9
QUR’ONI KARIMNING QADIMIY QOʻLYOZMA NUSXALARI
Muslima Niyozova
Toshkent shahri Oʻzbekiston xalqaro islom akademiyasi Islomshunoslik
fakulteti “Islomshunoslik” yoʻnalishi 3-kurs talabasi
Annotatsiya:
Qur‟oni karim islom manbashunoslik fanining eng asosiy
manbasidir. Uning ilk qoʻlyozma nusxalarini oʻrganish, tahqiq etish orqali yangidan-
yangi ma‟lumotlar yuzaga keladi. Manbashunoslikda har bir manbaning asl nusxasi,
koʻchirilgan nusxalari va keyinchalik chop etilgan toshbosma nusxalarining
ahamiyati katta.
Ma‟lumki, manba va kitoblarning nashr orqali koʻpaytirish usuli yuzaga
kelguniga qadar insoniyat tomonidan yaratilgan barcha yozma yodgorliklar
qoʻlyozma holida koʻpaytirilib tarqatilgan. Qur‟oni karim ham bosma usulda chop
etilishiga qadar islom tarqalgan katta hududlardagi yuqori saviyadagi mohir xattotlar
tomonidan qoʻlyozma shaklida koʻchirilgan.
Kalit soʻzlar:
Usmon mus‟hafi, Katta Langar Qur‟oni, Oʻzbekiston Fanlar
akademiyasi Sharqshunoslik instituti,
O„zbekiston xalqaro islom akademiyasi
manbalar xazinasi.
Qur‟onning Usmon mus‟hafi va Katta Langar Qur‟oni kabi koʻplab qoʻlyozmalari
mavjud boʻlib, ular Qur‟onning eng noyob va qadimiy qoʻlyozmalari hisoblanadi. Shu
kabi nusxalar Oʻzbekiston, Misr, Turkiya, Rossiya, Eron kabi qator dunyo
mamlakatlari fondlarida saqlanmoqda. Jumladan, tarix fanlar doktori M.
Hasaniyning ta‟kidlashicha, Oʻzbekiston Fanlar akademiyasi Sharqshunoslik
institutida Katta Langar nusxasi va undan keyinroq IХ asrda kufiy xatida koʻchirilgan
№579 raqami ostida saqlanayotgan Qur‟onning qadimiy qoʻlyozmasi saqlanadi.
Mazkur qoʻlyozma Baqara surasining 22-oyatidan boshlangan boʻlib, bundan
avvalgi oyatlar matni yoʻqolgan va keyinchalik boshqa xattot tomonidan suls xati
bilan toʻldirilgan. Nusxa Masad surasi bilan tugaydi. Qolgan suralar ham boshqa
kotib tomonidan yozib qoʻyilgan. Qur‟oni karimning bu qoʻlyozmasining xotimasi
yoʻqligi sababli uning koʻchirilish muddati va oʻrni koʻrsatilmagan. Biroq,
qoʻlyozmaning matn xususiyatlari va yozuv belgilariga qarab, uni IХ asrning
boshlarida koʻchirilgan, deb hisoblash mumkin. Qur‟on qoʻlyozmalarining tahlili
matnlarning IХ asrdan boshlab kufiydan suls xatiga almasha boshlaganligini
koʻrsatadi.
10
Mazkur qoʻlyozma kufiy xatida bitilgan boʻlsa-da, unda suls xatining belgilari
ham yaqqol koʻrinib turadi. OʻzR FASHI fondida Qur‟oni karimning oʻz davrida
Muhammad Porso (vaf. 1420-y.), Sadir Ziyo (1867-1932), Muhammadali xalfa Sobir
oʻgʻli, Qoʻqon xoni Xudoyorxon, Xiva xoni Muhammad Rahimxon – Feruz (1864-
1910), qozi kalon Burhonuddin Sadr (vaf. 1315/1897-98-y.) kabi shaxslarning
kutubxonalariga mansub boʻlgan san‟at asari darajasida koʻchirilgan noyob
qoʻlyozmalari mavjud.
Qur‟oni karimning qadimiy qoʻlyozma nusxalari Oʻzbekiston mustaqilligi
yillarida ham kitobat qilinmoqda. Jumladan, 2004-yilda mashhur xattot Habibulloh
Solih tomonidan Toshkentdagi Usmon mus‟hafi teriga qayta koʻchirilgan va hozirda
Toshkent islom universiteti fondida saqlanmoqda. Qur‟oni karimning qoʻlyozma
nusxalari Markaziy Osiyo mintaqasidagi
barcha kutubxonalarda mavjud boʻlgan.
