179
Taxıl böcəkləri Sərtqanadlılar və ya Böcəklər dəstəsinin
(Coleoptera), Karabid böcəklər
fəsiləsinin
(Carabidae), Zabrus cinsinə mənsub olub, Taxıl böcəyi növünə
(Zabrus tenebrioides
Goeze) aiddir [2;6].
Azərbaycan ərazisində bu böcəyin sistematikası, biodinamikası görkəməli entomoloq alim
N. H. Səmədov tərəfındən öyrənilmişdir [1;6].
N.Səmədova görə, Azərbaycan ərazisində bu böcəyin bir neçə növü: Cənubi taxıl böcəyi
(Zabrus morio Men), Adi Zaqafqaziya taxıl böcəyi
(Zabrus tenebrioides elongatus Men), Dağ
taxıl böcəyi
(Zabrus triinii Fisch), Böyük taxıl böcəyi
(Zabrus spinipes rugosus Men) müxtəlif
səviyyədə yayılmışdır. Bunlardan taxıl sahələrində Adi Zaqafqaziya və Cənubi taxıl böcəkləri
daha geniş yayılaraq, taxıl bitkilərinə ziyan vururlar. Digər növlər isə əlverişli şərait olduqda
kütləvi çoxala bilir [1;3;6].
Taxıl böcəklərinin yayılması və zərərvericiliyi: Taxıl böcəkləri əvvəllər Böyük
Qafqazın Dağətəyi bölgələrində və Dağlıq Qarabağ ərazisində yayılaraq həşəratın ilkin mənbəyi
hesab edilirdi.
Taxıl böcəklərinə Azərbaycanın taxılçılıqla məşğul olan əksər yerlərində təsadüf olunur.
Lakin, son illər bu zərərverici Şəki-Zaqatala (Şəki, Oğuz, Qəbələ, İsmayıllı) və Aran İqtisadi
bölgəsi (Beyləqan, Fizuli, Ağdam, Ağcabədi) rayonlarında geniş yayılmışdır.
Əkin sahəsində taxıl böcəklərinin miqdarını təyin etmək üçün, payızda və yazda torpaq
0,25 m
2
ölçüdə (50 sm x 50 sm), 20-30 sm dərinlikdə qazılır və hər 10 hektardan 4-5 nümunə
götürülür. Sahə böyük olduqda hər 10 hektara əlavə 4 numunə götürmək lazımdır [5;7].
2010-12-ci illərdə Fizuli rayonunun (Haramı düzü) fermer təsərrüfatlarında dəmyə
şəraitində ardıcıl olaraq əkilən taxıl sahələrinin taxıl böcəyi ilə kütləvi zədələnməsi müşahidə
olunmuşdur. Belə ki, taxıl böcəyinin sürfələrinin sayı l m
2
-də 40-50 ədəd olmuş və nəticədə 30
min hektar buğda sahəsindən 2 min hektarı tamamilə məhv olmuşdur.
Anoloji vəziyyət Qəbələ rayonunun taxıl əkinlərində də qeyd olunmuşdur. Burada da
sürfələrin sayının bu iqtisadi zərərvurma həddindən yüksək olduğunu nəzərə alıb (l m
2
-də 10-15
ədəd) kimyəvi mübarizə tətbiq olunmuşdur.
Taxıl böcəkləri taxıl bitkisinin dəni, sürfələri isə cücərtiləri ilə qidalanrlar. Bir böcək 20
gün ərzində 50-60 dəni zədələyə bilir [3;4].
Surfələr bitki yarpaqlarını elə gəmirir ki, bu yaraqlardan yalnız damarlar qalır və bu bir-
birinə dolaşmış sap yumağı kimi olur. Güclü zədələnmə nəticəsində bitki məhv olur, əkin
sahələri seyrəkləşir. Onlar payızlıq əkin cücərtilərini bəzən о qədər zədələyir ki, belə sahələrdə
təkrar səpin aparmaq lazım gəlir. Böcəyin zərərvericiliyi nəticəsində məhsul itkisi 20-30, bəzən
70-80%-ə çatır [5; 8].
Ədəbiyyat məlumatlarma görə, [5;9] normal sıxlığa malik əkin sahəsinin 1 m
2
-də bir sürfənin
olması, 1% bitkini məhv edir. Buna görə də l m
2
-də 6-7 sürfə olduqda kimyəvi mübarizə
aparmaq lazımdır və bu zaman məhsul itkisini 50-60%-ə qədər azaltmaq olar. Sahənin 1 m
2
-də
30 və ya daha artıq
sürfə olarsa, ikiqat çilənmə aparılmalıdır.
Taxıl böcəyinin iqtisadi zərərvurma həddi bitkinin inkişaf fazasından asılı olaraq 1 m
2
-
dəki sürfələrin yaşı və sayı ilə müəyyən olunur [10].
Taxıl böcəyinin iqtisadi zərərvurma həddi
Bitkinin inkişaf fazası
1 kv.m-dəki sürfələrin sayı, ədədlə
Cücərmə
Kollanma (payızda)
Böyümə
(yazda) Kollanmanın sonu
3-4 əd. I yaşlı və ya 0,5 əd. III yaşlı 3-6 əd. II-III yaşlı
3-4 əd.
4-10 əd.