Naxçıvan Muxtar Respublikası – 90
Azərbaycan Respublikasının Nazirlər Kabineti AMEA
Naxçıvan Bölməsinə və Naxçıvan Dövlət Universitetinə müxtəlif
ixtisaslar üzrə fəlsəfə doktoru və elmlər doktoru hazırlamaq
səlahiyyəti vermişdir. Hər iki müəssisədə doktorantura şöbəsi,
Naxçıvan Dövlət Universitetində 1996-cı ildən 4 ixtisas üzrə
dissertasiya şurası fəaliyyət göstərir. Şurada Azərbaycan ədəbiy-
yatı tarixi, Azərbaycan dilçiliyi, Azərbaycan tarixi, pedaqogika
ixtisasları üzrə fəlsəfə doktoru dissertasiyaları müdafiə olunur.
2010-cu ildən dissertasiya şurasına dünya ədəbiyyatı və sənət-
şünaslıq ixtisaslarından da dissertasiya müdafiə etmək səlahiyyəti
verilmişdir. 2006-cı ildən AMEA Naxçıvan Bölməsində də 3 ix-
tisas (Vətən tarixi, iqtisadiyyat və arxeologiya) üzrə dissertasiya
şurası fəaliyyət göstərir. 2013-cü ildən bu dissertasiya şurasına
doktorluq dissertasiyası müdafiə etmək səlahiyyəti verilmişdir.
Naxçıvan Muxtar Respublikası Ali Məclisi Sədrinin
imzaladığı onlarla sərəncam elm adamlarının elmi fəaliyyətlərinə
stimul vermiş və onların tədqiqat istiqamətlərini müəyyənləşdir-
mişdir. “Uluslararası qaynaqlarda Naxçıvan”, “Deportasiya tarixi
və Naxçıvan”, “Mustafa Kamal Atatürk - Heydər Əliyev - Nax-
çıvan: həyat və inkişaf modelləri”, “Naxçıvan: tarixi gerçəklik,
müasir durum, inkişaf perspektivləri”, “Nuh peyğəmbər: Dünya
tufanı və Naxçıvan”, “Behbud ağa Şahtaxtinski və Qars müqa-
viləsi”, “Naxçıvan: ilk yaşayış və şəhərsalma yeri kimi”, “Nax-
çıvan: ilkin şəhər və Duzdağ” və digər mövzularda keçirilən
beynəlxalq simpozium və konfranslarda dinlənilən məruzələr
Naxçıvanda elmi mühitin canlanmasına və inkişafına böyük təsir
göstərmişdir.
Naxçıvan Muxtar Respublikası – 90
Naxçıvan Muxtar Respublikası Ali Məclisi Sədrinin “Or-
dubad rayonundakı Gəmiqaya abidəsinin tədqiq edilməsi haq-
qında” 2001-ci il 26 aprel tarixli Sərəncamından sonra Gəmiqaya
abidəsinə beynəlxalq ekspedisiyalar təşkil edilmiş, tədqiqatlar
aparılmış, ona qədər kitab, monoqrafiya, foto-albom hazırlanmış
və xeyli sayda məqalələr yazılmışdır. Muxtar respublika ərazi-
sində 1202 tarix və mədəniyyət abidəsi müəyyən edilmiş,
pasportlaşdırılmış və tədqiq edilmişdir. Tarix və mədəniyyət
abidələri öyrənilməklə bərabər, həm də bunlardan 60-a yaxını
bərpa və restavrasiya edilmişdir.
Naxçıvanın tarixinin dərindən araşdırılması və əhatəli
öyrənilməsi məqsədilə “Naxçıvan tarixi” çoxcildliyinin hazırlan-
ması və nəşr olunması haqqında Naxçıvan Muxtar Respublikası
Ali Məclisi Sədrinin 2012-ci il 6 avqust tarixli Sərəncamı ilə
üçcildlik “Naxçıvan tarixi”nin hazırlanmasına başlanılmış, həmin
əsərin I cildi nəşr olunmuşdur.
Naxçıvana həsr olunmuş çoxlu sayda kitab, albom, elmi-
kütləvi məqalə, qəzet və jurnal materiallarının, sənədli filmlərin,
elektron daşıyıcıların qorunub saxlanması, tədqiq və təbliğ olun-
ması məqsədilə Naxçıvan Muxtar Respublikası Ali Məclisinin
Naxçıvanşünaslıq Mərkəzi fəaliyyətə başlamışdır.
Naxçıvan Muxtar Respublikasının yaradılmasının 75, 80,
85 və 90 illikləri ilə əlaqədar ümummilli lider Heydər Əliyevin,
Azərbaycan Respublikası Prezidenti İlham Əliyevin imzaladığı
sərəncamlar Naxçıvanın muxtariyyət tarixinin və muxtariyyət
dövrünün geniş araşdırılmasına səbəb olmuşdur.
Ötən illər ərzində ikicildlik “Naxçıvan ensiklopediyası”,
“Naxçıvan abidələri ensiklopediyası”, üçcildlik “Naxçıvan
Naxçıvan Muxtar Respublikası – 90
folkloru antologiyası”, “Naxçıvan tarixi atlası”; Naxçıvanın flora
və faunasına həsr olunmuş kitablar, “Naxçıvan teatrının
salnaməsi” və başqa kitab, monoqrafiya və ensiklopediyalar nəşr
olunmuşdur.
Azərbaycan elmi potensialına Naxçıvan diyarının töhfəsi
böyükdür. Ölkənin elmi idarə və təhsil müəssisələrində, habelə
onun hüdudlarından kənarda Naxçıvan torpağının yetirməsi olan
yüzlərlə alim çalışmış və çalışır. Onların bir çoxu ən yüksək elmi
dərəcə və adlara, dövlət mükafatlarına və fəxri adlara layiq
görülmüşlər. Akademiklər Yusif Məmmədəliyev, Həbibulla
Şahtaxtinski, Şirəli Məmmədov, Həsən Əliyev, Müzəffər
Abutalıbov, Məmməd Cəfər Cəfərov, İsmayıl İbrahimov, Həsən
Abdullayev,
Zərifə
Əliyeva,
Rəhim
Rəhimov,
Toğrul
Şahtaxtinski, Cəlal Əliyev, Məhərrəm Məmmədyarov, Siddiqə
Məmmədova, Əhməd Mahmudov, Asəf Nadirov, Fəraməz
Maqsudov, Musa Rüstəmov, Məhəmməd Şahtaxtinski, Nadir
Seyidov, Ramiz Rizayev, Mahmud Kərimov, Cəmil Əliyev,
Vasim Məmmədəliyev, Əli Abbasov, İsmayıl Hacıyev, İsa
Həbibbəyli, habelə Azərbaycan Milli Elmlər Akademiyasının
müxbir üzvləri Cəmşid Zülfüqarlı, Bəhmən Axundov, Qaraş
Mədətov, Mustafa Hüseynov, Yəhya Məmmədov, Mikayıl
Rəhimov, Yavuz Rüstəmov, Telman Qurbanov, Əliyar Səfərli,
Arif Abbasov, Sevda Məmmədəliyeva, Qüdrət Kəlbəliyev, Sabit
Kərimov, Əyyub Quliyev, Asəf Hacıyev, Səfərəli Babayev,
Zöhrab Vəliyev, professorlar Əziz Şərif, Əli Sultanlı,
Məmmədhüseyn Təhmasib, Mehbalı Qasımov və başqalarının
elmin inkişafında mühüm xidmətləri var. Yusif Məmmədəliyev,
Həsən Abdullayev, Eldar Salayev, Fəraməz Maqsudov və
Dostları ilə paylaş: |