Jumladan, OʻzR FASHI fondida Qur‟oni karimning 380 ta nodir qoʻlyozmalari
saqlanadi. Mazkur fond mintaqaning deyarli barcha hududlaridagi 1930-yilgacha
mavjud boʻlgan kutubxonalar, madrasalar, xonaqohlarda saqlangan qoʻlyozmalar,
kitoblarni jamlash natijasida vujudga kelgan. Qur‟on qoʻlyozmalari nodir
nusxalarining yetib kelishida nafaqat mahalliy ziyolilarning, balki diyorimizga kelgan
elchilarning ham xizmati katta boʻlgan.
Musulmon dunyosidan kelgan har bir elchi oʻz yurtida mohir xattotlar
tomonidan koʻchirilgan ajoyib nusxalarni olib kelib, xon yoki saroydagi zodagonlarga
hadya ham etganlar. Shubhasiz ular orasida Qur‟on nusxalari ham bor edi.
Bu masalani oʻrganish hozirgi kunda qur‟onshunoslik, manbashunoslik,
kutu
bxonachilik, davlatchilik tarixi va boshqa sohalarda yangi ma‟lumotlarni yuzaga
chiqarishga yordam beradi.
Qur‟on bosmaxonalar tashkil etilishi bilan yana yangi bosqichni bosib oʻtdi.
Musulmon olimlari va ommasi tomonidan dastlab bu masalaga ikkilanish va shubha
bilan qaraldi. ХIХ asr boshlarida Istanbulda Usmonli turk sultonining sa‟y-harakatiga
qaramasdan muftiyning rasmiy fatvosi faqat Qur‟ondan tashqari boshqa diniy
kitoblarga chiqarildi. Natijada, Qur‟on ma‟lum muddat xattotlar tomonidan
koʻpaytirilishi davom ettirildi.
Shuning uchun Qur‟onning matbaalarda bosilishi dastlabki davrda faqat
Yevropa
davlatlarida
amalga
oshirilgan
1
.
Venetsiyada
1537-1538-yillarda
Qur‟onning birinchi nashri chiqarilgan boʻlsa, soʻng Gamburgda 1694-yilda nashr
etildi. Ayrim m
a‟lumotlarga koʻra, Rimda, taxminan 1499-1538-yillar oraligʻida ham
chop etilgan. Lekin ushbu nashr Usmon mus‟hafiga mos emasligi sababli
1
Islom manbashunosligi. Oʻquv qoʻllanma. Tuzuvchilar: Z. Islomov, D. Maxsudov, J. Tohirov. – Toshkent: “Qaqnus
media” nashriyot-matbaa birlashmasi, 2019. – B. 41.
11
musulmon oʻlkalarida e‟tirozga uchradi, shu tufayli Rim Papasi tomonidan mazkur
nashrni man etishga buyruq chiqarilgan. 1125/1694-yil nashr etilgan Gamburg
nusxasi protestantlik oqimiga mansub Ebraxam Xinklman tomonidan nashr etilgan.
Mazkur nashr 560 sahifadan iborat boʻlgan, unda suralarning nomi, matnda imloviy
xatolarga yoʻl qoʻyilgan. Nashrning bir nusxasi Misrdagi “Dor al-kutub al-Misriya”
fondida
№176 inventar raqami ostida saqlanmoqda. Rim nashri 1698-yil amalga
oshirilgan boʻlib, u ikki qismdan iborat: birinchi qismi Qur‟on matni va tarjimasi,
ikkinchisida ilovalar berilgan. Ushbu nashr italiyalik ruhoniy Lyudviko Marachchi
tomonidan amalga oshirilgan boʻlib, ilgarigilardan harflarni aniq ifodalash kabi bir
muncha sifati yaxshilanganini koʻrsatadi
2
.
Shuningdek Qur‟on qo„lyozmalari o„zining qadimiyligi, xatining nafisligi, chiroyi,
mukammalligi va yaxshi saqlangani
ham ajralib turadi. Qur‟onning yana shunday
qo„lyozma nusxalari borki, ularda ham ma‟nolar tarjimasi, ham tafsirlari (biz
uchratgan aksar tafsirlar mavlono Husayniyga tegishli) mavjud. Nusxalar orasida
“Sababi nuzul” matni bilan berilganlari ham salmoqli o„rin tutadi. Qur‟on
qo„lyozmalari orasida varaqlari tushirilgan, to„liq ko„chirilmagan, muqovasiz va
boshqa kamchilikka ega bo„lganlari ham mavjud bo„lsa-da, lekin ular ozchilikni
tashkil etadi. Izlanishlar jarayonida hamyonga solish uchun qulay, muqovasiga
temirdan ishlov berilgan, hadya uchun bejirim ishlangan, sovg„a uchun katta
hajmda yasalgan va shu kabi boshqa ko„rinishga ega Qur‟on nusxalariga ham duch
kelindi.
Qur‟oni karim qo„lyozmalari asosan Markaziy Osiyo hududida joylashgan qator
shaharlarda, jumladan, Buxoro, Samarqand, Xorazm, Kesh, Nasaf, Balx, Toshkent,
Xo„qand kabi va boshqa ularga qo„shni bo„lgan Qozon, Bombay, Lohur, Afg„oniston,
Istambul, Eron, Misr o„lkalarida ko„chirilgani ma‟lum bo„ldi
3
.
