Ang Kahulugan ng Huling Ikasampung Bahagi ng Marangal na Quran

 
128 
Ang saláh ng maysakit:
 Kapag ang pagtayo ay makadaragdag sa sakit niya o hindi 
ito makakaya, magdadasal siya na nakaupo. Kung hindi rin niya makakaya ay hihiga 
nang nakatagilid. Kung mahirap din iyon sa kanya ay hihiga na nakatihaya. Kung 
hindi niya makakaya ang rukú‘ at ang sujúd ay ipahihiwatig ito. Tungkulin niya rin 
na  magsagawa  ng  qadá’  para  sa  mga  saláh  na  hindi  naisagawa.  Kung  mahirap  sa 
kanya ang pagsasagawa ng bawat saláh sa oras nito ay maaari niyang pagsamahin 
ang dhuhr at ang ‘asr o ang maghrib at ang ‘ishá’ sa oras ng alinman sa dalawa. 
Ang saláh ng naglalakbay:
 Kapag ang layo ng paglalakbay ay mga 80 kilometro 
at  ang  paglalakbay  ay  sa  layong  ipinahihintulot,  maaaring  paiksiin  sa  dalawang 
rak‘ah ang saláh na apatang rak‘ah. Kung nilayon niya manatili sa isang lugar sa 
panahon ng paglalakbay nang higit sa apat na araw (20 saláh), lulubusin ang saláh 
magmula ng dumating doon at hindi paiiksiin. Kung ang naglalakbay ay ma’múm 
ng  isang  imám na  muqím  o  nakalimutan niyang isagawa ang saláh ng muqím at 
naalaala  ito  noon  nasa paglalakbay  na  o  ang  kabaliktaran  nito,  kailangan niyang 
lubusin  ang  bawat  saláh  na  nauna.  Maaaring  lubusin  ng  naglalakbay  ang  mga 
rak‘ah ngunit ang pagpapaiklil ay mainam. 
Ang  saláh sa jumu‘ah:
  Ito  ay  higit  na  mainam  kaysa  sa  saláh  na  dhuhr. Ito  ay 
hiwalay na saláh hindi dhuhr na pinaikli. Kaya hindi ipinahihintulot na gawing apat 
na rak‘ah at hindi isinasagawa nang may layuning para sa dhuhr. Tandisang hindi 
ipinahihintulot na isama ito sa ‘asr, kahit pa man mayroong dahilang pagsamahin. 
Ang  witr:  Ito  ay  sunnah.  Ang  oras  nito  ay  magmula  sa  oras  ng  saláh  na  ‘ishá’ 
hanggang sa bago sumapit ang madaling-araw. Ang pinakakaunting rak‘ah nito ay 
isang rak‘ah at ang pinakamarami nito ay 11 rak‘ah. Magsasabi ng taslím sa bawat 
dalawang rak‘ah, at ito ang pinakamainam. O dadasalin ito sa tig-apat, o tigaapat o 
tigaanim  o  tigwawalong  rak‘ah  na  magkasama  sa  isang  taslím  at  wawakasan  ng 
isang rak‘ah pagkatapos ng tukol
1
 na bilang ng rak‘ah. O dadasalin ito sa tigtatatlo 
o tiglilima o tigpipito o tigsisiyam na rak‘ah na magkasama sa isang taslím. Ang 
pinakamababang bilang ng lubos na witr ay tatlong rak‘ah na may dalawang taslím.  
Ipinahihintulot pagkatapos nito ang saláh na dalawang rak‘ah na nakaupo. 
Ang  saláh  para  sa  patay  (salátuljanázah):
  Paliliguan  ang  patay  na  Muslim, 
babalutin  siya,  magdarasal  para  sa  kanya,  at  dadalhin  siya  sa  libingan.  Ang 
pagpapalibing sa kanya ay fard kifáyah,
2
 maliban sa shahíd
3
 sa digmaan sapagkat 
ito ay hindi paliliguan at hindi babalutin ng pambalot sa patay. Ipinahihintulot na 
                                                                                
 
  Pagkatapos  ay  magsasabi  ka  sa  paglulubos  ng  isandaan  ng:    Lá  iláha  illa  'lláh  wahdahu  lá 
sharíka lah, lahu 'lmulku wa lahu 'lhamdu wa huwa ‘alá kulli shay’in qadír. 
 
Walang Diyos kundi si Allah: tanging Siya, wala Siyang katambal. Ukol sa Kanya ang paghahari at 
ukol sa Kanya ang papuri, at Siya sa bawat bagay ay makapangyarihan.  
Pagkatapos ay bibigkain ang Áyatulkursi (Qur’an 2:255), ang Súrah al’Ikhlás, ang Súrah alFalaq, at 
ang Súrah anNás. Uulitin ng tatlong ulit ang Súrah al’Ikhlás, ang Súrah alFalaq, at ang Súrah anNás 
pagkatapos ng saláh sa fajr at maghrib. 
1
 Even number sa Ingles o bilang na kapag hinati sa dalawa ay walang butal. 
2
Tungkulin  ng  kapag  isinagawa  ng  isa  o  ilan,  hindi  na  mananagot  ang  lahat  ngunit  kapag  hindi 
isinagawa ng isa o ilan ang buong komunidad ay magkakasala. 
3
 Taong namatay na nag-alay ng buhay kay Allah sa pagtatanggol sa Islam o mga Muslim. 

