4. NƏTİCƏ VƏ TƏKLİF
Aparılan tədqiqat göstərir ki, ümumilikdə rəqabət qabiliyyətini müəyyən edən əsas
amillər qiymət, həcm və rentabellik səviyyəsidir. Eyni zamanda ölkədə nəqliyyat-tranzit
sektorunun rəqabət qabiliyyəti rəqabət qabiliyyətli müəssisələrin bu sektorda nə vaxtdan
fəaliyyət göstərməsindən və xidmətlər bazarında rəqabətin intensivliyindən asılıdır. Rəqabət
qabiliyyətliliyi isə rəqabət vasitələrini, müəssisənin xüsusiyyəti və bazarda rəqabət
üstünlüyündən istifadə etmək imkanlarını əhatə edir.
Hazırda Azərbaycanda ümumi daşıma zamanı yaranan əlavə dəyərin təxminən 70%-i
avtomobil nəqliyyatının payına düşür. Bununla yanaşı dəniz nəqliyyatının mövcud olmasına
baxmayaraq o, aşağı xidmət səviyyəsi ilə səciyyəvidir və əlavə loqistik xərcləri vardır.
Azərbaycanda nəqliyyat sektorunun rəqabət qabiliyyəti nəzəriyyədə geniş yayılmış sahə
və firma səviyyəsində olan amillər nəzərə alınmaqla araşdırılmışdır: Bu sahədə mövcud
vəziyyətin təhlili göstərdi ki, nəqliyyat-tranzit sektorunun xidmətlərində rəqabət qabiliyyətini
simullaşdıran əsas amil məsrəf, keyfiyyət, texnologiya və işçi qüvvəsidir.
Nəqliyyat xidmətlərinin beynəlxalq bazarda rəqabət aparması bu növ xidmətlərin iki
parametrindən asılıdr: müəssisənin ölçüsü (yalnız nəqliyyat vasitələrinin sayı deyil, həm də
işçilərin sayı üzrə) və ixtisaslaşma səviyyəsi (nəqliyyat, loqistik və ya ekspeditor müəssisələri).
Ən kiçik və ən böyük müəssisələr bazarda bir o qədər də rəqabət qabiliyyətli deyildir. Belə ki,
kiçik müəssisələr iri müəssisələr ilə müqayisədə böyük xidmətlər göstərmək imkanına malik
deyillər, iri müəssisələr isə effektiv işləmək imkanlarını itirirlər.
İxtisaslşamaya gəldikdə isə qeyd etmək lazımdır ki, loqistik müəssisələr nisbətən rəqabət
qabiliyyətlidirlər: onlar müştəriyə aşağı və ya orta qiymətlərlə həm nəqliyyat və həm də digər
növ xidmətləri göstərə bilərlər. Hazırda nəqliyyat xidmətləri bazarında müəssisələrin aşağı
xərc strategiyası əsas rəqabət üstünlüyü amillərinin birincisi kimi çıxış edir.
Müasir dövrdə yük daşıma xidmətləri müəssisələri xidmətlərdə fərqlilik üzrə rəqabət
aparırlar: onlar öz xidmətlərini differensasiya etməklə yanaşı, iri həcmli xidmətlər üzrə riskləri
bölüşdürmək (sığortalamaq) imkanlarını axtarırlar.
Müəssisənin firma səviyyəsində rəqabət üstünlüyünü müəyyən edən əsas amil texniki
innovasiya və xidmətlərin keyfiyyətidir. Xidmətlərin keyfiyyəti isə nəqliyyat müəssisəsinə
olan inam, etibar və təhlükəsizlik kimi faktorlarla müəyyən edilir.
MDB və Avropa ölkələrinin nəqliyyat xidmətləri ilə müqayisədə Azərbaycanın
nəqliyyat-tranzit sahəsində xidmət göstərən müəssisələr elə də böyük rəqabət aparmaq
imkanlarına malik deyildir. Bu, rəqabət qabiliyyətini müəyyən edən amillərin kifayət qədər
zəif inkişaf etməsi ilə əlaqədardır. Tədqiqatın nəticələrinə və beynəlxalq təcrübəyə
əsaslanmaqla həm rəqabət qabiliyyətli nəqliyyat-tranzit sektorunun formalaşdırılması və həm
də beynəlxalq xidmətlər bazarında rəqabət üstünlüyünün qorunması üçün aşağıdakı tədbirlərin
həyata keçirilməsini məqsədə uyğun hesab edirik:
1.
Nəqliyyat məsrəflərinin azaldılması və sektorun rəqabət qabiliyyətliliyini artırmaq
üçün regional logistik mərkəzlərin yaradılması;
2.
Ölkə ərazisindən tranzit konteyner daşımalarını inkişaf etdirmək, bu məqsədlə dəmir
yolu tariflərinin beynəlxalq standartlara uyğunlaşdırılması;
3.
Nəqliyyat sektorunun rəqabət qabiliyyətliliyini artırmaq üçün innovasiyaların tətbiqini
və klasterlərin yaranmasının stimullaşdırılması;
4.
