Mashina detallarining ishqalanish va yeyilishga sinash usullari.
Ishqalanish va yeyilishga sinash uchun yaratilgan mashinalar tuzilishi va ishlash asosiga ko‘ra juda xilma-xildir. Odatda ular ish rejimlarini yetarli katta diapazonda o‘zgarishini ta’minlab beradi, chunki ishqalanish va yeyilishga sinovlar oxirgi natijaga ta’sir ko‘rsatuvchi juda ko‘p omillarni hisobga olishni talab qiladi.
Friksion xossalar sinalayotgan juftlikning faqat materialigagina bog‘liq bo‘lmay, balki ishqalanish uzelining tuzilishiga ham bog‘liq. Odatda tajribada to‘rt bosqichni o‘z ichiga olgan ko‘p bosqichli sinov sxemasi ishlatiladi (2.2-jadval).
Ishqalanish va yeyilishga sinov usullari keltirilgan. Mashinalarning aniq modellari kerakli sinov turlarini ta’minlash imkoniyatiga ega bo‘lgan qurilmalar (qo‘shimcha ishqalanish sxemalari olish qurilmalari, namuna yoki kontrjism (kontrtela) ga qo‘shimcha harakat yaratish, titrash (vibratsiya) va zarbalar hosil qilish, harorat, yeyilishni o‘lchash va qayd qilish, sinov jarayonini avtomatlashtirish va h.k.) bilan ta’minlangan.
Mashina detallarini ishqalanish va yeyilishga sinash uchun qanday mashinalar ishlatilishini ko‘rib chiqamiz.
SMS-2 ishqalanish mashinasi sirpanib dumalash, sirpanishsiz dumalash va sirpanib ishqalanish vaqtida moy sharoitida va usiz ishqalanish hamda yeyilish jarayonlarini o‘rganish uchun mo‘ljallangan. SMS-2 ishqalanish mashinasining prinsipial sxemasi disk- disk juftini sinash vaqtida berilgan.
2.2-rasm. Mashina detallarini ishqalanish va yeyilishga sinash usullari
Pastki sinalayotgan namuna 10 ponatasmali (klino-remennaya) uzatma 1 orqali elektrdvigatel 2 yordamida aylantiriladi. Ponatasmali uzatma 1 o‘zgartiriluvchi shkivlar va z0, z, shesternyalar bilan ta’minlangan. Yuqoridagi namuna 9z0, z2 shesternyalar va almashtiriluvchi juft z3, z4 bilan aylantiriladi. Berilgan sirpanish koeffisiyenti z3, z4 jufti yordamida belgilanadi.
Dostları ilə paylaş: |