233
ölkədə hərbi-siyasi, ictimai-ideoloji şəraitin qeyri-qənaətbəxş olması və Moğol
imperiyasında incəsənətin inkişafı üçün əlverişli şəraitin mövcudluğu olmuşdu.
“Hindistanda özündə hind amallarını və İran motivlərini birləşdirən yeni
memarlığın yaranması”
70
xeyli mənada Moğol-Səfəvi mədəni münasibətlərinin
nəticəsi idi. 1630-1652-ci illər ərzində Aqrada inşa edilmiş Tac-Mahal məqbərəsi
71
Azərbaycan və Hindistan memarlarının əməkdaşlığının nadir incisidir. Şah
Cahanın həyat yoldaşı Mümtaz Mahal üçün nəzərdə tutulmuş bu məqbərənin
tikintisində 20 min adam iştirak etmişdi. Ağ mərmərdən inşa olunmuş Tac-Mahal
məqbərəsi “dünyanın səkkizinci möcürəsi” hesab edilir. Tac-Mahal məqbərəsinin
baş memarı türk Məhəmməd İsa Əfəndi olmuşdur. “Tac-Mahalın memarı İsa
Əfəndi bu şah əsərində Ağa Mirəyin Hindistana gətirdiyi Səfəvi, eləcə də yerli
Hind – Racputan və özünün elçisi olduğu Osmanlı türk memarlığı ənənələrini
gözəl bir ahəngdə birləşdirmişdir. Belə bir qeyri-adi sintezdən dünya incəsənətinin
ən nadir incilərindən biri – Tac-Mahal yaranmışdır”.
72
XVII əsrdə Dehlidə tikilmiş
Cümə məscidinin, Lahordakı Badşahi məscidinin bir çox elementlərində də
Azərbaycan memarlıq ənənələrinin təsiri vardır. Daha bir Azərbaycan memarı Əbu
Məhəmməd Təbrizi XVII əsrdə Hindistanın Malva adasında məscid inşa etmişdi və
memarın türbəsi indiyədək məscidin yanındadır.
73
Beləliklə, XVII əsrdə də Azərbaycan memarlığı İslam Şərqinin aparıcı
memarlıq mərkəzlərindən olmuşdur. Azərbaycan memarlığı nəinki milli tələbatı
dəyirdi, habelə regional (İslam Şərqi) tələbatın ödənilməsi vəzifəsini uğurla yerinə
yetirirdi.
Təsviri incəsənət və xəttatlıq: XVII əsr Azərbaycanda miniatür sənətinin
inkişafı üçün əlverişli olmayan şəraitlə səciyyəvidir. “Bu vaxtdan etibarən yerli
sənət məktəblərinin fəaliyyətlərində durğunluq yaranır, qüdrətli Təbriz məktəbinin
qiymətli bədii ənənələrinin uzun sürən unudulma prosesi başlanır. XVIII əsrdə
tamamilə tənəzzül edən boyakarlıq sənəti XIX əsrin II yarısından etibarən yenidən
dirçəlməyə başlayır”.
74
Ölkə daxilində miniatür rəssamlığının inkişafına əngəl
törədən hərbi-siyasi, ideoloji amillər XVI əsrdə də mövcud idi. Məsələn,
“hakimiyyətinin ilk dövründə rəssamlığa maraq göstərmiş Şah I Təhmasib 1557-ci
ildə tövbə fərmanı verdi və bu fərmana əsasən rəssamlıq emalatxanaları sənətinin
inkişafı üçün əlverişli dağıdıldı”.
75
Emalatxanalarda çalışan rəssamlar öz işlərindən
kənar edildilər, miniatürçü rəssamların əksəriyyəti Hindistana qaçmalı oldu. Lakin
Şah I Təhmasibin bu subyektiv tədbiri zəngin ənənələri olan miniatür rəssamlığının
Azərbaycanda və İranda inkişafının qarşısını ala bilmədi. XVI əsrin sonunda –
XVII əsrin əvvəllərində işğal altında olmuş Təbrizdən rəssamların əksəriyyətinin
Osmanlı paytaxtına – İstambula aparılması Azərbaycanda miniatür sənətinin
inkişaf potensialını azaltdı.