Bugungi kunda Qur‟oni karimning boshqa qadimiy nusxalarini O„zbekistonning
boshqa fondlarida ham ko„plab uchratish mumkin. Jumladan, Qur‟oni karim
qo„lyozma va toshbosma nusxalari O„zbekiston xalqaro islom akademiyasi
manbalar xazinasida ham mavjud. Mazkur fondda Qur‟oni karimning jami 26
qo„lyozmasi va 14 toshbosma nusxasi saqlanmoqda. Qo„lyozma nusxalar asosan
XVII asr birinchi yarmi
– XIX asrlarga mansub bo„lib, asosan Markaziy Osiyolik
xattotlar tomonidan nasx xatida, Sharq qog„oziga ko„chirilgan. Xazinadagi Qur‟on
qo„lyozma matnlari asosan yakka o„zi kitobat etilsa-da, ba‟zan oxirigacha
2
Qur‟onshunoslik. Oʻquv qoʻllanma. A. Gʻ. Abdullayev. – Toshkent: “Toshkent islom universiteti” nashriyot-matbaa
birlashmasi, 2011. – B. 46-48.
3
Toshkentdagi hazrat Usmon Mus‟hafi tarixi. Tuzuvchilar: A. Usmonov, M. Gʻulomov. – Toshkent: “Movarounnahr”
nashriyot-matbaa birlashmasi, 2016. – B. 208.
12
ko„chirilmagan, faqat ma‟lum suralargina ko„chirilgan, boshqa mantlar bilan bir jildda
tikib yuborilgan. Masalan: 1048/1638 yilga oid inventari №128 dan 135 gacha
bo„lgan tartib raqamlarida ro„yxatga olingan nusxalarda Qur‟on karim suralarining
jami sakkiz (17,18,19,25,26,27,29,30) juzlari bir xil o„lchamda alohida-alohida
kitobat etilgan
4
.
Shuningdek, O„zbekiston Musulmonlari Idorasi qo„lyozmalar fondida ham
Qur‟oni karimning bir qator qo„lyozma va toshbosma nusxalari saqlanayotgani
aniqlangan. Bu fond o„zining noyob qo„lyozma va toshbosma kitoblari bilan
ko„pchilik mutaxassislarning e‟tiborini tortib ulgurgan. Xazina nafaqat O„zbekiston
balki xorijlik mutaxassislarning ham e‟tiborini torta olgan. Mazkur fondda Qur‟oni
karimning jami 350 dan ortiq qo„lyozma nusxasi saqlanib kelinmoqda. Ularning 100
dan ortig„ida faqat Qur‟oni karimning matni bo„lsa, qolgan nusxalar ma‟lum sura,
juz, xaftiyak hamda boshqa asarlar bilan bir jildda kitobat etilgan nusxalardir.
Qur‟oni karimning bu qo„lyozmalari VIII asrdan to XIX asrning ikkinchi yarmigacha
bo„lgan davriy chegarani qamrab olib, suls, nasx, rayhoniy, hijoziy, kufiy hamda
nasta‟liq xatlarida ko„chirilgan. Ulardan tashqari Alisher Navoiy Milliy kutubxonasi
fondi, Mirzo Ulug„bek nomidagi Milliy universitet kutubxonasi, Alisher Navoiy nomli
muzey fondi, Imom al-
Buxoriy Xalqoro markazi fondi, Gʻafur Gʻulom nomli Farg„ona
viloyati adabiyot muzeyi shuningdek, Buxoro viloyatidagi Ibn Sino nomli universal
kutubxona, Buxoro Davlat muz
eyi qo„riqxonasi, Xorazmdagi Avesto bog„i, Ma‟mun
akademiyasi, Ichon qal‟a muzeyi fondi, Samarqand Davlat universiteti fondilarida
Qur‟oni karim nusxalari mavjud bo„lsa-da, ular katalog shaklidagi kitoblarda ham
e‟lon qilinmagan
5
.
Xulosa o„rnida aytish mumkinki, Qur‟on qo„lyozmalarini atroflicha o„rganish
orqali avvaldan uning matnini qo„lda ko„chirish bo„yicha jiddiy tadqiqotlar olib
borilgani, alohida yirik maktablari shakllangani hamda ajib xat durdonalari san‟at
darajasiga ko„tarilgani haqida tasavvur hosil qilish mumkin. Demak, islom
manbashunosligi sohasida Qur‟oni karim qo„lyozma nusxalarini ilmiy o„rganish
yangidan-
yangi ma‟lumot, bilim va ko„nikmalarga ega bo„lish uchun ulkan ahamiyat
kasb etadi.
Dostları ilə paylaş: |