490
ilahi Sözdən götürmüşdür. Mühafizə deyirəm, araşdırma yox. Zira bəşərilik baxımından, bilik - peyğəm-
bərlərin moizələrindən kilsə atalarının tofsirlorinədək keçən yüz illər boyunca tamamlanmış və müəyyən
olunmuşdur. Elm - inkişaf etməz, elm - dövrlər keçdikcə dəyişilməz, elmin genişlənməyə ehtiyacı yoxdur;
olsa-olsa, yorulmadan və ucadan danışılmalıdır. İnsanlıq tarixi yaradılış anından, ta diriləri və ölüləri
mühakimə etmək üçün nura bürünmüş halda təntənə ilə yerə enəcək Həzrəti-İsanın gəlişinədək fasiləsiz
doğulan məxluqlar vasitəsilə, günahlardan bağışlanma yolu ilə irəliləməkdədir; lakin ilahi və bəşəri bilik
bu irəliləyişi izləyə bilməz; onun səsini itaətkarlıqla dinlədiyimiz zaman o bir möhkəm qaya kimi, bu
irəliləyiş yolunu izləməyə və qabaqcadan bilməyə izin verir, amma biliyin özü bu irəliləyişdə iştirak etmir.
“Mən var olanam”, yəhudilərin Tanrısı dedi. “Mən yolam, həqiqət və həyatam”, dedi bizim Rəbbimiz.
Bax bütün biliklər, dünyada olan nə varsa - bu iki həqiqətin coşqun şərhindən başqa bir şey
491
deyildir. Bundan başqa, deyilmiş hər şey - peyğəmbərlər, İncil yazarları, kilsə ataları və üləmalar
tərəfindən bu iki ibarəni izah etmək üçün söylənmişdir. Bəzən bu həqiqətlərdən bixəbər olan bütpərəstlər
də bənzər şərhlər irəli sürmüşlər, amma onların mülahizələrində də xristian ənənələri hiss olunur.
Vəssalam. Bunu da nəzərə almaqla, deyiləcək başqa heç nə yoxdur; söhbət yalnız düşünmək, təfsir etmək
və qorumaqdan gedə bilər. Monastırımızın möhtəşəm kitabxanası itə yerinə yetirdiyi vəzifə budur və
gələcəkdə də bu olmalıdır, başqa bir şey deyil. Deyilənə görə bir şərq xəlifəsi məşhur, şanlı və məğrur bir
şəhərin kitabxanasını yandırmışdı; və minlərlə cild yanıb külə çevrilərkən, bu kitabların məhv ola
biləcəyini və məhv olmasının gərəkli olduğunu söyləmişdi, çünki bu kitablar ya onların müqəddəs kitabı
olan Quranda çoxdan deyilmiş fikirləri təkrarlayırdı, buna görə də yararsız idi, ya da Quranda deyilənlərlə
ziddiyyət təşkil edirdi, bu səbəbdən də zərərli idi. Kilsəmizin alimləri və biz mömin xristianlar, belə
düşüncə ilə razı deyilik. Müqəddəs Kəlamı təsbit və izah edən hər şey saxlanmalıdır, çünki bunlar Tanrı
sözünün şöhrətini artırırlar; lakin Müqəddəs Kəlama zidd olan yazılar da məhv edilməməlidir, çünki,
onları ancaq saxlamaqla, Tanrının göstərdiyi üsullarla və Onun istədiyi zamanlarda buna imkan tapanlar
və bu tapşırığı alanlar tərəfindən təkzib edilə bilər. Rahib ordenimizin yüz illər boyunca daşıdığı
məsuliyyət budur, indi də bu borcu yerinə yetirir; o, müqəddəs həqiqətə dair kəlmələri qürurla təkrar
etməli və dönə-dönə oxumalıdır, o, həqiqətə düşmən olan sözləri onların murdarlığına bulaşmadan,
ehtiyatla və təvazökarlıqla saxlamalıdır. Bəs qardaşlarım, bir bilikli rahibi günaha batıran təkəbbürə cəzb
edən nədir? Bu cazibə bir rahibin bilikləri qorumasına deyil, indiyə qədər bəşəriyyətə açıqlanmamış
xəbərləri araşdırmasına səbəb olur. Sanki bu xəbərlər Müqəddəs Kəlamın sonuncu kitabında son Mələk
