Andijon davlat pedagogika instituti

Ta’lim oluvchilarning o‘quv yutuqlari nazorati
Nazorat:
• ta’lim oluvchilarni bilim, ko‘nikma, malakalarini(BMK) aniqlash,o‘lchash va baholashni anglatadi;
• ta’lim beruvchini ta’lim oluvchilar bilan qaytar aloqasini, ular tomonidan o‘quv materialini o‘zlashtirish darajasi to‘g‘risidagi haqqoniy ma’lumotni olish, shuningdek kamchilik va oraliqlarni aniqlashni ta’minlaydi.
Nazorat– doimy tekshirish yoki nazorat maqsadidagi tekshiruv.
Bilim, ko‘nikma va malakalarni muvaffaqiyatli o‘zlashtirish testlarini ishlab chiqish( V. Bespalko bo‘yicha)

Test maqsadi	Testlar toifasi va turlari	Xususiyatlari	Javoblar	Test topshiriqlarini ifodalash namunalari
Talabalar avval o‘rgangan materialni tanishini tekshirish (o‘zlashtirish-ning I darajasi)	Tanib olishlikka oid topshiriq	Bir vaqtni o‘zida (aytib berish uchun) topshiriq va javobdan iborat bo‘ladi	“Ha” “Yo‘q”	… hisoblana dimi?
	Ajratib olishlikka oid topshiriq	Savol hamda tanlash uchun javob variantlaridan iborat bo‘ladi	1. 2. 3. 4.	…shulardan qaysi biri... to‘g‘riligini ko‘rsating
	Tasniflashlikka oid topshiriq	Mos qismlarni taqqoslash topshiriqlaridan iborat bo‘ladi	1-(g) 2-(b) 3-(a) 4-(v)	Mosliklarni ko‘rsating (ularning tushunchasi va belgilanishi)
Tashqi aytib berishlarsiz esda qolganlar bo‘yicha o‘zlashtirilgan ma’lumotlarni qayta aytib berish va shular asosida namunaviy topshiriqlar echish ko‘nikmalarini tekshirish (o‘zlashtirish-ning II darajasi)	Qo’shimchalar qo’yiladigan testlar	Xohlagan shaklda: og‘zaki, belgili, chizmalarda taqdim etilgan fikrlarni to‘ldirish talab etiladi	Yo‘q	… (formulani) to‘ldiring, (etishmayotgan elementni)... ko‘rsating
	Tuzilishlik (konstruktor lik)ka oid testlar	Esda qolganlarni aytib berishlarsiz qayta takror tik-lashni talab etadi	Yo‘q	Bu“(tushuncha/ ifodalash ko‘rsatiladi) nima?”... CHizma chizing… Uchun formulani yozing
	Namunaviy topshiriqlar	Ma’lum bo‘lgan qoidalarni qayta tiklash va uni izlanayotgan natija uchun qo‘llash talab etiladi	1. 2. 3. 4.	Namunaviy topshiriq
Ijodiy fikrlash ko‘nikmalarini tekshirish (o‘zlashtirish-ning III darajasi)	Nooddiy topshiriqlar	Namunaviy tartib ostidagi topshiriq-larni oxiriga etka-zishda, qo‘shimcha ma’lumotlarni qi-dirish uchun, dast-labki sharoitlarni o‘zgartirish talab etadi	1. 2. 3. 4.	Nooddiy topshiriqlar

Foydalaniladigan adabiyotlar
1. Axunova G.N., Golish L.V. Vvedenie v proektirovanie i planirovanie pedagogicheskix texnologiy v ekonomicheskom obrazovanii: Kratkiy konspekt leksiy. -T.: Iktisod-moliya, 2006
2. Podlasыy I.P. Pedagogika. Novыy kurs. Uchebnik.- M.: VLADOS, 1999.
3. Saidahmedov N.S. Pedagogik amaliyotda yangi pedagogik texnologiyalarni qo‘llash namunalari.-T.: RTM, 2000.
4. Tolipov O‘., Usmonboeva M. Pedagogik texnologiya: nazariya va amaliyot.-T.: Fan, 2005.
5. Farberman B.L. Peredovыe pedagogicheskie texnologii. -T.: Fan, 2000.
8-mavzu. Rivojlantiruvchi ta’lim texnologiyalari


Reja:

1. 
   Ta’lim texnologiyalari yo‘nalishlari
   
2. 
   Rivojlantiruvchi ta’lim texnologiyalari va usullari
   
3. 
   O’yinli texnologiyalarning maqsad va vazifalari
   
4. 
   Texnologik o‘yinlar klassifikatsiyasi
   

Tayanch iboralar: ta’lim texnologiyalari, rivojlantiruvchi ta’lim, o’yinli texnologiyalar, texnologiyalar, usullar, texnologik o‘yinlar.


