121
fəlsəfi problemlərlə yanaşı nücum, təbabət, riyaziyyat, məntiq və hüquq məsələləri
də mühüm yer tuturdu.
1198-ci ildə Urmiyada anadan olmuş, 1283-cü ildə Konyada dünyasını
dəyişmiş Siracəddin Mahmud ibn Əbubəkr Urməvi fəlsəfəyə, məntiqə və digər elm
sahələrinə dair əsərlərin müəllifidir. O, Mosulda Kəmaləddin Musa ibn Yunisdən
təhsil almış, sonralar Dəməşqdə yaşamış, Konya şəhərinə köçərək orada baş qazı
vəzifəsini icra etmişdir. Mənbələrdə onun fəlsəfə və məntiqə dair 10-dan çox
əsərinin adı çəkilir.
56
“Mətali əl-ənvar” (“Nurların doğuluşu”), “Lətaif əl-hikmə”
(“Hikmət incəlikləri”), “Bəyan əl-həqq” (“Haqqın bəyanı”), “Risalə fi-əmsilət ət-
təarud” (“Ziddiyyətlərin misallarına dair risalələr”) həmin əsərlər sırasındadır. Orta
çağların görkəmli filosofları onun “Mətali əl-ənvar” əsərinə 30-dan artıq şərh və
haşiyə yazmışlar. Alim öz əsərlərində təbabətə, insan orqanizmi ilə bağlı olan
məsələlərə mühüm yer vermişdir.
Tacəddin Məhəmməd ibn Hüseyn Urməvi (1177-1255) bu dövrün
tanınmış Azərbaycan mütəfəkkiri, fəqihi, mütəkəllimi olmuşdur.
57
O, Bağdadın
Şərəfiyyə mədrəsəsində dərs demiş, dərin biliyi ilə məşhurlaşmışdı. Tacəddin
Urməvi 1219-ci ildə tamamladığı “Kitab əl-hasil min əl-məhsul” (“əl-məhsuldan
hasil olunmuş kitab”) əsərini Fəxrəddin Razinin “əl-Məhsul” əsəri əsasında
yazmışdı. O, 1228-ci ildə Fəxrəddin Razinin digər əsərini – “ər-risalət ət-
kəmaliyyə fi-l-həqaiq əl-ilahiyyə” (“İlahi həqiqətlərə dair kamal risaləsi”)ni
farscadan ərəb dilinə tərcümə etmişdir. Əfzələddin Məhəmməd ibn Namavər
Xunəci (1193-1248) məşhur Azərbaycan məntiqşünası, filosofu, təbiətşünası,
təbibi və hüquqşünası idi. O, ilk təhsilini Xalxal vilayətinin Xunəc məntəqəsində
almış, daha dərin elmi biliklərə yiyələnmək məqsədilə Yaxın Şərq ölkələrini
gəzmişdir. Əfzələddin Xunəci hikmət (fəlsəfə) elmini və Şəriəti mükəmməl
səviyyədə öyrənmişdi. Əfzələddin Xunəci fəlsəfi fənləri, təbabəti tədris etmiş,
sonralar Misirdə baş qazı vəzifəsində çalışmışdır. Alimin xeyli fəlsəfi məzmunlu
əsəri vardır. “Onun ən məşhur əsərlərindən “Mucəz”, “Cüməl” və “Kəşfül-
əsrar”dan ibarət trilogiyadır. Hamısı məntiqə aiddir. Bu əsərə bir çox görkəmli
alimlər izahlar və əlavələr yazmışlar”.
58
Əfzələddin Xunəci Şərq peripatetizminin
görkəmli nümayəndəsidir. O, fəlsəfədə Əbunəsr Fərabi, İbn Sina və Əbülhəsən
Bəhmənyar məktəbinin layiqli davamçılarından olmuşdur. Azərbaycan alimi
Qahirədə vəfat etmiş və “əl-Qurafə”də dəfn edilmişdir. Nəsirəddin Tusinin fəlsəfi
görüşləri öz əksini onun “Əsas ül-iqtibas” (“Biliklərin mənimsənilməsinin
əsasları”), “Təcrid əl-kəlam” (“Kəlamdan seçmələr”), “Təcrid dər məntiq”
(“Məntiqdən seçmələr”), “Əzəl və əbəd” (“Başlanğıc və son”), “Məkan və zaman”,
“Əxlaqi-Nasiri” əsərlərində tapmışdır. Nəsirəddin Tusi iddia edirdi ki, Kainat dörd
maddi ünsürdən ibarətdir və əbədidir. Onun fəlsəfəsində Allah əzəli varlıq, vahid
gerçəklik, bütün varlığın mənbəyi olan zəruri mahiyyətdir. Filosofun dini və
ictimai-siyasi baxışlarında etiqadla bidətçilik, teokratiya ilə demokratik quruluş
arasında tərəddüd aşkardır.