tərəfindən deyilməmişdir! Eşidirsinizmi: “Bu kitabın kəhanətlərini dinləyən hər kəsə açıqlayıram: hər kim
burada deyilənlərə bir şey əlavə edərsə, Tanrı bu kitabda yazılan bəlaları ona nazil edəcəkdir; və hər kim
bu kitabın
492
kəhanətli sözlərindən nəsə kəsib atarsa, Tanrı onu həyat kitabından və müqəddəs şəhərdən və bu kitabda
yazılanlardan kəsib atacaqdır”. Hərgah belədirsə, mənim bədbəxt qardaşlarım, bu sözlər son günlər bu
divarlar arasında baş verən hadisələrə işarə deyilmi? Və bu divarlar arasında baş verənlər içində yaşadı-
ğımız əsrin fəlakətini göstərmirmi? Malikanələrdə və şəhərlərdə, özlərinin təkəbbürlü universitetlərində
və kafedral kilsələrində, həqiqət kəlamlarına həm sözlərlə, həm də əməllərlə, bir divanə kimi yeni-yeni
əlavələr etməyə çalışan və bununla da həqiqəti təhrif edən əsrimizin fəlakətini! Bu həqiqət, onsuz da,
müxtəlif şərhlərlə zənginləşdirilmişdir. Təfərrüatların axmaqcasına çoxaldılması əvəzinə, bu həqiqəti
cəsarətlə qorumaq lazımdır! Bu divarlar arasında bir ilan kimi yuva qurmuş və hələ də, yuva qurmaqda
olan təkəbbürlüliik budur! Onlara yasaq edilmiş kitabların möhürünü qırmağa cəhd göstərənlərə və hələ
də, cəhd göstərməkdə olanlara üzümü tuturam! Onlara deyirəm ki, Tanrının cəzalandıracağı məğrurluq
budur və əgər onlar itaətkarlıq göstərib niyyətlərindən geri çəkilməzlərsə, Tanrı onları da mütləq
cəzalandıracaqdır! Zira aciz olduğumuz üçün bizi cəzalandırmaq Allahın əlində asan işdir. Və yeni qisas
vasitələri tapmaq da onun üçün çətin deyil!”
“Eşidirsənmi, Adso? - Vilhelm qulağıma dedi. - Qoca danışdıqlarından daha çox şey bilir. Bu işlərdə
onun özünün barmağı olsa da, olmasa da - əgər hər şeylə maraqlanan rahiblər kitabxananın qaydalarını
pozmağa davam edəcəklərsə, onların dinc həyat sürməyəcəklərinə eyham vurur”.
Xorxe uzun fasilədən sonra sözlərinə davam etdi.
“Nəhayət, bir rəmz olaraq, bu təkəbbür kimdə təcəssüm etmişdir? Bizim məğrurlar elçilər və
köməkçilər kimi, şəriklər və bayraqdarlar kimi əslində kimə xidmət etmişlər? Bu divarlar arasında şər
əməllər törətmiş və bəlkə indi də törətməkdə olan kimdir? Beləcə, vaxtın yetişdiyini bildirməklə yanaşı,
bizə təsəlli də verir. Zira vaxt gəlib çatmışsa - əzablar dözülməz, lakin sonsuz olmayacaq; çünki kainatın
böyük dövrəsi tamamlanmaq üzrədir. Kimdir bu? Kimdən bəhs etdiyimi yaxşı anlayırsınız!
493
Lakin onun adını çəkməyə cəsarət etmirsiniz! Zira onun adı - sizin də adınızdır! Və siz ondan, bu addan
qorxursunuz! Amma siz ondan qorxsanız da, mən qorxmuram! Mən bu adı ucadan deyəcəyəm ki,
bağırsaqlarınız dəhşətdən düyün-düyün olsun, dişləriniz titrəyib dillərinizi kəssin, damarlarınızda qanınız
donsun, bəbəkləriniz qara pərdə ilə örtülsün... O iyrənc heyvan Dəccaldır, Dəccal!
O, yenə uzun müddət susdu. Dinləyicilər ölü kimi səssiz idilər. Bütün kilsədə tək canlı - üçayağın
alovu idi; amma bu alovdan düşən kölgələr də donub-qalmışdı. Bütün kilsədə yeganə səs - alnındakı təri
silən Xorxenin dərindən alıb-verdiyi nəfəslərin səsiydi. Sonra yenə sözünə davam etdi.