Ta’lim texnologiyalari yo‘nalishlari
Ta’lim texnologiyalari quyidagi yo‘nalishlarga bo‘linadi:
1. Zamonaviy –an’anaviy o‘qitish elementlaridan foydalaniladigan
pedagogik texnologiyalar;
2. Pedagogik jarayonda shaxsga yo‘naltirilgan pedagogik texnologiyalar;
3. Tarbiyalanuvchilar faoliyatini faollashtirish va jadallashtirish asosidagi pedagogik texnologiyalar;
4. O‘quv jarayonini samarali boshqarishga asoslangan pedagogik texnologiya;
5. Rivojlantiruvchi ta’lim texnologiyalari;
6. Xususiy o‘quv predmetlariga tegishli texnologiyalar.
Pedagogik jarayonni takomillashtirish, uni tarbiyalanuvchi shaxsiga yo‘naltirishga asoslangan pedagogik texnologiyalar: Hamkorlik pedagogikasi, ta’limning insonparvarlikka asoslangan texnologiyasi va boshqalar.
Tarbiyalanuvchi faoliyatini faollashtirish va jadallashtirish asosidagi pedagogik texnologiyalar. Muammoli o‘yinlar, tayanch signallar kanspektlari texnologiyalari va boshqalar.
O‘quv jarayonini samarali boshqarish va tashkil qilish asosidagi pedagogik texnologiyalar. Bu texnologiyalarga tabaqalashtirilgan, individuallashtirilgan, dasturlashtirilgan ta’lim texnologiyalari; ta’limning jamoa usuli, guruhli, kompyuterli ta’lim texnologiyalari kabilar kiradi.
Rivojlantiruvchi ta’lim texnologiyalari. Bularga tarbiyalanuvchi shaxsining sifatlarini, ayrim sohalardagi bilimlarini, ijodiy qobiliyatlarini rivojlantirish texnologiyalari kiradi.
Bulardan tashqari xususiy (o‘quv fanlari) pedagogik texnologiyalari, alternativ hamda mualliflik pedagogik texnologiyalari yo‘nalishlari ham mavjud.
Rivojlantiruvchi ta’lim texnologiyalari va usullari
Rivojlantiruvchi ta’lim ma’lum bir vaqtda, tarbiyalanuvchining ta’limiy, tarbiyaviy, ma’naviy, ruhiy va jismoniy rivojlantirish hamda uni tez o‘zgaruvchan dunyoda jamiyatga, hayotga moslashuvini ta’minlovchi ta’lim nazariyasidir.
O‘z kelajagini o‘ylagan har bir davlat jamiyat hayotidagi shaxsga taalluqli barcha ijtimoiy ta’sirlarni insonning rivojlanishi uchun, uning o‘zligini anglashi va namoyon qila olishi uchun maqsadli ravishda yo‘naltira olgan bo‘lishi kerak.
Rivojlantiruvchi ta’lim texnologiyalari qo‘llanganda, tarbiyalanuvchilar qiziqishining ortishiga, bilimlarning ko‘nikmaga aylanishiga, bilim sifat-samaradorligining oshishiga sabab bo‘lmoqda.
Rivojlantiruvchi ta’limning maqsadi-Tarbiyalanuvchilarda mantiqiy, tanqidiy, tahliliy, ijodiy fikrlashni rivojlantirish orqali barkamol shaxsni shakllantirishdan iboratdir.
Rivojlantiruvchi ta’limning vazifasi-shaxsning individual kamol topishi uchun zarur bo‘ladigan hayotiy ko‘nikma va malakalarini rivojlantirish sanaladi.
Rivojlantiruvchi ta’limning o‘ziga xos xususiyatlari- tarbiyalanuvchilarda topshiriqlarni echishga oid nazariy tushuncha va amaliy ko‘nikma, malakalarni shakllantiradi. Tarbiyalanuvchilarning ijodiy qobiliyatlarini ro‘yobga chiqarishga xizmat qiladi.