Azərbaycan respublikasi föVQƏladə hallar naziRLİYİ SƏnayedə İŞLƏRİn təHLÜKƏSİz göRÜLMƏSİ VƏ dağ MƏDƏn nəzarəTİ DÖVLƏt agentliYİ azərbaycan respublikasi əMƏYİn mühafiZƏSİ VƏ

5.2.7 Vışkanın dartıcıları estakadanın işlək yolunun azı 5m hündürlüyündən keçməlidir.
5.2.8 Estakadayanı özüllərin bir birindən azı 100m məsafədə tikilməsinə icazə verilir.
5.2.9 Yanan materialların partlayış təhlükəli zonada yığılması (saxlanılması) qadağandır.
5.2.10 Keçidlərin və yolun hissələrinin (estakadaların) bağlanması (yolun təmiri və başqa məqsədlər üçün) və kənar yolların düzəldilməsi, aparılacaq işin yeri, xüsusiyyəti və müddəti göstərilməklə, müəssisə rəhbərinin icazəsi və Dövlət Yanğın Nəzarəti Xidmətinin yerli bölmələrinin razılığı əsasında aparılmalıdır.
5.2.11 Müəssisələrin (obyektlərin, sexlərin, sahələrin və s) ərazisində siqaret çəkmək üçün xüsusi yerlərin ayrılmasına icazə verilir (Dövlət Yanğın Nəzarəti Xidmətinin yerli bölmələri ilə razılaşdıraraq). Onlar si­qaret qalıqları üçün qutu (urna) və içərisində su olan tuturnlarla təchiz edilməlidir. Həmin yerdə üzərində "Siqaret çəkmək üçün yer" yazılan lövhə asılmalıdır.
5.2.12 Avtonəqliyyat və traktor texnikası, müəssisələrin partlayış-yanğın təhlükəli sahələrinə (qaz kompressoru stansiyası, çən parkı və s.) yalnız xüsusi buraxılış vərəqəsi ilə daxil ola bilər. Avtonəqliyyat, traktor və digər aqreqatlar qığılcımsöndürənlə və yanğınsöndürmə vasitələri ilə təchiz olunmalıdır.
5.2.13 Hər bir müəssisədə istehsalat sexlərinin, ayrı-ayrı otaqların, qurğuların və anbarların partlayış, partlayış-yanğın və yanğın təhlükəliliyinə görə istehsalat kateqoriyalarını göstərməklə siyahı tərtib olunmalıdır.
5.2.14 Müəssisənin ərazisində qüvvədə olan QOST-a uyğun müvafiq təhlükəsizlik işarələri quraşdırılmalıdır.
5.2.15 Dəniz neft-qaz-mədən obyektlərində tutumda səviyyəni ölçmək, işıqlandırma və qızdırmaq məqsədi ilə məşəl, kibrit, şam, kerosin fənərləri, tonqal və digər açıq alov mənbələrindən istifadə etmək qadağandır.
Donmuş armatura, aparaliar, boru kəmərləri yalnız isti su, buxar vasitəsi ilə qızdırılmalıdır.