Andijon viloyati

FARGʻONA VILOYATI
Mamlakatimiz boʻylab "Yashil makon" umummilliy loyihasi doirasida e'lon qilingan koʻchat ekish boʻyicha " Dolzarb 40 kunlik" da Fargʻona xalqi ham faol qatnashishmoqda.
Fargʻona viloyati sudining raisi, Fargʻona viloyat ma'muriy sudining raisi, sudyalar va xodimlar Fargʻonada EKO shahar hududida barpo etilayotgan " Yangi Oʻzbekiston bogʻi" ga mahalliy iqlim sharoitiga mos daraxt koʻchatlari ekilmoqdalar.
Albatta, yangi nihollarni koʻyaptirish barobarida tabiiy muozanatni yaxshilashda beqiyos ahamiyatga ega boʻlgan koʻp yillik daraxtlarn asrab-avaylash, parvarishlash ham juda muhim ahamiyatga ega.




TOSHKENT VILOYATI
Toshkent viloyatida ayni kunlarda 22 ta tuman va shahar aholisi mazkur aksiyada faol qatnashyapti.
Ushbu loyiha doirasida viloyat obodonlashtirish bosh boshqarmasi tomonidan 2021-2022- yillarda 950 ming tup manzarali daraxt va 200 mingga turli buta koʻchatlari, 1500 milliondan ortiq har xil turdagi mavsumiy gullarni ekish rejalashtirilgan.
Aksiya boshlangan kundan buyon hududlarda 6250 dan ortiq koʻchatlar ekildi.
Bu borada Boʻstonliq, Zangiota tumanlari hamda Ohangaron shahri viloyat boʻyicha yetakchilik qilib kelmoqda.




SIRDARYO VILOYATI

Umummilliy loyihasi doirasidagi ishlar Sirdaryo viloyatida ham boshlab yuborildi. "Yashil makon" umummilliy loyihasi doirasidagi koʻchat ekish, bogʻ yaratish ishlarida nafaqat viloyat, tuman va shahar hokimligi, balki, barcha davlat va nodavlat tashkilotlari rahbar va xodimlari, aholi vakillari faol ishtirok etmoqda.
Yashil hudud bunyodkorlari oʻz yashash hududlari, tuman va shahar markazlariga, iqlim sharoitlaridan kelib chiqib eman, yapon saforasi, katalpa, shumtol, qayragʻoch, pavloniya, zarang, akatsiya, terak , chinor, tut, jiyda, yongʻoq va boshqa mevali va manzarali daraxt koʻchatlari ekilmoqda.



XORAZM VILOYATI
Xususan, Xorazm viloyatining jonkuyar aholisi ham shaharning bir qancha binolari va unga tutash hududlarda noyabr oyi davomida 150 tup mevali va manzarali daraxt koʻchatlarini ekishdi.
Shuni alohida ta'kidlash lozimki, ushbu koʻchat navlarini tanlashda mahalliy iqlim sharoitiga mos kelishiga alohida eʼtibor qaratildi.
Ekilgan har bir koʻchatning toʻliq rivojlanishi ta'minlash maqsadida, har bir koʻchat "Yaxshidan bogʻ qoladi" shiori ostida ichki ishlar boʻlimi xodimlariga biriktirildi. Shuningdek, ichki ishlar organlari xodimlari koʻchat ekish dolzarb 40 kunligi doirasida oʻzining yashash xonadoni atrofiga ham turli xildagi koʻchatlarni ekishdilar.



BUXORO VILOYATI
Buxoro viloyatida ham ushbu loyiha asosida jadal ishlar olib borilmoqda.Bu aksiyada shahar mahallalari, qishloqlar, turli korxona va tashkilotlar, ta'lim muassasalari ham faol qatmoqfalar. Xususan, Buxoro viloyati Ichki ishlar boshqarmasi boshligʻi Shuxrat Aliyev tomonidan, sohaviy xizmat rahbarlari va shaxsiy tarkib bilan birgalikda Ichki ishlar boshqarmasi old tomonida joylashgan bogʻda daraxt koʻchatlari oʻtkazildi.
Bugungi kunda" Daraxt ekish boʻyicha dolzarb 40 kunlik" aksiyasi hududiy ichki ishlar organlari, viloyatning 3-sektoriga qarashli Gʻijduvon, Shofirkon va Vobkent tumanlari va qolgan barcha shahar va tumanlarning shunga qarashli mahallalarda jadallik bilan amalga oshirilmoqda.