122
Şeyx Səfiəddin İshaq Ərdəbili (1252-1334) Azərbaycan tarixində
müstəsna rolu olmuş Səfəvi nəslinin banisidir. O, 6 yaşında atasını itirmiş, dini
təəssübkeşlik ruhunda böyümüşdür. Şeyx Səfiəddin sonralar Şiraza getmiş,
Rüknəddin Beyzavi və Əmir Abdullahdan İlahiyyat elmlərini öyrənmişdir. O,
Əmir Abdullahın məsləhətinə əsasən lənkəranlı Şeyx Zahidi özünə mürşid seçmiş,
mürşidinin qızı ilə evlənmiş, tezliklə böyük nüfuz qazanmışdı. Çoxlu müridi və
mülkləri olan Şeyx Səfiəddinlə Elxani hökmdarları Ulcaytu Məhəmməd, Əbu Səid,
vəzir Fəzlullah Rəşidəddin, Əmir Çoban və digər siyasi xadimlər yaxşı
münasibətlər saxlamağa çalışmışlar. Geniş kütlələr arasında yayılmış
ideologiyanın banisinin böyük nüfuzu bu halın başlıca səbəbi olmuşdur.
59
Təvəkküli ibn İsmayıl ibn Hacı Məhəmməd Ərdəbilinin (Bəzzazın) “Mükaşigül-
qülub və səfvətüs-səfa” (“Qəlbləri açan və saflaşdıran”) adlı əsərində Şeyx Səfinin
tərcümeyi-halı, sülaləsi haqqında geniş məlumat vardır.
60
Şəmsəddin (Şəms) Məhəmməd ibn Əli ibn Məlikdad Təbrizi (1272-ci ildə
dünyasını dəyişmişdir) bü dövrün görkəmli Azərbaycan şairi, mütəfəkkiri,
müəllimi idi. O, sufiliyin ən məşhur simalarından olmuş, “mürşidi-kamil” adını
almışdı. Cəlaləddin Rumi özünü onun şagirdi hesab edirdi. Tarixi mənbələrdə
Şəms Təbrizinin həyatı haqqında məlumat çox az və ziddiyyətlidir. Şəms Təbrizi
çoxlu səfərlər etmiş, əsasən karvansaralarda məskən salmışdır. Mütəfəkkir şair
1244-cü ildə Konya şəhərinə gəlmiş, Cəlaləddin Rumi ilə dostlaşmışdır. Şəms
Təbrizi yeni dostuna güclü mənəvi təsir göstərmiş, bu dostluqdan narazı qalanlar
ehtiyatlanaraq Şəmsi quyuya atmış, öldürmüşdülər. Şəmsin sirli ölümündən sonra
Cəlaləddin Rumi onun xatirəsini əziz tutaraq “Şəms” təxəllüsü ilə böyük bir şeir
divanı yaratmışdır. Şəms Təbrizinin “Məqalat” (“Deyimlər”) adlı əsərini isə onun
müridləri toplayaraq “Məqalatı-Şəms Təbrizi” (“Şəms Təbrizinin deyimləri”)
kitabı halına salmış, bu əsərdəki fəlsəfi, elmi görüşləri geniş yaymışlar. Bu dövrdə
ismaili təlimi müəyyən nüfuz dairəsinə malik idi və Şəms Təbrizi həmin təlimin
başlıca təbliğatçılarından biri olmuşdur. İsmaililik hürufiliyin, nöqtəviliyin,
qızılbaşlığın, “Əliallahi” təliminin təşəkkül tapmasına müəyyən təsir göstərmişdir.
Şəms Təbrizinin güclü ideya-mənəvi təsirinə məruz qalmış Cəlaləddin Rumi
(1207-1273) 6 kitabdan ibarət olan “Məsnəvi”nin (31 mindən artıq beytdən
ibarətdir), “Divani-Kəbir”in (“Böyük divan”ın) müəllifidir. Onun “Divan”ında
2073 qəzəl toplanmışdır (44 min beytə yaxındır). Cəlaləddin Ruminin “Divan”ı
ədəbi əsərdən daha çox fəlsəfi abidə kimi diqqəti cəlb edir. Onun 4 min beytdən
artıq şeirləri isə fəlsəfi, lirik rübailərdən (dördlüklərdən) ibarət olan kitabına
daxildir. Cəlaləddin Ruminin müxtəlif şəxslərə ünvanlanmış 140 məktubu vardır.
Mütəfəkkirin poetik irsi ümumiyyətlə 80 minədək beytdən ibarətdir və bu zəngin
irsdə Azərbaycan filosofu, alimi Şəms Təbrizinin həlledici təsiri aydın surətdə
nəzərə çarpır. Cəlaləddin Rumi də sağlığında ikən hücum və təqiblərə məruz
qalmış, ilahiyyatçılar onun əsərlərini “bidətçi” təlimin təhlükəli faktları kimi
təqdim etmişlər. Şairi fiziki divandan yalnız onun böyük nüfuzu və əhali arasındakı
Dostları ilə paylaş: |