---

129 
magdasal para sa kanya. Ililibing siya sa kalagayang kinamatayan niya. Babalutin 
ang lalaki sa tatlong pirasong telang puti at ang babae naman ay sa limang piraso: 
isang tapis, isang belo, isang pang-itaas, at dalawang pambalot. Sunnah na tumayo 
ang imám at ang ma’múm sa tabi ng dibdib ng patay na lalaki at sa kalagitnaan ng 
patay na babae. Magsasabi ng takbír nang apat na ulit habang inaangat ang mga 
kamay  sa  bawat  takbír.  Magsisimula  sa  unang  takbír  at  saka  sasambit  ng 
ta‘awwudh
1
 at basmalah at bibigkas nang tahimik ng alFátihah lamang. Pagkatapos 
ay sasambit ng takbír sa ikalawang pagkakataon at babanggit ng panalangin para sa 
Propeta 
(SAS)
.
2
  Pagkatapos  ay  sasambit  ng  takbír  sa  ikatlong  pagkakataon  at 
dadalangin  para  sa  patay.  Pagkatapos  ay  sasambit  ng  takbír  sa  ikaapat  na 
pagkakataon at titigil nang kaunti. Pagkatapos ay sasambit ng isang taslím habang 
lumilingon sa kanan.  
Ipinagbabawal  ang  pag-angat  ng  puntod  nang  higit  sa  isang  dangkal,  ang 
pagpapalitada nito, ang paghalik dito, ang pag-insenso rito, ang pagsusulat dito, at 
ang  pag-upo  o  paglalakad  sa  ibabaw  nito.  Ipinagbabawal  ang  mag-ilaw  sa  mga 
libingan,  ang  magsagawa  ng  tawáf  sa  palibot  ng  mga  ito,  at  ang  magpatayo  ng 
masjid sa ibabaw nito o ang maglibing ng patay sa loob ng masjid. Kinakailangang 
sirain ang mga kupola (dome) sa ibabaw ng puntod. 
  Walang  takda  sa  mga  pananalita  ng  pakikiramay.  Kabilang  sa  mga  ito  ang 
sinasabi  ng  nakikiramay:  Palakihin  ni Allah  ang  gantimapala sa  iyo,  pagandahin 
niya ang pampalubag-loob sa iyo, at patawarin Niya ang patay mo. Sa pakikiramay 
ng Muslim sa Káfir: Palakihin ni Allah ang gantimapala sa iyo at pagandahin niya 
ang pampalubag-loob sa iyo. 
  Kapag  nalaman  ng  isang  tao  na  ang  mag-anak  ng  isang  namatayan  ay 
nananaghoy  sa  pagkamatay  nito,  kinakailangang  payuhan  niya  sila  na  itigil  ang 
pananaghoy dahil kung hindi ay magdurusa ang patay dahil sa panaghoy nila. 
  Nagsabi  si  Imám  ashSháfi‘íy,  kaawaan  siya  ni  Allah:  Kinasusuklaman  ang 
pananatili  sa  namatayan  para  magpahayag  ng  pakikiramay.  Ito  ay  ang 
pakikipagkita sa mag-anak ng patay sa isang bahay upang sadyain sila ng sinumang 
nagnanais  na  magpahayag  ng  pakikiramay.  Bagkus,  nararapat  na  lumisan  sila, 
maging mga lalaki man o mga babae, at pagtuunan ang mga pangangailangan nila. 
 Sunnah na gawan ng pagkain ang mag-anak ng namatayan at kinasusuklaman na 
makikain sa pagkain nila o gumawa ng pagkain para sa nakikipagkita sa kanila. 
 Sunnah ang pagdalaw sa libingan ng isang Muslim nang hindi na nagsasagawa 
ng isang paglalakbay. Ipinahihintulot ang pagdalaw sa libingan ng Káfir at hindi 
ipinagbabawal sa isang Káfir na dumalaw sa libingan ng isang Muslim. 
  Sunnah  sa  sinumang  pumasok  sa  sementeryo  na  magsabi  ng: 
Assalámu 
‘alaykum dára qawmim mu’minína (o ahla -ddiyár mina -lmu’minína); wa inná in 
                             
 
1
 Ang pagsasabi ng a‘údhu bi-lláhi mina -shshaytáni -rrajím. 
2
 Alláhumma salli ‘alá muhammadin wa ‘alá áli Muhammad, kamá sallayta ‘alá ibráhíma wa ‘alá áli 
ibráhím,  innaka  hamídum  majíd.  Alláhumma  bárik  ‘alá  muhammadin  wa  ‘alá  áli  muhammad, 
kamá bárakta ‘alá ibráhím, innaka hamídum majíd. 

---