AXBOROT XATI
O‘zbekiston Respublikasi Vazirlar Mahkamasining 2023 yil 27-apreldagi 39-son farmoyishining 1-ilovasi “2023 yilda xalqaro miqyosida o‘tkaziladigan ilmiy va ilmiy-texnik tadbirlar rejasi”ga ko‘ra 2023 yil 5-6 oktyabr kunlari Farg‘ona politexnika institutida “Muhandislik kommunikatsiyalari qurilishida innovatsion va energiyatejamkor texnologiyalarni qo‘llashning ilmiy asoslari” mavzusidagi xalqaro ilmiy-amaliy anjuman o‘tkaziladi. Anjumanga mamlakatimiz hamda xorijiy nufuzli oliy ta’lim muassasalarining professor-o‘qituvchilari, amaliyotchi mutaxassislar, doktorantlar, mustaqil izlanuvchilar, magistrantlar, talabalar ishtirok etish uchun taklif etiladi.
Konferensiya doirasida quyidagi yo‘nalishlar bo‘yicha muammoli masalalar muhokama qilinishi rejalashtirilgan:
Arxitektura va qurilish;
Muhandislik kommunikatsiyalari va GAT texnologiyalari;
Mexanika va mashinasozlikda avtomatlashtirish;
Metrologiya va materialshunoslik;
Energetik va elektrotexnik qurilmalar;
Yengil sanoat va to‘qimachilik materiallari;
Sanoat iqtisodyoti;
Oziq-ovqat va qishloq xo‘jaligi kimyosi.
Anjumanda ishtirok etish uchun ilmiy maqolalar 2023 yilning 30-sentyabr kuniga qadar
qabul qilinadi.
Dostları ilə paylaş: |
