Ki̇fayət Ağayeva
224
mir, çünki buddizmdə hörmət və şöhrət yalnız kişilər üçün nəzər-
də tutulur. İkincisi, Yaponiyadan başqa bütün buddist cəmiyyətlər
üçün monastır dixotomiyaları mövcud idi.
Bütün yuxarıda deyilənlərə rəğmən, Amerikadakı buddizm
modeli, Asiyada mövcud olan buddizm modelindən fərqlidir.
Amerika buddizmində qadınların fəal iştirakı Qərb buddizmin-
dən qaynaqlanırdı. Burada qadınlar meditasiyanın və digər bud-
dist forumların mərkəzində dururdular. Ümumiyyətlə, Asiya və
Amerika buddist meditasiya mərkəzləri çox fərqlidirlər. Amerika
buddist qadınları heç də Asiya buddist qadınlarından nə inancla-
rına görə, nə də dinin digər mühüm vəzifələrini yerinə yetirmək
nöqteyi-nəzərindən geri qalırlar. Geyimlərini çıxmaq şərtilə büt-
lərə sitayiş etmək və meditasiya təcrübələrində elə də köklü fərq
yoxdur. Sadəcə, Amerikada buddist qadınlar kişilərlə bir yerdə
dini ritualları yerinə yetirirlər.
Şübhəsiz ki, Amerika buddizmində qadınların fəallaşmasının
bir tarixi vardır. Buddizmin Şimali Amerikaya gəlişi 1960-70-ci
illərdən çox-çox əvvəllərə gedib çıxsa da buddistlər bu onilliklər
ərzində Amerikaya kütləvi miqrasiya etmişdilər. Həmin dövr fe-
minizmin ikinci dalğası dövrü ilə üst-üstə düşür. Bu elə bir dövr
idi ki, kişilər üçün mövcud olan imkanlar artıq qadınlar üçün də
əlyetər idi. Artıq qadınlar ikinci dərəcəli, tabeçi statusda deyil,
kişilərlə bərabər hüquqlu vətəndaşlar kimi qəbul olunurdu. ABŞ-
da buddizmi daha cəlbedici etmək üçün qadınlar bu dində olan
bütün nəzəri və təcrübi dəyərləri hər iki genderə aid etməyi israr
edirdilər. Bu uğurlu dövr Amerika buddizmin simasını dəyişdi və
bütün dünya buddizminə də təsirsiz ötüşmədi. Nəticədə, buddizm
və Amerika qadınları arasında paradoksal situasiya yarandı. Bir
tərəfdən, buddist rituallar və uyğun elmlər gender neytral əsas-
lı oldu və toxunduğumuz dövrdə buddizm qadınlara dəyər verən
din qismində çıxış etdi. Digər tərəfdən, buddizmdə nə qədər gen-
der neytral elementlər mövcud olsa da, bu dinin forma və məz-
mununda hələ də kişi dominantlığı hökm sürürdü, çünki bu dində
ABŞ-da gender m
əsələləri
225
həm müəllimlər, həm də liderlərin əksəriyyəti kişilər idi. Dində
nisbətən yüksək statusa malik qadınlar tənqidlə qarşılanırdı.
Belə yanaşmalar qadınları iki antoqonist qrupa ayırırdı: bir
qrup qadınlar qədim zamanlarda buddizmdə qadınların önəmli
rol oynamalarını əllərində əsas tuturdu və onlar o dövrdə olduğu
kimi, kişilərin iştirak etdiyi bütün rituallarda öz keçmiş rollarını
bərpa etmək niyyətində idilər. Onlar feminist ideyaları buddiz-
mə inteqrasiya etməyin tərəfdarları idilər. Digər qrup qadınlar isə
buddizmdə kişi dominatlığını dəstəkləyirdi. Bütün bunlara bax-
mayaraq, hər iki qrupun Amerikada buddist rituallardakı iştirakı
ilə onların öz vətənlərində - Asiyada iştirakı arasında kəskin fərq
var idi. Amerika buddist qadınlarından bunun səbəbini soruşan-
da, onlar bunu belə izah edirdilər. Birincisi, onlar Amerikada Asi-
ya buddist normalarını Şimali Amerikada tətbiq edə bilməzdilər.
İkincisi, feminizmin və yeni buddist müəllimlərin bu bölgəyə gə-
lişi hər şeyi dəyişdirmişdi. Onlar bir onillik əvvəl bu bölgəyə köç
etsəydilər, situasiya bir qədər də yaxşıya doğru dəyişmiş olardı.
Qadınlar kişilərlə ona görə bərabər imkana malik ola bilmirlər ki,
din sferasında az müəllim var və onlar az gücə sahibdirlər. Bud-
dizmə görə, şanslı o qadınlardır ki, onlar öldükdən sonra yeni-
dən dünyaya kişi qismində gələ biləcəklər. Əks halda, buddizmin
qaydalarına görə, qadınların kişilər qədər prestijli statuslar əldə
etməsi çətin məsələdir.
Bəzi Amerika buddistləri dini ritualları öz dillərində yerinə
yetirirlər, bəziləri bunları ingilis dilində edirlər. İngilis dilindəki
genderlə əlaqəli sözlər daha çox adrosentrik olduğu üçün “oğul”
(son) əvəzinə “uşaq”, “kişi” (man) əvəzinə “insan” istifadə olu-
nur. Mediator hər zaman insanlara “he” (kişi) müraciət edir. Düz-
dür, XXI əsrdə ABŞ-da da söylənilən maskulin terminlər daha çox
gender neytral sözlərlə əvəz olunmuşdur, lakin bu istiqamətdə nə
qədər müsbət dəyişikliklər baş versə də, buddizmin bünövrəsində
androsentrik elementlər çox olduğu üçün bu din hələ də kişi do-
minantlığı ilə müşayiət olunur. Doğrudur, buddizmin ilkin yaranı-