Dünya iqtisadiyyatının tarixi
465
iqtisadi böhran baş vermişdi. Bu və ya digər dərəcədə planetar xarakter
daşıyan böhranların sırasında aşağıdakılar dağıdıcı təsir gücünə görə
fərqlənmişlər:
1.
1857-ci il böhranı: ABŞ-ın fond bazarında başlamış və çox
tezliklə bütün Avropaya yayılmışdır.
2.
1873-cü il beynəlxalq maliyyə böhranı: Avstriya və
Almaniyadan başlamış (daşınmaz əmlak bazarındakı
möhtəkir əməliyyatlarının artması ilə) ABŞ və Latın
Amerikası ölkələrini də əhatə etməklə böyük itkilərə səbəb
olmuşdu:
3.
1914-cü il Beynəlxalq maliyyə böhranı: I Dünya müharibəsi
ilə bağlı ABŞ, Böyük Britaniya, Fransa və Almaniya hərbi
xərcləri maliyyələşdirmək məqsədi ilə qiymətli kağızların
(xarici emitentlərə) kütləvi satışını həyata keçirməyə
başlamışlar ki, bu da bütün bazarların (əmtəə və pul)
fiaskosu ilə nəticələnmişdir.
4.
1929-33-cü illərin Böyük depressiyası; Nyu-York fond
birjasından
başlayan
böhranın
bütövlükdə
dünya
iqtisadiyyatına vurduğu zərərin həcminə görə bəşər
tarixində analoqu yoxdur.
5.
1957-ci il iqtisadi böhranı: ABŞ. Böyük Britaniya, Kanada,
Belçika, Hollandiya və bir sıra digər inkişaf etmiş ölkələri
əhatə edirdi.
6.
1973-cü il iqtisadi böhranı: ABŞ-dan başlamaqla dağıdıcı
təsirinə görə 1957-il böhranını xeyli geridə qoymuşdu.
7.
1987-ci il böhranı – “Qara birinci gün”: ABŞ başda olmaqla
əsasən inkişaf etmiş ölkələri əhatə etmişdir.
8.
1994-95-ci illər Meksika böhranı: kapitalın ölkədən “qaçışı”
ilə başlamış, yekunda bank sisteminin böhranı xarakterini
almışdı.
9.
1997-ci il Asiya böhranı: Fond bazarının süqutu nəticəsində
başlamış. QMM-un 2 trln. dollar azalmasına səbəb olmuşdu.
10.
1998-ci il Rusiya böhranı: Rusiya iqtisadiyyatına və bir sıra
region ölkələrinə böyük zərər vurmuşdu.
Məhz bu böhrandan sonra mütəxəssislər növbəti qlobal böhranın
2007-2008-ci illərdə baş verəcəyini proqnozlaşdırırdılar. Elə də oldu....
Əslində, bu gün dünya seçim qarşısındadır. Sadə şəkildə ifadə
etsək, söhbət “ya-ya” tipli seçimdən gedir. Ya anqlosakson modellə
mahiyyət uyğunluğu çərçivəsində “fəlakətlə” mübarizə aparılmalıdır, ya
Dünya iqtisadiyyatının tarixi
466
da dünyanın yeni iqtisadi düzənə keçməsinə imkan verə biləcək fərqli
inkişaf paradiqması formalaşdırılmalıdır.
§ 17.2.1. Böhran niyə baş verdi?
Beləliklə, qlobal maliyyə böhranı niyə baş verdi? Yaxud
gözlənilən idimi? suallarına cavab verməzdən əvvəl çox maraqlı bir tarixi
analogiya aparmaq məqsədəuyğun olardı.
Belə ki, 1929-cu ildə ABŞ-dan başlayan qlobal iqtisadi böhranla
müasir maliyyə böhranı arasında çox qəribə bir oxşarlıq mövcuddur.
Məlumdur ki, real məzmunlu bazarın formalaşdığı dövrdən XX əsrin 30-
cu illərinə qədər planetar səviyyəli iqtisadi proseslər “piramida”
quruculuğu formasında getmişdir. Yəni real sektorun, əsas kapitalın
təmərgüzləşməsi və mərkəzləşməsi prosesi formasında o dövr üçün
yeganə düzgün gediş hesab edilə biləcək bir iqtisadi məcmuluq şəklində
ortaya çıxmışdır. Söhbət “sənaye inqilabı dövrü” adlandırdığımız tarixi
inkişaf mərhələsində formalaşmış iqtisadi sistemin əsas dəyişənlərindən
gedir. Həmin dövrdə problemin ( nkişaf probleminin) konseptual
qoyuluşu aşağıdakı məntiqi yanaşmaları özündə ehtiva edirdi:
-
Əsas olan standartlaşdırılmış kütləvi istehsaldır.
