki bir joyda qotib qolish, qo’llarini qaerga qo’yishni bilmaslik;
9. O’z gavdasini tutishdagi kamchilik (bukchayib, erga qarab yurish, befoyda kulish, ortiqcha harakat) turli jismlarni qo’lida aylantirib yurishi.
Savol va topshiriqlar:
1. Pedagogik maxorat va pedagogik texnologiya tushinchalari.
2. Pedagogik mahoratning nazariy asoslari.
3. Pedagogik texnalogiya pedogogik mahoratning elementi sifatida.