Nəqliyyat növlərindən asılı olaraq yük daşıma qiymətlərinin (tranzit və yerli) Tarif
Şurası tərəfindən tənzimlənməsi;
5.
Maliyyə institutlarının nəqliyyat kompleksinə kapital qoyuluşlarını artırmağa
stimulların verilməsi;
6.
Nəqliyyat sektorunda kiçik və orta sahibkarlığın inkişafının dəstəklənməsi.
7.
Tranzit və əlavə nəqliyyat xidmətləri göstərən müəssisələrdə infrastrukturun
yeniləşməsinə dəstək;
8.
Liman ərazisində azad iqtisadi zonaların yaradılması və bu ərazilərdə nəqliyyat
xidmətlərinin inkişafına dövlət dəstəyinin artırılması.
9.
Nəqliyyat-tranzit fəaliyyətini tənzimləyən qanunvericilik bazasının təkmilləşdirilməsi.
5. İSTİFADƏ EDİLMİŞ ƏDƏBİYYAT
1. Azərbaycan Respublikasının Konstitusiyası. Bakı, "Qanun" nəşriyyatı, 2003.
2. Azərbaycan Respublikasının Vergi Məcəlləsi. Bakı, "Qanun" nəşriyyatı, 2004.
3. Azərbaycan Respublikasının Vergi Qanunvericiliyi. Bakı, "Qanun" nəşriyyatı, 2003.
4. Azərbaycan Respublikası Gömrük Məcəlləsi. Bakı, "Qanun" nəşriyyatı, 2004.
5. Azərbaycanın statistika göstəriciləri, 2008, Bakı 2008
6. Bıkov A.Q., Polovinçik D.İ., Saviçev Q.P. Kommentariy k Ustavam avtomobilğnoqo
transporta soöznıx respublik. M., 1978, s, 5-6.
7. Azərbaycan Respublikasının vergi hüququ. Bakı, "Azərbaycan universiteti" nəşriyyatı,
2003.
8. Azərbaycan Respublikasının maliyyə hüququ. Dərs vəsaiti. Bakı, "Qanun" nəşriyyatı,
2003.
9. E.Əliyev. Yol hərəkətinin beynəlxalq hüquqi tənzimlənməsi və milli anunvericilik. Dərs
vəsaiti. Bakı, "Hüquq ədəbiyyatı" nəşriyyatı, 2003.
10. O.Əfəndiyev, E.Əliyev Müasir beynəlxalq iqtisadi münasibətlərdə istifadə edilən 700
termin. Bakı, "Hüquq ədəbiyyatı" nəşriyyatı, 2004.
11. "Avropa-Qafqaz-Asiya dəhlizinin inkişafına dair beynəlxalq nəqliyyat haqqında Əsas
Çoxtərəfli Saziş". Bakı, 1998.
12. "Azərbaycan Respublikası, Gürcüstan, Türkmənistan və Özbəkistan Respublikası
arasında tranzit yük daşımalarının tənzimlənməsi sahəsində əməkdaşlıq haqqında Saziş".
Bakı, 1996.
13. Azərbaycan Respublikasında Hasilatın Pay Bölgüsü Haqqında Sazişlər. 1994-2004.
14. "Azərbaycanın Vergi Xəbərləri" jurnalı. Bakı, 2004, №4, səh, 6.
15. "Xalq" qəzeti, 14.09.2004-cü il, səh. 4.
16. «BYD kitabçasının tətbiqi ilə beynəlxalq yol daşımaları haqqında» Gömrük
Konvensiyası.
17. «Beynəlxalq avtomobil daşımalarını həyata keçirən nəqliyyat vasitələrinin
ekipajlarının işinə aid» Avropa Sazişi (ESTR)
18. «Beynəlxalq avtomagistrallar haqqında» Avropa Sazişi.
19. «Yol hərəkəti haqqında» Konvensiya.
20. «Beynəlxalq Yük Daşınması Müqaviləsi haqqında» Konvensiya (KDPQ).
21. «Yol nəqliyyat vasitələrinin ticarət və kommersiya məqsədilə müvəqqəti idxalının»
Gömrük Konvensiyası.
22. «Sərhədlərdə yüklərin nəzarətdən keçirilməsi şərtlərinin razılışdırılması haqqında»
Beynəlxalq Konvensiya.
23. «Tez korlanan qida məhsullarının beynəlxalq daşınması və bu daşımalar üçün təyin
olunmuş xüsusi nəqliyyat vasitələri haqqında» Saziş.
24. «Konteynerlərə aid» Gömrük Konvensiyası.
25. «Təhlükəli yüklərin quru yollar ilə beynəlxalq daşımaları haqqında» Avropa Sazişi
(DOPOQ).
26. Əliyev E.Ə.Beynəlxalq nəqliyyat daşımalarının konvensiyon təsbiti. Bakı, «Hüquq
ədəbiyyatı» nəşriyyatı, 2002.
27. Əliyev E.Ə. Nəqliyyat hüququnun əsasları. Bakı, «Hüquq ədəbiyyatı» nəşriyyatı, 2004.
İngilis dilində