“Bəlkə də siz deyəcəksiniz ki yox, o hələ gəlməmişdir, gəlişinin əlamətləri hanı? Kim belə söylərsə,
axmaqdır! Bu əlamətlər gözümüzün önündədir, günbəgün böyük dünya səhnəsində, monastırın
murdarlanmış simasında, gələcək fəlakətlərin duyulmasındadır... Deyilmişdir ki, vaxt yetişdikdə şərqdə
başqa qəbilədən olan bir hökmdar ortaya çıxacaqdır; rüsvayçılıqlar ağası, allahsız, insanları qətl edən,
saxtakar, sərvətə susayan, hiyləgər, fəndgir, zalım, möminlərin düşməni və qənimi; onun zamanında heç
kim gümüşü qiymətləndirməyəcək, yalnız qızıla dəyər veriləcək. Yaxşı bilirəm ki, siz, məni dinləyənlər,
kimdən bəhs etdiyimi ölçüb-biçməyə çalışırsınız: Roma papasından, yoxsa alman imperatorundanmı,
Fransa kralından, yoxsa hər kəsin qarşısında “mən haqqın tərəfindəyəm, o mənim düşmənimdir” deyə
biləcəyiniz başqa birindonmi? Lakin bir şəxsi hədəf alacaq qədər avam deyiləm; Dəccal gəldiyi zaman
hamı və hər kəs üçün gəlir, və hər kəs - onun bir parçası olur. Dəccal - ölkə və şəhərləri viran qoyan
talançılar gümhunun arasında olacaqdır; o, səmanın gözlənilməz əlamətlərində, qəfil ortaya çıxan göy
qurşağında, şimşəkdə və ildırımda özünü göstərəcəkdir; bu zaman səslər bir-birinə qarışacaq və dənizlər
qaynayacaq. Deyilmişdir ki, insanlar və heyvanlar əjdahalar doğacaqlar, lakin bu, əslində ürəklərin nifrət
və kin-küdurətlə dolacağını bildirir. Ətrafınıza baxmayın, perqamentlərin üzərində xoşunuza gələn vəhşi
heyvanların rəsmlərini axtarmayın! Deyilmişdir ki, təzəcə nikah bağlamış gəlinlər mükəmməl danışa bilən
körpələr doğacaqlar; bu körpələr vaxtın yetişdiyini söyləyərək, öldürülmələrini istəyəcəklər. Amma bu
körpələri dağlarda və vadilərdə axtarmayın, zira bilikli çağalar artıq öldürülmüşdür və həm də bu divarlar
arasında öldürülmüşdür! Kəhanətlərdəki körpələr kimi onlar yaşlı görkəmində idilər; kəhanətlərdə
dördbarmaqlı körpələrdən, kabuslardan, ana bətnində sehrli nəğmələr oxuyaraq peyğəmbərlik edən
döllərdən bəhs edilir. Bütün bunlar yazılmışdır, anladınızmı? Məbədlər, xalqlar, təbəqələr arasında böyük
iğtişaşların olacağı yazılmışdır; cinayətkar çobanların, pozğun, sırtıq, acgöz, şəhvətpərəst, qarınqulu,
xəsis, boşboğaz, təşəxxüslü, təkəbbürlü, tamahkar, inadkar, günahlara batan, boş şöhrət axtaran, İncil
düşməni, dar qapıları rədd etməyə, həqiqi kəlamları inkar etməyə hazır olan insanların ortaya çıxacağı
yazılmışdır; onlar hər cür iman yoluna nifrət edəcəklər və günahlarından ötrü peşman olmayacaqlar;
onların vasitəsilə xalqların arasında nifaq, qardaşlar arasında kin-küdurət, cinayətkarlıq, daşürəklilik və
paxıllıq, laqeydlik və oğurluq, şərabxorluq və israfçılıq, şəhvətpərəstlik və cismani əxlaqsızlıq, zinakarlıq
və digər pisliklər yayılacaqdır. Mərhəmət, şəfqət, sülhsevərlik, tamahsızlıq, xeyirxahlıq, təziyə, ağlamaq
ortadan qalxacaqdır... Davam edimmi, yoxsa özünüzü tanıdınızmı, siz, ey məni dinləyənlər, bu monastırın
rahibləri və mühüm qonaqlar?”
Zala çökmüş səssizliyin içində bir xışıltı eşidildi. Bu, öz yerində qurdalanan kardinal Bertrando idi.
“Nə də olsa, - deyə düşündüm, - Xorxe həqiqətən böyük vaizdir, qardaşlarını qamçılayarkən monastırın
qonaqlarına da aman vermir”. O anda Bertrandonun, ya da gonbul avinyonluların ağlından keçənləri
öyrənmək üçün nələr verməzdim.