XVII əsrdə Azərbaycan miniatür sənəti Yaxın və Orta Şərqdə şöhrət
tapmış Təbriz məktəbinin ənənələri əsasında inkişaf etmişdir. Lakin qeyd etmək
lazımdır ki, bu dövrdə Azərbaycan rəssamlarının çoxusu Osmanlı, Moğol, Mərkəzi
234
Asiya, İran ərazilərində yaranmış miniatür məktəbi İranda, Türkiyədə, Hindistanda
və Mərkəzi Asiyada milli miniatür mərkəzlərində çalışırdı. Təbriz İranda,
Türkiyədə, Hindistanda və Mərkəzi Asiyada milli miniatür mərkəzlərinin
yaranmasında həlledici rol oynamaqla
76
yanaşı, həmin mərkəzlərin təşəkkülü və
inkişafı prosesini də təmin etmişdir. Şərq “təsviri incəsənətində, xüsusilə
miniatürdə dünyanın bədii baxımdan qavranılmasının yeni, ali mərhələsinə keçid
təmayülü vardı. Bu təmayül XVI-XVII əsrlərin Qərbi Avropa incəsənətində baş
vermiş təmayüllə səsləşirdi”.
77
Azərbaycan rəssamları İntibah təmayüllü
yaradıcılıqlarını XVII əsrdə İsfahanda davam etdirmişlər.
Təbriz rəssamlıq məktəbinin nümayəndələri Səfəvi sarayı nəzdindəki
kitabxanada cəmləşmişdilər. Onlar İsfahan miniatür məktəbinin əsasını qoymuş və
Azərbaycan rəssamlığının yeni formada inkişafını təmin etmişlər. Azərbaycan
rəssamları Qəzvin, Şiraz, Məşhəd və Moğol miniatür məktəblərinin aparıcı qüvvəsi
idilər. Moğol hökmdarlarının saray kitabxanası bu cəhətdən daha əhəmiyyətli idi.
Burada Əmir Həmzə dastanına 360 miniatür çəkmək üçün Kəmaləddin Behzad
məktəbinin 50 rəssamı cəlb olunmuşdu.
78
XVII əsrin əvvəllərində Moğol saray
kitabxanasında çalışan 145 miniatürçü rəssamın əksəriyyəti türk (azərbaycanlı),
fars və Orta (Mərkəzi) Asiyalı idi. Əmir Seyidəli Təbrizi (Cüdai) dövrün məşhur
miniatürçü rəssamı idi və XVII əsrin əvvəllərində Hindistana mühacirət etmişdi.
Moğol sarayında güclü nüfuza sahib olan Seyidəli Təbrizi “Nadirülmülk” ləqəbi
almış, əmir vəzifəsinədək yüksəldilmişdi. O, Əmir Həmzə dastanına 16 məşhur
miniatür həsr etmişdir. Lakin onun hər miniatürü məcmuə səciyyəsi daşıyırdı.
Cüdai çəkdiyi rəsmlərin hər cildini bir sandığa yığmışdı. Hər bir miniatür iri
ölçülərə malik olması ilə seçilirdi (təxminən I metr uzunluğunda). “Cüdainin
miniatürləri Maninin və Kəmaləddin Behzadın əsərlərini xatırladır”.
79
Əmir
Seyidəli Təbrizi (Cüdai) portret rəssamlığında da mahir idi. Sadiq bəy Əfşar XVII
əsrin əvvəllərində də miniatürçü rəssam, kalliqraf, alim kimi fəaliyyət göstərmişdir.
O, Şah I Abbasın dövründə saray kitabxanasının müdiri idi. Onun əsəri
80
rəssamlıq
qanunları haqqındadır və XVII əsrdə tədris vəsaiti kimi əhəmiyyətli idi.
Xəttatlığın bir çox incəsənət sahələrinə güclü təsiri XVII əsrdə də aydın
nəzərə çarpırdı. Mir Abdulbaqi Danişmənd, Əli Rza Təbrizi (Abbasi), Mir İmad
Qəzvini və Məhəmməd Mömin Təbrizi bu dövrün ən məşhur xəttatları olmuşlar.
Dekorativ və tətbiqi sənət sahələri: İslam regionuna daxil olan bir ölkə
kimi Azərbaycanda da nəbati, qrafik, həndəsi ornamentlərə əsaslanan dekorativ-
tətbiqi sənətlər sistemi təşəkkül tapmışdı. Lakin İslamın dekorativ-tətbiqi sənətə
təsir prosesi xeyli uzanmış, bəzi sahələrə isə heç bir təsir göstərə bilməmişdi.
“Azərbaycanda islamiyyətlə bağlı olan, dini xarakter daşıyan adət-ənənələr sənətdə
çox sonralar, yəni bir neçə əsrdən sonra özünü az-çox büruzə verməyə başlamışdır.
Araşdırmalar göstərir ki, Azərbaycan sənətkarlığına, onun bədii xüsusiyyət və
məzmununa İslam dininin təsiri də hər yerdə bir olmamışdır. Bu təsir şəhər
yerlərində nisbətən güclü olmuşdur. Ucqar, dağlıq olan yerlərdə isə İslam dini
Dostları ilə paylaş: |