Avqust benton
Yüklə 1,74 Mb. Pdf görüntüsü
|
| Qoşunda islahat
. Bu müddətdə qoşunda islahat aparılması ilə ciddi məşğul idim və iş prosesində çoxlu çətinliklərlə qarşı- laşırdım. Başlatdığım hər yeni işi başa çatdıra bilmirdim, çünki işin içindən yeni bir iş çıxırdı və mən birinci işi kənara qoymalı olurdum. Naümid olmamam üçün çox çalışmalı və hövsələ lazım idi. Vəzir öz məhəbbəti ilə məni işə təşviq etməyə, rəğbətləndirməyə və ruhlandırmağa çalışırdı. O, bir gün mənə dedi ki, adım dünya- nın 7 möcüzəsindən biri, ya yunanların 7 iqlimindən biri, ya Av- 100 ropanın 7 padşahından biri, ya da dünyanın 7 ulduzundan biri ki- mi məşhur olacaqdır. Bu, həm də onun göstərir ki, iranlılar 7 rə- qəminə nə qədər əhəmiyyət verirlər. Ayın 27-də iki hadisə baş verdi. Onlardan biri sevindirici, o birisi isə hüznlü idi. Əvvəl xəbər gəldi ki, Əhməd xan, Şahdan icazə alıb ki, Şahzadə ruslara hücum etsin. Biz növbəti gün hərə- kətə başlamalı idik. Mən sonsuz dərəcədə sevinirdim. Çünki fəa- liyyət vaxtı gəlib çatmışdı. Ancaq bu xəbəri eşidəndən az sonra Şahzadə məni hüzuruna çağırdı. Onun üzünü turşutmasından belə başa düşdüm ki, mənə bəd xəbər verəcəkdir. Belə də oldu. O, dedi ki, şahın ətrafındakılar yenidən hücuma qarşı çıxmışlar. Ordunun hərəkəti onunla bağlı olacaq ki, bu ərazidə heyvanların otlaması üçün ot qalmamışdır. Şahzadə həm də bildirdi ki, sülh təklifi ilə İrana gəlmiş rus nümayəndəsini qəbul etmək məcburiyyətindədir. O, mənə söz verdi ki, rus nümayəndənin şahın ordugahına getmə- sinə icazə verməyəcək və öz yanında saxlayacaqdır. Şahzadə onu da əlavə etdi ki, hələ də ümid edir ki, Əhməd xan hücum əmri ala biləcəkdir. Bu müddət ərzində mən Fransa imperatorunun Almaniyanın şimalındakı fəaliyyətlərindən xəbərsiz idim. Xoş xəbər eşidəndə ümidlənirdim, bəd xəbər alınca isə fransız ordusunun gələcəyin- dən ötrü nigaran qalırdım. Ancaq bütövlükdə imperatorun şansına və qabiliyyətinə arxayın idim. Şahzadə mənim narahatlıqlarımın fərqində idi və bir dəfə məni ruhlandırmaqdan ötrü görünməmiş və fəxr edilməyə layiq bir iş gördü; göstəriş verdi ki, bir miqdar meyvə gətirsinlər. O özü, müsyo Nərisa və mən meyvə yeməyə başladıq. Xarici səfirlərin heç biri Şahzadə ilə meyvə yemək şərəfinə nail olmamışdılar. Nə Şah, nə də Şahzadə heç kimə icazə verməzdilər ki, onların yanın- da yemək yesin. Bu məsələdə Novruz bayramı günləri istisna idi. Baharın ilk günü olan Novruz bayramında Şah və hakimlər əha- lidən pul, cəvahir, parça və s. şəklində çoxlu miqdarda hədiyyə alırlar. Əvəzində onlara qızıl sikkələr və xələt əta edirlər. Həm də onların yanında yemək yeməyə icazə verirlər. 101 Bu görüşdə Şahzadədən xahiş etdim ki, yeni ordunu nizamlı bir şəkildə qurum. Şahzadə bu təklifimi çox bəyəndi. Mən öz ça- dırıma geri dönəndən bir az sonra Şahzadənin göndərdiyi üç nəfər zabit yeni ordunun nizamlı bir şəkildə qurulması üçün mənim əm- rimə verilmişdi. Yüklə 1,74 Mb. Dostları ilə paylaş:
|