Ahmadaliyeva sabo murodovna pragmatonimlarning etimologik, leksik-semantik va struktur tadqiqi

Tadqiqotning respublika fan va texnologiyalari rivojlanishining ustuvor yo‘nalishlariga bog‘liqligi. Dissertatsiya respublika fan va texnologiyalar rivojlanishining I. “Axborotlashgan jamiyat va demokratik davlatni ijtimoiy, huquqiy, iqtisodiy, madaniy, ma’naviy-ma’rifiy rivojlantirishda innovatsion g‘oyalar tizimini shakllantirish va ularni amalga oshirish yo‘llari” ustuvor yo‘nalishiga muvofiq bajarilgan.
Muammoning o‘rganilganlik darajasi. Jahon tilshunosligida pragmatonimlar ilmiy jihatdan bir qator olimlar ishlarida o‘rganilgan.
Pragmatonimlarni onomastikaning alohida birliklari sifatida o‘rganish XX asrning 70-80-yillaridan boshlangan bo‘lib, bugungi kunda pragmatonimlar jahon va ayniqsa rus tilshunosligida keng o‘rganilayotgan onomastik birliklardan sanaladi. Pragmatonimlar atoqli otlarning alohida guruhi sifatida A.V.Superanskaya², O.Yakovleva³, N.Shvedova⁴, N.Stadulskaya⁵ K.Antonova, I.Isanguzina⁶, N.Osipova⁷, A.Banko⁸, N.Bobireva⁹, V.Omelyanenko¹⁰, L.Yermakova¹¹, S.Yuymin¹², L.Arutyunyan¹³, O.Fomenko¹⁴, O.Vasilyeva¹⁵, N.Stadulskaya¹⁶, A.Makarenko¹⁷, O.Vrublevskaya¹⁸, O.Yakovleva¹⁹, O.Bikova²⁰, P.Gonjito²¹, I.Kryukova²², Z.Komolova²³, M.Golomidova²⁴ I.Karabulotova, A.Isakova²⁵, L.Goyushova²⁶, S.Starchevich²⁷, S.Bogdanova, S.Popov²⁸, S.Bogomolov²⁹, Saif Xon³⁰, M.Kuznetsova³¹, M.Karnaval³² O.Panik³³ E.Tashkin³⁴, R.Benson³⁵ H.Chuasheng³⁶, N.Franchesko, I.Massaro³⁷ YE.Belyayevskaya³⁸ V.Suprun³⁹ I.Imshinetskaya⁴⁰lar tomonidan tadqiq etilgan. Lekin shunga qaramay, o‘zbek tilshunosligida bugungi kunga qadar olib borilgan ilmiy izlanishlarda pragmatonimlarning shakllanishi hamda ularning sotsiolingvistik va lingvokulturologik xususiyatlari maxsus tadqiq etilmagan. Bu esa ushbu tadqiqot mavzusining monografik tarzda o‘rganilishini taqozo etadi.