-
Məhsulun realizasiyası problem deyil. Təklif spontan
şəkildə tələb doğurur. Yəni, marketoloqların ifadə etdiyi
kimi, “satıcı bazarı” hökmrandır.
-
Maliyyə - real sektorun xidmətçisidir və bundan kənarda
“fəaliyyət” göstərə bilməz.
Aydındır ki, qeyd etdiyimiz yanaşma geniş təkrar istehsal
prosesinin tamlığını, bütövlüyünü pozmaqla inkişafın sistemli
xarakterinə ciddi zərbə vurur və kəskin fəsadların meydana çıxmasına
yol açırdı. Məhz buna görə də 1929-1933-cü illər ərzində “piramida”
quruculuğu prosesi özünün fiziki sərhədlərinə çatmaqla ömrünü başa
vurdu. Məhz o böhrandan sonra dünya yalnış yolda olduğunu, yalnız
real sektora “güvənməklə” və əsas diqqəti onun üzərində cəmləməklə
inkişafın nizamlı gedişinə nail ola bilməyəcəyini başa düşdü və
yenidən sistemlilik problemi ön plana çıxarıldı. Lakin ifrat kənar elmi
mövqelərin mübarizəsi kimi yadda qalan bu tarixi inkişaf
mərhələsində də qlobal miqyası əhatə edə biləcək, bir növ “ümumi
resept” məzmunlu yanaşma tərzi ortalığa qoyulmamışdır. 1980-ci
illərdən etibarən dünyanı yeni düzənə “sürükləyən” son dərəcə
təhlükəli meyil və təmayüllər meydana çıxmağa başladı. Bütövlükdə
Dünya iqtisadiyyatının tarixi
467
bəşəri təhlükə doğuran meyillər sırasında geniş təkrar istehsal
prosesinin sistemliliyi və tamlılığının yenidən pozulması əlahiddə yer
tutur. Bu mənada, müasir dünya 1929-1933-cü illərin “piramidasının”
astar üzü ilə qarşılaşmışdır.
Maliyyə sferasının əlahiddələşməsi, “özündə şeyə” çevrilməsi,
real sektorla birbaşa bağlılığı olmayan güclü pul axınlarının meydana
çıxması, törəmə maliyyə bazarlarının görünməmiş yüksəlişi
neoliberal
modellə
qloballaşmaya
doğru
gedən
dünya
iqtisadiyyatında tamamilə yeni, əvvəlki dövrlərdən mahiyyətcə
fərqlənən “oyun qaydalarının” formalaşmasına gətirib çıxardı. Artıq
2001-ci ildən dünya yeni düzənə qədəm qoydu. Başqa sözlə, son 20
illik (1980-2001) dövr geniş təkrar istehsal prosesinin kəskin
disproporsiyalarının, kəskin fəsadların meydana çıxdığı dövr kimi
səciyyələndirilə bilər.
Əslində, problemin qoyuluşu çox sadədir. “ qtisadi proses”
dediyimiz şey (maliyyə də iqtisadi prosesdir) fasiləsizdir. qtisadi
proses heç vaxt, nə əvvəlki dövrlərdə, nə də indi ayrı-ayrı indilərdən,
ayrı-ayrı keçmişlərdən və ayrı-ayrı gələcəklərdən ibarət olmayıb.
Keçmiş, indi və gələcək həm funksional, həm determinoloji
baxımdan vəhdətdə olub. Elə buradaca qeyd etmək lazımdır ki,
iqtisadi zaman fiziki zamanla heç vaxt üst-üstə düşməyib. qtisadi
prosesin tsiklik xarakteri var. Bu gün başlanan prosesin hansı effekt
verəcəyini bir ildən sonra qiymətləndirəcəyik deyimi abstraksiyadan
başqa bir şey deyildir. Yalnız tsikl başa çatdıqdan sonra məlum
olacaq ki, başlanan prosesin real effekti hansı həcmdə olub. Tsikl
başa çatmamış bu fikri yürütmək mümkün deyildir.
Bəri başdan qeyd edək ki, iqtisad elmi öz mahiyyətinə adekvat
olan reaksiya sərgiləməkdə, yəni hadisələrin arxasınca “sürünməkdə”
davam etməkdədir. Bununla belə, yenə də, yəni artıq tarixə çevrilmiş
hadisənin (baxmayaraq ki, hələ də davam edir) səbəbiyyət
probleminə yanaşmada vahid mövqe müşahidə olunmur.
Müxtəlif tədqiqatçılar müxtəlif səbəblərdən danışırlar:
1.
Böhran “təbii” prosesdir.
2.
Əsas problem maliyyə sferasında yeni arxitekturanın
qurulması ilə bağlıdır.
3.
Problemə sistemli yanaşılmalı, nəinki iqtisadiyyatın sahə
və sferaları, eləcə də bütövlükdə ictimai həyatın əksər
“dəyişənləri” nəzərə alınmalıdır:
Dostları ilə paylaş: |